المشاركة الأصلية كتبت بواسطة alomary
انا اعتقد على حسب عمر الواحد ونضوجه
بالنسبه لي اعتقد العمر المناسب للزواج مابين 23 سنه الى 26 سنه
ورأيي الشخصي ان الشخص يتزوج لأجل الزواج ومقتنع 100٪ انه يريد الزواج
ولايتزوج لأجل الإبتعاث ..
النقطه الثانيه
ان يذهب لدراسة اللغة سنه ثم يرجع ويتزوج ويأخذ زوجته للخارج
الفوائد من هذي الطريقه
اخذ فكرة كامله عن الحياة هناك والشعب ..
تعلم لغة واخذ فكرة عن الدراسة
اعتقد الأمور بتكون ميسره له اكثر من انه يروح على عماها ويتزوج وياخذ زوجته وهو مايعرف شي هناك ..
يسعدني مشاركتك ..
كلامك فيه بعض الصحة . لكني احس انك تتكلم عن فئة واحد وهي مبعثين البكلريوس لما قلت ان الزواج مناسب في عمر ال 25 او اكثر.. لكن .. في شباب راح يطلعون ماجستير ومنهم انا .. وعلى حسب كلامك ..فأنت تؤيد الزواج في هذا العمر ..اي الزواج قبل الابتعاث او الابتعاث وبعد كم سنة الزواج ....>>> وجهة نظر سليمة واحترمها .
واكيد راح يكون الزواج مو لاجل الابتعاث لاني انا هنا اتكلم عن الزواج المبتعث مو زواج لاجل الابتعاث .
فوائد جملية .. اتمنى الاستفادة منها من قبل الاخوة.
شكرا للمشاركة.
المشاركة الأصلية كتبت بواسطة m7mas
الله يعطيك العافية
موضوع جميل
أرى أن المبتعث يتزوج عقب مايبتعث على الاقل بسنة لأنه بيكون عرف الديرة اللي هو فيها بدل مايجيب بنت الناس على عماها ..او تنتظره بالسعودية ...بالتوفيق للجميع
مرورك اجمل اخي .
بالضبط هذا الي مفكر اعملة .. و احس ان تفكيرنا متقارب .
انت متزوج ؟ ..
اشكرك على المشاركة .
المشاركة الأصلية كتبت بواسطة roko
شووف
يا تجي هنا وتسكن في مدينة كلها سود وتقعد سنه لغه وترجع تتزوج وتنقل مدينه بيض وراقيه ,
ولا تزوج من اول مره قبل ماتجي وتعال وأسكن في مدينه حلوه
لانك راح تتعب نفسياً صدقني ^_^
هههههههههه ماشوف علاقة بين مدينة سود او بيض ..يعني فية مشكلة لو سكنت في مدينة سود ؟
احس من باقي كلامك ..انك تؤيد الزواج بعد مرحلة اللغة.. هل هذا صحيح؟
انا بتزوج حتى ارتاح نفسياً
اشكرك على المرور والمشاركة.
المشاركة الأصلية كتبت بواسطة BLiNke182
معليـــش غلطت في السؤال ! لآن راح يكون في ردود يقولون الناس فيها " توك صغير , تخرج قبل , رح سنتين بعدين تعال تزوج , .... الخ " طبعا كذا ما راح تستفيد شي بالعكــس بتحتار أكثر وأكثـــر وأكثـــــرر.. كلن بيعطيك وجهت نظره وينسون السبب الرئيسي. السؤال لازم يكون كــذا ( كم واحد عانا بسبت التكشف وتعري البنات في الخارج ؟ وكم واحد انجرف في الطريق الخطا ؟ وكم واحد قدر يصون نفسه ومستعد يكمل بدون زواج ؟ لان السبب الرئيسي للزواج طبعا بعد تكون أسرة مسلمه و السكن النفسي والعاطفي هو صون النفس من الحرام!! صدقني بتتغير الإجابات لآن ممكن يجيك شخص يجاوبك ويقول " خلص بكالوريس وتزوج الدراسه فيها كذا كذا وكذا وشفنا حنا ما تزوجنا وما ضرنا " لكن لما تنظر لحالته مع البنات ماتسر الخالق سبحانه ولا أهله ولا زوجته الي بيظلمها لما يتزوجها ولو دروا عياله انه ابوهم كان كذا كان .... انا مبتعث لي سنه وغيرت رايي أكتشفت أنه شي كويس أنك تتزوج 
خاصة عقب ماشفت الي شفته في فانكوفر. الله لايبـــلانا*
الله يوفقك وييســـر لك أمــرك ...
