السادة اعضاء ومشرفي هذا المنتدى الراقي بعد التحية ... .. .
كما وعدتكم هذه تفاصيل رحلتي من الرياض الى امريكا واكرر اعتذاري عن التأخير ولكن يعلم الله ان ذلك التأخير كان بسبب عدم استقراي حتى هذه اللحظة , عموماً اليكم التفاصيل وبعدها سأكتب النقاط المهمة لكل شخص قادم لأمريكا ...
في البداية كانت الرحلة من الرياض الى مطار واشنطن دالاس يوم الاربعاء الموافق 30 / 06 / 2007 م وكانت الرحلة مباشرة على واشنطن وموعدها الساعه الثامنة والنصف صباحاً المهم رحت المطار كالعادة مواصل رحت اخذت البوردنق وعطونا ورقة نعبيها فيها الاسم والعنوان في امريكا ورقم الجواز وبعد ماتخلصها تسلمها للموظف الي عطاك البوردنق وبعدها دخلت الصالة وجلست انتظر موعد الرحلة طلعنا الطائرة وكان فيه تفتيش دقيق جداً قبل صعود الطائرة تفتيش شخصي وتفتيش على الأغراض الي معاك يعني الشنطة الي معاك راح ينثرونها كلها ويفتشونها قطعة قطعة لدرجة ان الولاعات الي معانا اخذوها ، المهم طلعنا الطائرة وكان الإقلاع الثامنة والنصف وبعد الاقلاع واستقرار الطائرة في الجو جابوا الجرايد والتمر والقهوة وبعدها بشوي جابوا الفطور وبعدها بنصف ساعه او ساعة تقريباً بدأوا يوزعون النماذج وهي نموذجين الأول الآي ناينتي فور ( I-94 ) والثاني النموذج الخاص بالجمارك ولونه ازرق وزعوها من بدري عشان تاخذ راحتك ويكون معاك وقت وانت تعبيها ولو احتجت اي مساعده الملاحين الي على الرحلة يساعدونك وترى المعلومات الي فيها سهله مره وكلها مكرره تقريباً والمعلومات هي : الاسم الاول ، الاسم الاخير ، رقم الجواز ، تاريخ الميلاد ، رقم الرحلة ، البلد ، تاريخ الرحلة ، كم المبلغ الي معاك ، نوعية الاغراض الي معاك ، عندك مرض معين ، تستخدم ادوية معينة ، عسى ما اكون نسيت شي . المهم عبيتها على طول وحطيت راسي ونمت تعرفون الرحلة مدتها تقريباً 14 ساعه المهم انام واقوم انام واقوم الى ان وصلنا المطار الساعه تقريباً ثلاثة ونصف العصر العاشرة والنصف ليلاً بتوقيت المملكة ( فرق التوقيت بين المملكة و واشنطن 7 ساعات ) بعد وصولنا المطار نزلنا في باصات الى صالة المطار دخلنا الصالة وفي البداية فيها طريقين الأول للمواطنين الأمريكيين والثاني لغير المواطنين الأمريكيين دخلنا في هذا السرى الي ماتشوف اخره وجلسنا فيه تقريباً 45 دقيقة الى ان وصلت للموظف الأول ويارب استر كنت اتوقع انه كل شي لقيت ان هذا الموظف ولا شي المهم يوم وصلت سألني اسمك وتاريخ ميلادك وبعدين اخذ الجواز والآي توني ( I-20 ) واخذ معاها النموذج الأزرق حق الجمارك وكتب عليه الحرف B وطبعاً رجع الأوراق الي اخذ وقالي تطلع من هنا طلعنا للصالة الثانية وهي صالة العفش يعني خذ معاك عربية حط فيها شنطك واغراضك وامش طلعت من الصالة الثانية ودخلنا الصالة الثالثة (( الي عليها الكلام )) والي ممكن ترجع من هالصالة للسعودية اذا ما دخلك الموظف الي فيها والي لو عديتها تعتبر دخلت امريكا المهم هالصالة مقسمة الى ثلاث اقسام القسم الأول A يخلصون بسرعه ولا يقعدون 5 دقايق والقسم الثاني C ما ادري عنهم والقسم الثالث B الي حنا فيها ، الله لايوريكم طبعاً الجلوس فيها 4 او 5 ساعات يعتبر عادي جداً المهم تسلم جوازك والآي توني ( I-20 ) والنموذجين الأزرق حق الجمارك ونموذج آي ناينتي فور ( I-94 ) تسلمهم للموظفه الي تقابلك وبعدها تروح تقعد لين ينادون عليك طبعاً من حسن حظي اني ماجلست انتظر دوري الا تقريبا 3 ساعات وربع ( هذا من حسن حظي ) جا دوري والمسألة هنا يادخول امريكا يا الرجوع للممكلة واليكم الأسئلة وانتم احكموا .. الاسم الاول ، الاسم الاخير ، تاريخ الميلاد ، اسم الام ، اسم الاب ، كم طولك ، كم وزنك ، عنوان دراستك ، متى بداية الدراسة ، عنوانك في المملكة الى هنا الاسئلة عاديه بعدها خلاني واقف عنده تقريباً 10 دقائق ثم رجع يسأل متى قررت انك تجي امريكا ؟؟؟ !!!!! ، ليش تبي تدرس هالتخصص ( تخصصي علوم حاسب آلي ) ، بعد ماتخلص الدراسة وش راح تسوي ، بعدها جلس يمكن 5 دقايق ثم رجع يسأل وكان هذا اغرب سؤال والسؤال هو : ماهي المدن السعودية الي فيها امريكان ؟؟؟؟ !!!!! قلت له الرياض وجده والظهران بعدها قالي تعال هنا شوي واخذ بصمة العين ورجع لي الجواز ومدبس فيه النموذج السلفي من الآي ناينتي فور ( I-94 ) ورجع لي الآي توني ( I-20 ) وختم عليه وفيه نوع الفيزا وتاريخ الدخول لأمريكا بعد كذا طلعت بعد ماطلعت روحي المهم اني جلست عنده تقريبا 30 دقيقة وجلست انتظر دوري 3 ساعات ونصف هذي 4 ساعات في الصالة الثالثة وتقريباً 45 دقيقة في الصالة الاول هذي 5 ساعات الا ربع الى حد هاللحظة . بعد ماخلصت من عنده طلعنا للصالة الرابعة وفيها لقينا اثنين سواقين من الملحقية وموظفين من السفارة السعودية اول ما وصلنا لهم استقبلونا ورحبوا فينا وبعدها وزعوا علينا الاوراق الي نعبيها عشان فتح ملف المبتعث وطلبوا منا الجواز وقبول الجامعة وقبول المعهد وصورتين شخصية بخلفية بيضاء وشهادة الدبلوم او الثانوية مع السجل ( طبعاً مترجمة ) وطلبوا قرار الإبتعاث وطلبوا صورة بطاقة الأحوال كلها تسلمها صور الا الجواز والآي توني وقرار الابتعاث والشهادات تسلم الاصول واذا ماعندك صور عطهم الاصول وهم يصورونها لك ويرجعونها لك . المهم بعد كذا اخذونا على الفندق اسمه " جيت إن " يبعد عن المطار 7 دقايق وعن الملحقية 40 دقيقة وسعر الغرفة فيه تقريبا 127 دولار بس كل اثنين في غرفة يعني تطلع على الواحد 63 دولار والسكن على حساب المبتعث ومو شرط تروح هالفندق ممكن تروح الفندق الي انت تبيه عموماََََََََََ رحنا الفندق وصلنا تقريباً الساعه 8 او 9 بدلت ملابسي واخذت لي دش وبعد كذا نزلت تقهويت تحت الى الساعه 10 وبعدها رحت تعشيت في مطعم يهودي وقلت للجرسون ما ابغى اكل فيه لحم خنزير قالي حنا يهود واليهود مايذبحون ولا يأكلون الخنزير وعلى فكرة الخنزير بالإنجليزي بورك ( PORK ) تعشيت فيه ورجعت الفندق جلست مع الشباب شوي بعدها نمت واليوم الثاني صحينا الساعه 8 الصباح افطرنا وجا السواق حق الملحقية اخذنا ورحنا الملحقية وموقعها في مبنى الوترجيت الدور الثامن والتاسع وصلنا تقريبا الساعه 9 ونص وجلسنا لين اكتملت المجموعة وبدت المحاظرات من الساعه 10 الصباح المحاظرة الاولى عن العلاقات العامة والمحاظرة الثانية عن الامور المالية والعلاج والمحاظرة الثالثة عن الشؤون الدراسية وبعدها مقابلة المشرف الخاص بك واستلام بطاقة التأمين الصحي والشيك الخاص فيك واستلام الضمان المالي . طبعاً في المحاظرة الثانية يوزعون نموذج لكل واحد وفيه المعلومات التالية : الاسم ، رقم الطالب ، رقم التلفون الخاص فيك في امريكا ، عنوانك في امريكا ، اسم البنك ، رقم الحساب ، وفائدة هالنموذج انك اذا رحت البنك وفتحت حساب تعبي هالنموذج وترسله بالفاكس على الملحقية عشان يسجلون عندهم رقم حسابك وبنكك عشان المكافآة . طبعاً بعد المحاضرة الثانية رحنا تغدينا في السفارة السعودية وترى قريبة من المحلقية مابينهم دقيقتين مشي . المهم طلعنا من الملحقية الساعه 5 العصر تقريباً ورجعنا الفندق وهالكلام يوم الخميس وكان الجمعة موعد رحلتي على نيويورك لان دراستي هناك . اليوم الثاني الي هو الجمعة رحت المطار وانتبهوا من نقطة مهمة جداً واشنطن دي سي فيها مطارين الأول دالاس واشنطن والثاني ناشيونال ريقان وانتبهوا رحلاتكم تكون على اي مطار فيهم وتقدرون تعرفون المطار من التذكرة واسم المطار يكون مكتوب بعد كلمة واشنطن . المهم رحت اليوم الثاني الي هو الجمعة المطار عشان رحلتي على نيويورك وبعد ماوصلت المطار وقصيت البوردنق كالعادة كل السعوديين يكون مكتوب لهم في البوردنق الرمز ( SSSS ) ويعني تفتيش دقيق جداً لدرجة انهم ممكن يقولون لك ادخل هالغرفة وافصخ ملابسك عشان التفتيش رحت عشان ادخل الصالة حقت المسافرين وكان للي مكتوب لهم الرمز ( SSSS ) مسار خاص عشان التفتيش دخلوني جهاز الله لا يوريكم ينفض الواحد نفض عشان اي شي في جسم الشخص يطيح على طول حتى لو مثبت على طول يطيح غير كذا ان الجهاز يكشف اي شي في الجسم المهم بعد هالتفتيش وقلت الحياء طلعت رحت الصالة وانتبهوا من نقطة ثانية ممكن البوابات تتغير من وقت للثاني وتلقونها على الشاشات الي في الصالة يعني مثلاً الرحلة على البوابة رقم 27 ممكن بعد ربع ساعه تتغير الى البوابة رقم 34 سألت واحد في المطار ليش تتغير البوابات قال بسبب الإجراءات الأمنية . المهم كان موعد رحلتي الجمعة الساعه 5 العصر تاخرت الى 6 وبعدها تأخرت الى 7 وبعدها تأخرت الى 8 وفي الأخير الغيت الرحلة والسبب ان المطار في نيويورك تقفل بسبب الإرهابيين الي كانوا بيفجرون المطار يوم الجمعة فقاموا قفلوا كل الرحلات ( اكيد كلكم سمعتوا عن الخبر في التلفزيون ) المهم جابوا لنا حجوزات جديدة وكانت رحلتي يوم الاحد ورجعت الفندق