طالب سعودي يتعرض للطعن بسبب «موقف إنساني»

السلام عليكم ورحمة الله وبركاته
ارجو من الله القادر ان يعينه ويقومه بالسلامة
يا اخواني واخواتي
القانون بامريكا يمنع انك تركب اي احد من الشارع ولو شافك شرطي راح يعطيك مخالفة

اذا الواح حنا بالسعودية صرنا ما عاد نوصل احد
هذا جاي الله يشفيه يوصل امريكي اسود و بالليل

الحمد الله علي سلامته هلحين والله العالم ماتوقف لحد هنا بسعوديه الله يهديه موقف لواحد فأمريكا وخال ^^

للأسف , الكثير من الاخوان السعوديين بأمريكا متساهلين جدا في مثل هذي الامور !
ويتجاهلون ان هنالك عصابات وعنف وقتل وسرقه وماخالف ذلك !..

خصوصا بعد احداث 11 سيبتمبر .. والشعب الامريكي اخذ فكرة سيئه عن الاسلام وبالاخص عن ( السعوديه ) لأنها بلد الاسلام !
لا احد يعرف ان هؤلاء الاشخاص قد مات لهم قريب او صديق بسبب تلك الحادثه !
فمن الممكن ان هذا الشخص قد بشرب من الخمر ويفقد وعيهه . وبالتالي يتذكر اخوه او ابوه او قريبه الذي مات بالحادثه !
فبالتالي من الممكن ان يقتل اي شخص عربي متواجد قريب منه او يعرفه !

والكثير من اخواننا السعوديين غير مبالي لاي شيء ! فمن كثرة اللآمبالآه ., تجده يتصرف تصرفات عشوائيه !
فكرتهم الوحيده ( انت في ديرة الحريه ... رح انبسط ولاعليك وطيح اللي براسك ) .. وبالتالي .. نرى النتائج سلبيه !

مثل السكن في اخطر منطقه في مدينته ( وهذه النقطه اركز عليها كثيرا .. )
( يعني تخيلوا المنطقه اللي اهل الديره نفسها ينحاشون منها ... ويقولون انها منطقه خطره الداخل مفقود والخارج مولود !. يجوون اخوانا الله يهديهم ويسكنون فيها ويقولون رخيصه وقريبه من الجامعه ؟ )

الله عز وجل يقول في كتابه الكريم ( ولا تلقوا بأيديكم الى التهلكه ).,

يعني مو يجي واحد ويقول باروح اسوي اللي ابي والله الحافظ !



انا ماقول هالكلام لاجل اخوف الناس .. لكن انا اقوله لاجل ياخذون الحيطه والحذر !..
ويتذكرون انهم في ديره مافيها امان ..


والله يحفظنا كلنا .. ويرجعنا لاهالينا سالمين وغانمين ومرفوعين الراس يارب !..

هذا والله الموفق ..
اخوكم محمد

القصه غريبه شوي وكاني اتابع فلم اكشن اتوقع هناك مبالغه في القصه او زياده غير صحيحه ...

يارب اشفيه وعافيه

الله يحمينا جميعا بإذن الله ويحفظنا من كل شر ومكروووه

المفرووض في بلاد الغربة مايثق فأحد من الجامعة للبيت لاتوصل فلان ولا علان خلك فحالك محد بيقربك

الله يقومه بالسلامه

ويشفيه من كل شر

ياقليبي ع ولدنا الله يقومه بالسلامه القصه غريبه او فيها مبالغه مو هذا المهم الخلاصه ان واحد من عيالنا تضرر ضرر كبير او صغير في كل الاحوال مانبي اي اذى لاي واحد وربي يقومه سالم عاجلا غير اجل دعواتكم له

واقول لعيالنا وبناتنا كلهم تكفون ديرو بالكم ع انفسكم وخلكم حذرين

يالله بدينا نخاف من الحين

يا اخي طيب انا وش وضعي با اطلع انا وزوجتي وولدي

اخاف نرجع بتوابيت

طيب اذا احد ضايقنا وش رد الفعل اللي تقترحونها
اسكت وامشي احد الحلول النموذجيه لي
لكن اذا كان الغلط كااااااايد وش السواه هنا هل اعتدي عليه والا كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يستر،،

حتى في السعودية صار الواحد يخاف من عمل الخير..