خطوات النقل من ولاية الى ولاية اخرى

والله ياطويل العمر اني ماعندي خلفيه كافيه .. لكن بعطيك الي أعرفه والباقي على الموجودين بالمنتدى
تطلب اول شي قبول من معهد ثاني وين ماكان وبعد ماتاخذ القبول تاخذ اخلاء طرف من معهدك الي انت متواجد فيه الآن
وتاخذ I-20 جديد من معهدك الجديد ... وطبعأ هذا كله من بعد موافقة الملحقيه وارسال لك ضمان مالي جديد على المعهد الجديد
وبعدها عاد إذا ماصرفوا لك الملحقيه تذاكر .. ممكن تشتريها من حسابك الخاص والملحقيه تعوضك عن سعر التذاكر
وعاد كان عندك عفش .. بإمكانك ترسله بأي شركة نقل ولا تبيعه في ولايتك
وبالتوفيق ان شاء الله

لاتنقل قبل ماتوافق الملحقية عشان ماتتورط لانهم اذا ماوافقوا ماراح يعطونك ضمان مالي
الخطوات بسيطة تدخل للحكومة الالكترونية في موقع الملحقية بحسابك وبعدين تدخل على طلب تحويل
وتذكر الاسباب او العذر الي يجبرك عالنقل
ثم ترفق القبول
وبعدين تنتظر ردهم راح يجيك على الايميل بالقبول او الرفض واذا انت مستعجل صك مشرفك برسالة قوله واشرح له اهمية الموضوع لك عشان يدفه ( رغم اني اشك )
طيب بعد ماتجيك موافقة تروح لمعهدك او جامعتك وتطلب ريليس للاي توينتي حقك وتعطيهم قبولك الثاني وهم بيقولون لك وش تسوي وهذي خطوة ماتاخذ نص ساعة منك وهم عقبها بيتواصلون مع مقرك الجديد عشان مقرك الجديد يصدر لك اي توينتي جديد

بالتوفيق حبيبي

يعني اللي افهمه اول شي اجيب قبول معهد اي توني
ويبعدرين ارسل الملحقيه
وبعدين الغي الطلب بالمعهدي
وبعدين ادرس بالمعهد الجديد

اخوي اقولك من تجربه

اول شي تجيب قبول من معهد الي تبي تنقل له acceptance letters
وتدخل موقع البوابة الالكترونية
وتطلب تغيير معهد وترفق مع الطلب نموذج قبول المعهد الجديد + تقرير دراسي عنك في المعهد القديم
وتنتظر تجيك رساله بالقبول
(انا جاني رسالة قبول مع شرط كتابة تعهد بعدم تغيير المعهد مره ثانيه .. وكتبته له وارسلته)

بعد كذا اذا جاك القبول
تطلب ضمان مالي جديد باسم المعهد الجديد + تطلب تذكرة طيران وتحدد المدينتين

اخر خطوه ومهمه : يجب على معهدك الجديد ان يرسل لك قبول + نموذج تحويل اسمه transfer form
وتعطيها لمعهدك القديم يعبيها وتاخذها معك عشان تقدر تحول i-20 لمعهدك الجديد

اتمنى يكون الشرح واضح