لين يوم الأحد ويوم الاحد طلعت المطار ونفس البهذله التفتيش وقلت الحياء اقلعت الرحلة على نيويورك ومدة الرحلة 45 دقيقة على خطوط شركة دلتا الأمريكية . وكانت هالجزئية من التقرير عن اول 5 أيام في امريكا وتحديداً في واشنطن دي سي العاصمة ( WASHINGTON D.C ) وخذوا معلومة على الطاير قبل نهاية الجزئية الأولى .. واشنطن دي سي ماتقع في اي ولاية امريكية لانها منطقة تقع بين ولايتي ميريلاند وفرجينيا جزء هنا وجزء هناك ومعنى دي سي يعني " District of Colombia " اي مقطعة كولومبيا ، وهنا نهاية الجزء الأول من التقرير . الوصول الى نيويورك وتحدياً منهاتن كان في يوم الجمعة الساعه تقريباً السادسة بتوقيت نيويورك وصلت نيويورك ورحت الفندق نمت فيه ذاك اليوم واليوم الثاني الصباح الأثنين رحت المعهد حقي كابلن ( Kaplan ) الله لا يعطيهم عافيه المهم رحت وقلت لهم انا طالب جديد ودراستي تبدأ في 18 جون وهذا الضمان المالي قالي ما نبي منك اي اوراق الا ذاك اليوم تجي وناخذ اوراقك قلت له اوكي والسكن قال عندنا نوعين من السكن الأول شيرنق هاوس يعني بيت مشترك الي يسكنون فيه كلهم طلاب واجاره بالشهر 1620 دولار !!!!! تخيلوا المكافآة 1349 دولار والسكن قيمته 1620 دولار والنوع الثاني شقق ولك غرفة في الشقة وقيمته 1210 دولار . قلت اوكي اجيكم بعدين ، المهم طلعت وكلمت الملحقية وقلت لهم ودي اغير الولاية عشان السكن والمعيشه غاليه في نيويورك قالوا لي خلاص اختر الولاية الي تبيها وارسل لنا ايميل ونغير لك الولاية ثم سألوني قالوا لي وش المعهد قلت لهم كابلن قالوا راح نغير المعهد كله اصلاً وش وداك كابلن هذا ماينفع ولا يعلم انجليزي صورة صحيحة هذا بس حق اختبارات . المهم كلمت المعهد وقلت لهم بغير الولاية واخترت مدينة سياتل في ولاية واشنطن شمال غرب امريكا وانتبهوا فيه ولاية واشنطن وهذي ولاية شمال غرب امريكا وفيه واشنطن دي سي وهذي العاصمة وتقع في شرق امريكا . المهم وافق المعهد على التغيير وارسلت الايميل للملحقية وقلت لهم بقعد في كابلن بس بغير الولاية واليوم الثاني الا وهم مرسلين لي الضمان المالي على الايميل حقي اخذته ورجعت به للمعهد قالوا خلاص حنا ارسلنا ملفك لسياتل الضمان تعطيه كابلن في سياتل قلت اوكي . خلاص هالحين انهيت اموري في نيويورك ودراستي تبدأ بعد اسبوعين تقريباً في سياتل وماعاد عندي شي قلت خلني اجلس في نيويورك واتمشى فيها جلست تقريباً 12 يوم في منهاتن وصرفت حوالي 3200 دولار ونصيحة لا احد يقعد في نيويورك ولا احد يدرس فيها لانها غاااااااااااااااالية جداً جداً والمكافآة الي تستلمها ماراح تكفيك 4 ولا 5 ايام في نيويورك . طبعاً كان موعد رحلتي على مدينة سياتل يوم 16 جون قبل الدراسة بيومين والملحقية ارسلوا لي التذكرة مع الضمان المالي على الايميل المهم رحت المطار يوم 16 جون عشان الرحلة ونفس الشي تفتيش وبهذله وقلت حياء طبعا كالعادة السعوديين على البوردنق حقهم الرمز ( SSSS ) ونفس الشي بعد البوابات حقت الطائرات ممكن تتغير في كل لحظة من بوابة لبوابة وتأكدوا من الشاشات الي في الصالة وترى رحلتي كانت على الاميريكانز ايرلاينز يعني الخطوط الأمريكية ونقطة مهمة جداً نيويورك فيها مطارين الأول JFK يعني جون اف كينيدي والثاني والله ما اعرف اسمه بس تأكدوا رحلتكم على اي مطار . قبل نهاية الجزئية الثانية اكيد كلكم تعرفون منهاتن في نيويورك اعتقد انها من أرقى المناطق في العالم وفيها هيئة الأمم المتحدة والقنصلية العالمية وثالث اطول مبنى في العالم حالياً وفيها تمثال الحرية وكانت فيها أبراج التجارة العالمية قبل 11 سبتمبر وهنا نكون قد وصلنا الى نهاية الجزئية الثانية من التقرير ونكمل السفر إلى مدينة سياتل . حينما يخطر في بالك إسم مدينة سياتل فإنك حتماً ستتذكر مايكروسوف أكبر شركة صناعة برمجيات في العالم وستتذكر شركة ستار بوكس أكبر شركة صناعة قهوة في العالم وستتذكر شركة بوينج أكبر شركة صناعة طائرات في العالم كل هذه الشركات العالمية تقع في سياتل وفي هذه المدينة من جمال الطبيعة مالا يخطر على بال أحد وان قلنا انها جنة الله في أرضه فلن نبالغ لذلك الأمريكان يسمونها قرين فور ايفر ( green for ever ) اي خضراء للأبد ولكم ان تتخيلوا مدينة تهطل فيها الأمطار لمدة 9 الى 10 شهور في السنة كيف راح تكون طبيعتها ؟ عموماً اترككم مع تفاصيل قدومي الى سياتل ،، وصلت سياتل يوم السبت 16 / 06 / 2007 م بعد رحلة دامت 6 ساعات من نيويورك وفي بعض الأماكن تصل مدة الرحلة الى 8 ساعات من شرق أمريكا الى غربها عموماً وصلت سياتل الساعة 8 في الليل ورحت الفندق ونمت فيه الى يوم الأحد المهم صحيت الاحد الصباح ودقيت على العائلة الي بسكن عندها عطوني عنوانهم ورحت لهم وجلسن عندهم يوم الأحد ويوم الأثنين رحت المعهد لقيت كل شي جاهز قدامي لقيت الضمان المالي قد وصلهم من المشرفة حقتي الي في الملحقية ولقيت ملفي برضوه قد وصلهم من كابلن الي في نيويورك اول مادخلنا عطونا اختبار تجريبي عشان تحديد المستوى لا أحد يسألني عن الدرجة ولا عن المستوى بجيكم في الكلام اصبروا شوي بعد الاختبار اخذونا عشان نشوف المعهد وانتهى اليوم الأول من المعهد ونبدأ الدراسة من اليوم الثاني الي هو يوم الثلاثاء 19 / 07 / 2007 م المهم عدينا اليوم الأول على خير وجيت اليوم الثاني وصارت المفاجأة الي ماكنت اتمناها وخلوني هالحين ابدأ اتكلم لكم عن كابلن عشان الي يدرس فيه يقرر مصيرة من البداية .. اولاً اذا كان عنك 100 كلمة انجليزية قبل ماتخش المعهد بتطلع من المعهد ومابقي منها الا 20 كلمة والسبب التدريس اي كلام ونصف المحاضرة لعب وسوالف والشي الثاني كثرة الطلاب السعوديين الي فيه يعني الكلاس الي انا فيه تقريبا 12 طالب منهم 4 سعوديين وفيه كلاس ثاني فيه 3 سعوديين ومجموع الطلاب السعوديين الي في المعهد حقي تقريباً 22 طالب من اصل 97 طالب وكان معنا 7 بنات سعوديات والباقين اولاد يعني كنك في ثانوية في الرياض مو في معهد لغة في امريكا وفي سياتل بصفة عامة تقريباً 230 طالب سعودي غير كذا التدريس اي كلام وفعلاً ثبت انه معهد اعداد للإختبارت مو معهد تعليم للغة لذلك انصح جميع الي بيروحون كابلن يحولون لأي معهد ثاني غير كابلن والله العظيم ماينفع بقرش طبعاً المعهد 5 مستويات كل مستوى 10 اسابيع شهرين ونص يعني بس بعد اسبوع تقدر تطلع المستوى الثاني بس تعبي ورقة وتقول لهم ابي اطلع المستوى الثاني وتروح وبكذا تخلص اللغة في شهرين وانت ماتعرف وين الله حاطك فيه طبعاً انا حطوني في المستوى الأول وجبت في الإختبار حق تحديد المستوى الي اول يوم 445 وشلون حاطيني في المستوى الاول ما ادري طبعاً كلمتهم وقالوا هذا مستواك مع ان الدرجة من 850 يعني تقريباً النصف وبدون مدح او مبالغة على مستوى المعهد مفروض اني اكون في الثالث او الرابع بس يالله مشي حالك في البداية غير كذا الطلاب الي معاك كنهم في الثانوية في الرياض دجة وازعاج وهذولا انا اراهن عليهم انهم بعد سنة بالكثير وهم راجعين السعودية اذا جلسوا على هالحال وما اعتدلوا لانهم ماخدينها لعب وتمشية . عموماً انا جامعتي في بوسطن اصلاً وراح اغيرها وبعد اسبوع تقريباً بروح اسجل في جامعة واشنطن ستيت يونيفيرستي washington state university وهذي في مدينة اسمها بولمان جنب سياتل وعندهم معهد اللغة الخاص بالجامعة مجرد ماتخلص المعهد على طول تخش الجامعة بدون اختبارات ولا شي والمدينة مافيها الا 20 سعودي موزعين بين المعهد والجامعة وانتبهوا فيه جامعة ثانية اسمها يونيفيرستي اوف واشنطن university of washington في سياتل نفسها وهذي قبولها صعب جدا وتعتبر من التوب تن في امريكا . عموما انا رايح بولمان وبغير الجامعة والمعهد واخش معهد الجامعة ومجرد ما اخلص منه على طول اخش الجامعة انشاء الله . والآن اترككم مع بعض النصائح والملاحظات العامة لكي يستفيد منها كل قادم لمدينة سياتل خاصة وامريكا بصفة عامة ...
* في مطار الملك خالد الدولي بالرياض خل معاك قلم علشان تعبي النموذج الي بيعطيك اياه الموظف مع البوردنق ومعلوماته سهله مره ومذكوره فوق . * حاول انك ماتاخذ معاك شنطه كبيرة وفيها اغراض كثيرة في الطائرة لانهم راح ينثرونها لك قبل صعود الطائرة ولا تاخذ ولاعتك معاك لانهم بياخدونها منك وحاول تحط كل اغراضك في شنطة كبيرة واشحنها مع العفش . * في الطائرة ستوزع عليك النماذج الخاصة بالدخول لأمريكا والمعلومات الي فيها سهله ومكرره ومذكورة فوق واذا احتجت اي مساعده الملاحين الي في الطائرة يساعدونك . * عند وصولك للمطار في واشنطن دي سي خلك طبيعي جداً ولاترتبك ولا تقعد تناظر يمين وشمال تقول انك قاعد تخطط المطار ولا فيه شي بعدتخاف الوضع سهل وبسيط . * اذا وصلت للصالة الثانية حقت العفش خذ لك عربية وحط اغراضك فيها وان تخدم نفسك بنفسك . * في الصالة