احـترت !! من وين أشتري iPhone 4 ؟؟

السلام عليكم

أقدر أشغل الجهاز اللي أشتريه من موبايلي على T Mobile أو أي شركة أمريكية ، لأني سمعت أنو نظام شرايح أمريكا غير النظام اللي موجود عندنا ، يعني كل شركة بامريكا لها نوعية معينة من الأجهزة ، ولا تشتغل عليها إلا الأجهزة الخاصة بالشركة .


تحياتي ..........

ماعليك زرد مبطي لي شهرين ماسمعت you face is White هههههههه قولي ثانكز تعودنا عليها ألحين
؟؟؟؟؟؟؟
أنا أكره ماعندي AT&T جوالي اللي معي تي موبيل بس على شانه رخيص قلنا دامنا مطولين سنتين يمديه يخلص العقد وحنا موجوين
ومن ناحية الجلبريك دامك هنا على طول مالها داعي أسوي جلبريك
بس إذا تبغين مفتوح من هنا مافيه بس من كندا شريته عن طريق ولد عمي هناك طلع علي 32 جيجاب 766 دولار أمريكي
قبل أسبوعين وشحنه ولد عمي لي والله مدري بكم ماعلمني وصلني خلال 8 أيام
أما من ناحية العرض هذا صار السنه اللي فاتت واللي قبلها قبل العام كان ب50 دولار والعام ب45 $ بس السنه ترى مدري هل بيكون بسعر مختلف أو لا والعرض ماهوب يوم بس يبداء من 22 أضمن لك أسبوع بعدا مدري
وإذا جيتي هنا بالسلامه وبغيتيه من كندا مافيه أحد يجيبه لك أنا أخلي ماي كزن يشريه لي على حسابي ويرسله لي إذا انتي تبغينه كان بها وإذا ماتبغينه ماني خسران أزته على السعوديه وأبيعه دبل
معليك ماباخذ منك شئ دامني كنت بذبح لكم خروف بخلي هالخدمه بدل الخروف ؟؟ ترى ماعندي خرفان ماعندي ألا تماسيح المسيسبي
آآآه لاتفهمين غلط قصدي ماباخذ منك اتعاب ولا سعر الجوال بتدفعين دولار فوق دولار ههههههههه
ألا ماقلتي أنتي وش اللي أخرك للحين ماجيتي ؟؟؟؟؟؟؟

ايه تقدر ونوع الشريحة : مايكرو سيم وعند كل الشركات سواء بأمريكا أو السعودية

تجي أصغر من الشريحة العادية

اذا وصلت هناك واخذت لك خط اطلب شريحة مايكرو سيم الخاصة بالآي فون

مساء الخير

انا شريته من امريكا بكونتراكت مع تي ان تي حلو الجهاز مره وكل الخدمات موجوده

الشباب اللي يقول مايشتغل بالعسوديه ما ادري وش يبي فيه بالعسوديه اذا كانت اكثر اجازه ياخذها الطالب من ثلاث اسابيع الى شهر

اذا توفرلك من امركيا اشريه مثل ماقالت امك ولا راح تحتاجينه في السعوديه

ومتى مابغيتي تفكين العقد مع الشركه ادفعليهم الفرق وتاخذينه بدون عقد

علما انه مايسمح لاحد بالحصول على كونتراكت مع الشركه الا بوجود سوشل سكورتي

يعني كذا والا كذا ماراح تاخذين عقد معهم

أولاً أمين ربي يقبل دعوتك ولايحرمك منها
أنتي تعالي وبعدين تيسر الأمور بس تجين وتعرفين الأمور بعدها إذا قررتي حنا في الخدمه
أهم شئ عندي أعضاء لوحة الشرف
أنا بولاية Illinois شيكاقو
ولد عمي بمدينة تورنتو عاصمة مقاطعة أونتاريو أكبر مدينه بكندا حسب علمي
أما من ناحية الأتعاب أنا بضحك على ولد عمي بقول الجهاز لي على شان ماياخذ مني شي ويرسلي الجهاز على حسابه
ووفي نفس الوقت بضحك عليك بقول ولد عمي طلب مني كذا مبلغ وأطلع أنا الكسبان هههههههههههه

والله ماوهقنآ الا هالسوشل سكورتي مسوي لنآ سآلفه مآلها دآعي :S