احـترت !! من وين أشتري iPhone 4 ؟؟

لي عودده باذن الله

الله يعافيكي

صحيح الشركة الاولى في كل شي واهم شي النصب عندهم

انتي اهم شي عندك النت في الايفون

هذي الشركة اشتراك شهري ومعاه نت ( محدوووووود) ب 100 دولار شهريا

تي موبيل شهريا و نت ( مفتووووح ) ب 60 دولار شهريا (هذي باقتي )

ومدري مين الي قالك انه اجهزة موبايلي مقفله طيب كيف الناس مشغلتها على الاتصالات السعوديه ؟!!

طيب انا مشتري من موبايلي 3g وجهازي يشغل اي شريحه

وبالنسبة لخدمة الفيس تايم هذي ماتشتغل عندنا في السعودية ممنوعه

وعلشان تتجنبي المشكله لاتحدثي الجهاز اول مايشتغل

لانه تجيكي رساله تحديث للجهاز ارفضيها وانتهى الموضوع

بالتوفيق

الله يسلمك يارب مشكوور وماقصرت

at&t كأنها شركة الاتصالات هنا

ان شاء الله أطلع لي خط من شركة تي موبيل بس يمكن تغطيتها ماتكون كاملة في ولايتي

تحديث 4.01 هو اللي مايشتغل عليه الفيس تايم ؟؟

يعني الأفضل اتوكل على الله و اشتري الجهاز مو موبايلي ويشتغل معي بأمريكا زي الفل ؟؟

في برامج وخدمات ثانية ممكن ماتشتغل معي بأمريكا اذا اخذت الجهاز من هنا ؟؟

الله يوفقك يارب

حيالله الشيف نهى اللي مجوعتنا طول أيام الرمضان , وين طبخاتك هاهـ يوم خلص الرمضان ماشفناها .؟! يؤ

انا بكرا ان شالله راح اشتريه من موبايلي 16 جيجا بـ 2700 ومفتوح وضمان وريح راسك كنت موصي واحد يجيبه من بريطانيا بس يوم نزل هنا غيرت رأيي

بالتوفيق لك أختي الكريمة

هههههههههههه خلص رمضان وخلص الطبخ

ياهلا فيك .. كنت بروح اليوم موبايلي وتذكرت الزحمة قلت اخليها بكرة ان شاء الله

طيب الفيس تايم ماتشتغل عندنا بالسعودية .. من الجهاز وإلا من الشبكة ؟؟

يعني لو اشتريه وماتشتغل هنا بس تشتغل بأمريكا !! وإلا ماتشتغل نهائيا ؟؟

رحت اليوم لفرع موبايلي ويقول الأجهزة خلصت .؟! مالت عليهم .
بخصوص الفيس تايم ماعندي فكرة بس اعتقد من نفس المشغل ( الشبكة ) مو من الجهاز والله اعلم .

أختي نوها من ناحيتي انا أشتريته مفتوح من كندا عن طريق ولد عمي والضمان نفس الضمان اللي بامريكا كلفني حوالي 750 دولار أمريكي*
أما من ناحية خطوط الأنتاج انتي صادقه اللي بأمريكا وكندا الخط الاول وآسيا خاصة الخط الثالث
هذا الكلام ماهوب من فراغ الدليل على ذلك أول السريال نمبر حق الجوالا اللي تحصلين عليها من AT&t نفس السريال بكندا
والللي بالسعوديه تلقين مكتوب بالسريال A3 هذا دليل الخط الثالث يتغير الحرف A على حسب
ولكن حاليا أخذت واحد ب200 دولار عن طريق واحد عنده سوشن

لااا قهر .. طيب ما قال لك متى تجي الدفعة الجديدة ؟

30 الف آي فون وصل لموبايلي << وخلصوها باسبوع

تدري وين المشكلة .. الموظفين في موبايلي يبيعونه بالواسطه

قرأت بمنتدى عن هاذي الحركة اللي صايرة

يقول لك مافي وهو موجود بس حاجزينها لأصحابهم أو أهلهم

بكرة ان شاء الله بالصباح بمر على فرعين واشوف !!

* طيب اذا مالقيت أشتري من جرير ؟؟

بعضهم مايمدحون أجهزة جرير دايم تخرب .. ولا يتكفلون بتصليحه ولا شي .. كلام فاضي ضمانهم