الثالثة في المطار واذا وصلت للموظف الي بيسوي معاك مقابلة اذا ماتعرف تتكلم انجليزي قله وهو يجيب لك مترجم وكمان اذا حسيت نفسك انك جايع قلهم يجيبون لك اكل لانهم عارفين انك بتنطق عندهم 4 ولا 5 ولا 6 ساعات لذلك يجيبون لك اكل ومويه اذا تبي . بس على العموم تراهم اهون من مطار نيويورك لان في نيويورك بتقعد في المطار 8 ولا 9 ولا 10 ساعات وهذا عادي عندهم لانك سعودي والضربة صارة عندهم في نيويورك . * عند الخروج من الصالة الأخيرة ستجد سائق الملحقية في انتظارك وسيقوم بإيصالك للفندق ونصيحة اسكنوا في الجيت ان الي قلت لكم عنه لانه حلو ورخيص وفي منطقة رااااااقية جداً . * خذوا معاكم صور للمستندات التالية : صورة بطاقة الاحوال ، الجواز ، قبول الجامعة ، قبول المعهد ، قرار الابتعاث ، الشهادات الدراسية ومترجمة للانجليزي بياخذها منك سائق الملحقية في المطار وبتاخذها في اليوم الثاني من الملحقية . * في الملحقية راح تاخذ بطاقة التأمين الصحي وفيها رقم الطالب يكون مكتوب وراح تاخذ الشيك حقك وراح تاخذ الضمان المالي وراح تتعرف على المشرف او المشرفه حقتك . * واشنطن دي سي فيها مطارين انتبهوا لرحلاتكم مطار دالاس ومطار ناشيونال ريقان تلقونها مكتوبة في التذكرة بعد كلمة واشنطن ، وكذلك نيويورك فيها مطارين وكذلك سياتل فيها مطارين . * خذوا معاكم من السعودية مبلغ حدود 1500 ولا 2000 دولار وصدقوني راح تكفيكم اذا عرفتوا وشلون تصرفون طبعاً بيكون معاكم بطاقة فيزا ولا ماستركارد ( مو ظروري فيزا ولا ماستر كارد ) بس الي يبي ياخذها ياخذها معاه عادي غير الفلوس الي بتيجيبونها معاكم بتاخدون مكافآة من الملحقية . * المكافأة تنزل كل يوم 25 بالشهر الهجري ، عاد شوفوا وش يوافق هاليوم بالميلادي . * بالنسبة للبنوك فيه بنوك عد واغلط وافضلها من وجهة نظري Bank of America البنك الأمريكي وهذا لو تدخل دورة مياه الله يكرمك بتلقاه قدامك يعني منتشر في كل مكان من امريكا وخدماته راقيه جداً وحلوة جداً . * الحساب الي تفتحه في البنك يكون حساب تشيكنج Checking بدون فوائد ربوية وممكن تفتح حساب بدون ماتودع عندهم اي مبلغ . * انتبهوا انتبهوا انتبهوا الرصيد ممكن ينزل عن الصفر وانتوا ماتدرون مو مثل المملكة اذا وصل الرصيد صفر ماتقدر تسحب هنا لا ممكن تشتري سيارة ورصيدك صفر بس ياويلكم من الفوائد الي بتشفونها لذلك انتبهوا من نزول الحساب عن الصفر . * بالنسبة للجوال فيه كثييييييير شركات جوال وافضلها تي موبايل T-Mobail وخدماتها جداً حلوة طبعاً اذا رحت تطلع جوال بيقولون لك سوشل سيكيورتي نمبر يعني رقم الضمان الإجتماعي هذا خاص بالامريكان قلهم ماعندي بيطلبون منك مبلغ 250 دولار وهذا تأمين وبعد سنة يرجعونهه لك كامل وشهرياً تجيك الفاتورة بقيمة 40 دولار وهذي افضل باقة ومن مميزات الشركة الاخرى السبت والاحد المكالمات فري مجانا داخل امريكا وكمان من الساعه 9 في الليل الى الساعه 7 الصباح المكالمات مجانا فري واذا رحت تطلع الجوال وعطيتهم 7 دولار شهرياً مع الاربعين يعني شهرياً 47 دولار تصير مكالمات كلها فري طول الاسبوع يعني كلم بإيديك ورجليك لمدة 24 ساعه بلاااااااااااش داخل امريكا طبعاً وداخل نفس الشركة بس ، اما اذا بتكلم من شبكتك الى شبكة ثانية تحسب عليك الرسوم الا في السبت والاحد ومن 9 الليل الى 7 الصباح كل يوم مجاناً . جيبوا جوالاتك معكم من السعودية عادي تشتغل هنا . * في المطار انتبهوا للبوابات لانها ممكن تتغير في كل لحظة . * للطلاب حقين كابلن غيروا المعهد غيروا المعهد غيروا المعهد . * فرق التوقيت بين المملكة وسياتل هو 10 ساعات . اتمنى اني ماقد نسيت شي واعتذر عن الاخطاء الاملائية او النحوية لاني كتبت هالموضوع بسرعه واي واحد عنده استفسار او سؤال انا حاظر وتحت امركم وهذا اقل شي ممكن اقدمه لهذا المنتدى الراقي وارد الجميل للمنتدى والقائمين عليه . بالنسبة للصور الخاصة الي صورتها بنزلها في موضوع ثاني اذا خلصتها كلها اما الأن اترككم مع بعض الصور العامة لمدينة سياتل وهي مأخوذه من منتدى آخر الى ان اقوم بإرفاق الصورة الخاصة بي . دمتم بكل الحب والتقدير ... .. .
ترفلر الله يستر خوفتني من المعامله في المطارات الامريكية
طيب انا راح اكون مع زوجتي هل يقابلونا مع بعض او يفرقونا ؟
انا راح يكون وصولي في مطار بوسطن انشالله اجرائته اقل تعقيد من مطار واشنطن دي سي ومطار نيورك .
ولو ما فيها لقافه ابسئلك وش سالفة الشيك اللي استلمته من الملحقية ؟
هل هو مكافأه لتواجدك في الملحقية وان كان كذلك هل يستحقه من يفتح ملفه عن طريق المراسله وهل هو لجميع المبتعثين من جميع الجهات الحكوميه او فقط لبرنامج الابتعاث الخارجي ( برنامج الملك عبدالله )
LinkBack URL
About LinkBacks
July 7th, 2007, 10:08 PM
اليوم الثاني الي هو الجمعة رحت المطار وانتبهوا من نقطة مهمة جداً واشنطن دي سي فيها مطارين الأول دالاس واشنطن والثاني ناشيونال ريقان وانتبهوا رحلاتكم تكون على اي مطار فيهم وتقدرون تعرفون المطار من التذكرة واسم المطار يكون مكتوب بعد كلمة واشنطن . المهم رحت اليوم الثاني الي هو الجمعة المطار عشان رحلتي على نيويورك وبعد ماوصلت المطار وقصيت البوردنق كالعادة كل السعوديين يكون مكتوب لهم في البوردنق الرمز ( SSSS ) ويعني تفتيش دقيق جداً لدرجة انهم ممكن يقولون لك ادخل هالغرفة وافصخ ملابسك عشان التفتيش رحت عشان ادخل الصالة حقت المسافرين وكان للي مكتوب لهم الرمز ( SSSS ) مسار خاص عشان التفتيش دخلوني جهاز الله لا يوريكم ينفض الواحد نفض عشان اي شي في جسم الشخص يطيح على طول حتى لو مثبت على طول يطيح غير كذا ان الجهاز يكشف اي شي في الجسم المهم بعد هالتفتيش وقلت الحياء طلعت رحت الصالة وانتبهوا من نقطة ثانية ممكن البوابات تتغير من وقت للثاني وتلقونها على الشاشات الي في الصالة يعني مثلاً الرحلة على البوابة رقم 27 ممكن بعد ربع ساعه تتغير الى البوابة رقم 34 سألت واحد في المطار ليش تتغير البوابات قال بسبب الإجراءات الأمنية . المهم كان موعد رحلتي الجمعة الساعه 5 العصر تاخرت الى 6 وبعدها تأخرت الى 7 وبعدها تأخرت الى 8 وفي الأخير الغيت الرحلة والسبب ان المطار في نيويورك تقفل بسبب الإرهابيين الي كانوا بيفجرون المطار يوم الجمعة فقاموا قفلوا كل الرحلات ( اكيد كلكم سمعتوا عن الخبر في التلفزيون ) المهم جابوا لنا حجوزات جديدة وكانت رحلتي يوم الاحد ورجعت الفندق لين يوم الأحد ويوم الاحد طلعت المطار ونفس البهذله التفتيش وقلت الحياء اقلعت الرحلة على نيويورك ومدة الرحلة 45 دقيقة على خطوط شركة دلتا الأمريكية . وكانت هالجزئية من التقرير عن اول 5 أيام في امريكا وتحديداً في واشنطن دي سي العاصمة ( WASHINGTON D.C ) وخذوا معلومة على الطاير قبل نهاية الجزئية الأولى .. واشنطن دي سي ماتقع في اي ولاية امريكية لانها منطقة تقع بين ولايتي ميريلاند وفرجينيا جزء هنا وجزء هناك ومعنى دي سي يعني " District of Colombia " اي مقطعة كولومبيا ، وهنا نهاية الجزء الأول من التقرير .
الوصول الى نيويورك وتحدياً منهاتن كان في يوم الجمعة الساعه تقريباً السادسة بتوقيت نيويورك وصلت نيويورك ورحت الفندق نمت فيه ذاك اليوم واليوم الثاني الصباح الأثنين رحت المعهد حقي كابلن ( Kaplan ) الله لا يعطيهم عافيه المهم رحت وقلت لهم انا طالب جديد ودراستي تبدأ في 18 جون وهذا الضمان المالي قالي ما نبي منك اي اوراق الا ذاك اليوم تجي وناخذ اوراقك قلت له اوكي والسكن قال عندنا نوعين من السكن الأول شيرنق هاوس يعني بيت مشترك الي يسكنون فيه كلهم طلاب واجاره بالشهر 1620 دولار !!!!! تخيلوا المكافآة 1349 دولار والسكن قيمته 1620 دولار والنوع الثاني شقق ولك غرفة في الشقة وقيمته 1210 دولار . قلت اوكي اجيكم بعدين ، المهم طلعت وكلمت الملحقية وقلت لهم ودي اغير الولاية عشان السكن والمعيشه غاليه في نيويورك قالوا لي خلاص اختر الولاية الي تبيها وارسل لنا ايميل ونغير لك الولاية ثم سألوني قالوا لي وش المعهد قلت لهم كابلن قالوا راح نغير المعهد كله اصلاً وش وداك كابلن هذا ماينفع ولا يعلم انجليزي صورة صحيحة هذا بس حق اختبارات . المهم كلمت المعهد وقلت لهم بغير الولاية واخترت مدينة سياتل في ولاية واشنطن شمال غرب امريكا وانتبهوا فيه ولاية واشنطن وهذي ولاية شمال غرب امريكا وفيه واشنطن دي سي وهذي العاصمة وتقع في شرق امريكا . المهم وافق المعهد على التغيير وارسلت الايميل للملحقية وقلت لهم بقعد في كابلن بس بغير الولاية واليوم الثاني الا وهم مرسلين لي الضمان المالي على الايميل حقي اخذته ورجعت به للمعهد قالوا خلاص حنا ارسلنا ملفك لسياتل الضمان تعطيه كابلن في سياتل قلت اوكي . خلاص هالحين انهيت اموري في نيويورك ودراستي تبدأ بعد اسبوعين تقريباً في سياتل وماعاد عندي شي قلت خلني اجلس في نيويورك واتمشى فيها جلست تقريباً 12 يوم في منهاتن وصرفت حوالي 3200 دولار ونصيحة لا احد يقعد في نيويورك ولا احد يدرس فيها لانها غاااااااااااااااالية جداً جداً والمكافآة الي تستلمها ماراح تكفيك 4 ولا 5 ايام في نيويورك . طبعاً كان موعد رحلتي على مدينة سياتل يوم 16 جون قبل الدراسة بيومين والملحقية ارسلوا لي التذكرة مع الضمان المالي على الايميل المهم رحت المطار يوم 16 جون عشان الرحلة ونفس الشي تفتيش وبهذله وقلت حياء طبعا كالعادة السعوديين على البوردنق حقهم الرمز ( SSSS ) ونفس الشي بعد البوابات حقت الطائرات ممكن تتغير في كل لحظة من بوابة لبوابة وتأكدوا من الشاشات الي في الصالة وترى رحلتي كانت على الاميريكانز ايرلاينز يعني الخطوط الأمريكية ونقطة مهمة جداً نيويورك فيها مطارين الأول JFK يعني جون اف كينيدي والثاني والله ما اعرف اسمه بس تأكدوا رحلتكم على اي مطار . قبل نهاية الجزئية الثانية اكيد كلكم تعرفون منهاتن في نيويورك اعتقد انها من أرقى المناطق في العالم وفيها هيئة الأمم المتحدة والقنصلية العالمية وثالث اطول مبنى في العالم حالياً وفيها تمثال الحرية وكانت فيها أبراج التجارة العالمية قبل 11 سبتمبر وهنا نكون قد وصلنا الى نهاية الجزئية الثانية من التقرير ونكمل السفر إلى مدينة سياتل .
حينما يخطر في بالك إسم مدينة سياتل فإنك حتماً ستتذكر مايكروسوف أكبر شركة صناعة برمجيات في العالم وستتذكر شركة ستار بوكس أكبر شركة صناعة قهوة في العالم وستتذكر شركة بوينج أكبر شركة صناعة طائرات في العالم كل هذه الشركات العالمية تقع في سياتل وفي هذه المدينة من جمال الطبيعة مالا يخطر على بال أحد وان قلنا انها جنة الله في أرضه فلن نبالغ لذلك الأمريكان يسمونها قرين فور ايفر ( green for ever ) اي خضراء للأبد ولكم ان تتخيلوا مدينة تهطل فيها الأمطار لمدة 9 الى 10 شهور في السنة كيف راح تكون طبيعتها ؟ عموماً اترككم مع تفاصيل قدومي الى سياتل ،، وصلت سياتل يوم السبت 16 / 06 / 2007 م بعد رحلة دامت 6 ساعات من نيويورك وفي بعض الأماكن تصل مدة الرحلة الى 8 ساعات من شرق أمريكا الى غربها عموماً وصلت سياتل الساعة 8 في الليل ورحت الفندق ونمت فيه الى يوم الأحد المهم صحيت الاحد الصباح ودقيت على العائلة الي بسكن عندها عطوني عنوانهم ورحت لهم وجلسن عندهم يوم الأحد ويوم الأثنين رحت المعهد لقيت كل شي جاهز قدامي لقيت الضمان المالي قد وصلهم من المشرفة حقتي الي في الملحقية ولقيت ملفي برضوه قد وصلهم من كابلن الي في نيويورك اول مادخلنا عطونا اختبار تجريبي عشان تحديد المستوى لا أحد يسألني عن الدرجة ولا عن المستوى بجيكم في الكلام اصبروا شوي بعد الاختبار اخذونا عشان نشوف المعهد وانتهى اليوم الأول من المعهد ونبدأ الدراسة من اليوم الثاني الي هو يوم الثلاثاء 19 / 07 / 2007 م المهم عدينا اليوم الأول على خير وجيت اليوم الثاني وصارت المفاجأة الي ماكنت اتمناها وخلوني هالحين ابدأ اتكلم لكم عن كابلن عشان الي يدرس فيه يقرر مصيرة من البداية .. اولاً اذا كان عنك 100 كلمة انجليزية قبل ماتخش المعهد بتطلع من المعهد ومابقي منها الا 20 كلمة والسبب التدريس اي كلام ونصف المحاضرة لعب وسوالف والشي الثاني كثرة الطلاب السعوديين الي فيه يعني الكلاس الي انا فيه تقريبا 12 طالب منهم 4 سعوديين وفيه كلاس ثاني فيه 3 سعوديين ومجموع الطلاب السعوديين الي في المعهد حقي تقريباً 22 طالب من اصل 97 طالب وكان معنا 7 بنات سعوديات والباقين اولاد يعني كنك في ثانوية في الرياض مو في معهد لغة في امريكا وفي سياتل بصفة عامة تقريباً 230 طالب سعودي غير كذا التدريس اي كلام وفعلاً ثبت انه معهد اعداد للإختبارت مو معهد تعليم للغة لذلك انصح جميع الي بيروحون كابلن يحولون لأي معهد ثاني غير كابلن والله العظيم ماينفع بقرش طبعاً المعهد 5 مستويات كل مستوى 10 اسابيع شهرين ونص يعني بس بعد اسبوع تقدر تطلع المستوى الثاني بس تعبي ورقة وتقول لهم ابي اطلع المستوى الثاني وتروح وبكذا تخلص اللغة في شهرين وانت ماتعرف وين الله حاطك فيه طبعاً انا حطوني في المستوى الأول وجبت في الإختبار حق تحديد المستوى الي اول يوم 445 وشلون حاطيني في المستوى الاول ما ادري طبعاً كلمتهم وقالوا هذا مستواك مع ان الدرجة من 850 يعني تقريباً النصف وبدون مدح او مبالغة على مستوى المعهد مفروض اني اكون في الثالث او الرابع بس يالله مشي حالك في البداية غير كذا الطلاب الي معاك كنهم في الثانوية في الرياض دجة وازعاج وهذولا انا اراهن عليهم انهم بعد سنة بالكثير وهم راجعين السعودية اذا جلسوا على هالحال وما اعتدلوا لانهم ماخدينها لعب وتمشية . عموماً انا جامعتي في بوسطن اصلاً وراح اغيرها وبعد اسبوع تقريباً بروح اسجل في جامعة واشنطن ستيت يونيفيرستي washington state university وهذي في مدينة اسمها بولمان جنب سياتل وعندهم معهد اللغة الخاص بالجامعة مجرد ماتخلص المعهد على طول تخش الجامعة بدون اختبارات ولا شي والمدينة مافيها الا 20 سعودي موزعين بين المعهد والجامعة وانتبهوا فيه جامعة ثانية اسمها يونيفيرستي اوف واشنطن university of washington في سياتل نفسها وهذي قبولها صعب جدا وتعتبر من التوب تن في امريكا . عموما انا رايح بولمان وبغير الجامعة والمعهد واخش معهد الجامعة ومجرد ما اخلص منه على طول اخش الجامعة انشاء الله . والآن اترككم مع بعض النصائح والملاحظات العامة لكي يستفيد منها كل قادم لمدينة سياتل خاصة وامريكا بصفة عامة ...
* حاول انك ماتاخذ معاك شنطه كبيرة وفيها اغراض كثيرة في الطائرة لانهم راح ينثرونها لك قبل صعود الطائرة ولا تاخذ ولاعتك معاك لانهم بياخدونها منك وحاول تحط كل اغراضك في شنطة كبيرة واشحنها مع العفش .
* في الطائرة ستوزع عليك النماذج الخاصة بالدخول لأمريكا والمعلومات الي فيها سهله ومكرره ومذكورة فوق واذا احتجت اي مساعده الملاحين الي في الطائرة يساعدونك .
* عند وصولك للمطار في واشنطن دي سي خلك طبيعي جداً ولاترتبك ولا تقعد تناظر يمين وشمال تقول انك قاعد تخطط المطار ولا فيه شي بعدتخاف الوضع سهل وبسيط .
* اذا وصلت للصالة الثانية حقت العفش خذ لك عربية وحط اغراضك فيها وان تخدم نفسك بنفسك .
* في الصالة الثالثة في المطار واذا وصلت للموظف الي بيسوي معاك مقابلة اذا ماتعرف تتكلم انجليزي قله وهو يجيب لك مترجم وكمان اذا حسيت نفسك انك جايع قلهم يجيبون لك اكل لانهم عارفين انك بتنطق عندهم 4 ولا 5 ولا 6 ساعات لذلك يجيبون لك اكل ومويه اذا تبي . بس على العموم تراهم اهون من مطار نيويورك لان في نيويورك بتقعد في المطار 8 ولا 9 ولا 10 ساعات وهذا عادي عندهم لانك سعودي والضربة صارة عندهم في نيويورك .
* عند الخروج من الصالة الأخيرة ستجد سائق الملحقية في انتظارك وسيقوم بإيصالك للفندق ونصيحة اسكنوا في الجيت ان الي قلت لكم عنه لانه حلو ورخيص وفي منطقة رااااااقية جداً .
* خذوا معاكم صور للمستندات التالية : صورة بطاقة الاحوال ، الجواز ، قبول الجامعة ، قبول المعهد ، قرار الابتعاث ، الشهادات الدراسية ومترجمة للانجليزي بياخذها منك سائق الملحقية في المطار وبتاخذها في اليوم الثاني من الملحقية .
* في الملحقية راح تاخذ بطاقة التأمين الصحي وفيها رقم الطالب يكون مكتوب وراح تاخذ الشيك حقك وراح تاخذ الضمان المالي وراح تتعرف على المشرف او المشرفه حقتك .
* واشنطن دي سي فيها مطارين انتبهوا لرحلاتكم مطار دالاس ومطار ناشيونال ريقان تلقونها مكتوبة في التذكرة بعد كلمة واشنطن ، وكذلك نيويورك فيها مطارين وكذلك سياتل فيها مطارين .
* خذوا معاكم من السعودية مبلغ حدود 1500 ولا 2000 دولار وصدقوني راح تكفيكم اذا عرفتوا وشلون تصرفون طبعاً بيكون معاكم بطاقة فيزا ولا ماستركارد ( مو ظروري فيزا ولا ماستر كارد ) بس الي يبي ياخذها ياخذها معاه عادي غير الفلوس الي بتيجيبونها معاكم بتاخدون مكافآة من الملحقية .
* المكافأة تنزل كل يوم 25 بالشهر الهجري ، عاد شوفوا وش يوافق هاليوم بالميلادي .
* بالنسبة للبنوك فيه بنوك عد واغلط وافضلها من وجهة نظري Bank of America البنك الأمريكي وهذا لو تدخل دورة مياه الله يكرمك بتلقاه قدامك يعني منتشر في كل مكان من امريكا وخدماته راقيه جداً وحلوة جداً .
* الحساب الي تفتحه في البنك يكون حساب تشيكنج Checking بدون فوائد ربوية وممكن تفتح حساب بدون ماتودع عندهم اي مبلغ .
* انتبهوا انتبهوا انتبهوا الرصيد ممكن ينزل عن الصفر وانتوا ماتدرون مو مثل المملكة اذا وصل الرصيد صفر ماتقدر تسحب هنا لا ممكن تشتري سيارة ورصيدك صفر بس ياويلكم من الفوائد الي بتشفونها لذلك انتبهوا من نزول الحساب عن الصفر .
* بالنسبة للجوال فيه كثييييييير شركات جوال وافضلها تي موبايل T-Mobail وخدماتها جداً حلوة طبعاً اذا رحت تطلع جوال بيقولون لك سوشل سيكيورتي نمبر يعني رقم الضمان الإجتماعي هذا خاص بالامريكان قلهم ماعندي بيطلبون منك مبلغ 250 دولار وهذا تأمين وبعد سنة يرجعونهه لك كامل وشهرياً تجيك الفاتورة بقيمة 40 دولار وهذي افضل باقة ومن مميزات الشركة الاخرى السبت والاحد المكالمات فري مجانا داخل امريكا وكمان من الساعه 9 في الليل الى الساعه 7 الصباح المكالمات مجانا فري واذا رحت تطلع الجوال وعطيتهم 7 دولار شهرياً مع الاربعين يعني شهرياً 47 دولار تصير مكالمات كلها فري طول الاسبوع يعني كلم بإيديك ورجليك لمدة 24 ساعه بلاااااااااااش داخل امريكا طبعاً وداخل نفس الشركة بس ، اما اذا بتكلم من شبكتك الى شبكة ثانية تحسب عليك الرسوم الا في السبت والاحد ومن 9 الليل الى 7 الصباح كل يوم مجاناً . جيبوا جوالاتك معكم من السعودية عادي تشتغل هنا .
* في المطار انتبهوا للبوابات لانها ممكن تتغير في كل لحظة .
* للطلاب حقين كابلن غيروا المعهد غيروا المعهد غيروا المعهد .
* فرق التوقيت بين المملكة وسياتل هو 10 ساعات .
اتمنى اني ماقد نسيت شي واعتذر عن الاخطاء الاملائية او النحوية لاني كتبت هالموضوع بسرعه واي واحد عنده استفسار او سؤال انا حاظر وتحت امركم وهذا اقل شي ممكن اقدمه لهذا المنتدى الراقي وارد الجميل للمنتدى والقائمين عليه . بالنسبة للصور الخاصة الي صورتها بنزلها في موضوع ثاني اذا خلصتها كلها اما الأن اترككم مع بعض الصور العامة لمدينة سياتل وهي مأخوذه من منتدى آخر الى ان اقوم بإرفاق الصورة الخاصة بي .
دمتم بكل الحب والتقدير ... .. .