اولا اشكرك اخي العزيز على المرور والمشاركة.
كان علي ان اكون اكثر دقة في السؤال... لكن اردت ان تكون الفائدة للجميع وليس حكراً لي .
انا في البداية ماحددت من اي فئة من المبتعثين سأكون .. والان راح اقولك ..انا عمري تقريبا 23 سنة وان شاء الله طالع ادرس ماجستير.
انا لا اريد ان ادخل في مواضيع ظروف المبتعثين هناك .. انا اتكلم عن موضوع محدد وهو الزواج .. وماهي الفترة المناسبة للاقتران والزواج بالنسبة للمبتعثين .. وهل الزواج سيكون خيراً للمبتعث او سيشغله ..والخ .
ولا مانع من ان ننصح الشباب بالزواج حتى لا يقع في الحرام .
اكرر شكري ,
المشاركة الأصلية كتبت بواسطة alhaime
عموما أخوي كاتب الموضوع أنا من وجهة نظري لا تطلع أمريكا إلا والمدام معاك
العيب الوحيد في الموضوع هذا اللي هو ممارسة اللغة
اما بقية الأشياء فهي مميزات
وجهة نظر احترمها .. لكن اخاف لما اطلع معها اول مرة بنواجه مشاكل .. و انا ماعندي مشكله ان اواجه مشاكل في البداية لوحدي ..و اضيع والبحث عن سكن ...الخ .. بس احس صعبة اخذ البنت معي وتضيع وتتبهدل معاي في كل مكان .. مع ان هالفكره موجوده ..لاني لو بروح بتوكل على الله والي كاتبة الله بيصير .. بس هم تحتاج تفكير .
اخوي انت متزوج ؟ مجرب يعني ؟ .. حتى نستفيد من خبرتك .
اشكرك على المرور والمشاركة
المشاركة الأصلية كتبت بواسطة عبدالله الحارثي.
يعطيك العافية عالموضوع المهم لانه يناقش نقطة مهمة في حياة كل مبتعث وانا وجهة نظري ان المبتعث يتزوج بعد سنة او سنتين من الابتعاث .
الله يعافيك اخوي .. وجودك هو الاجمل .
وصحيح .. الحياة هناك تختلف .. و اذا الواحد هنا قدر يمسك نفسه .. هناك مغريات كثيره وفي كل مكان .. واشوف ان هناك حلين لمثل هالشباب ..اما الزواج ..او يحصن نفسه بالدعاء والصلاة ..والصوم ..
انا اتفق معك في وجهة نظرك هذه بكل تاكيد .
المشاركة الأصلية كتبت بواسطة عبدالاله الزايدي
يستحيل انه ما ينطبق علي ينطبق على غيري
لذلك لا استطيع التصويت باسم جميع المبتعثين
كل الود
اشكرك على المشاركة
تذكر اخي العزيز انك هنا لتبدي رأيك وليس لفرض رأيك .
اكرر شكري سواء شاركت في التوصيت ام لا
المشاركة الأصلية كتبت بواسطة الكيميائية ميمو
أفضل انوه الشخص يتزوج وبعدها يبتعث
وهذا رأي
رأي احترمه.
لكِ جزيل الشكر على المشاركة.
المشاركة الأصلية كتبت بواسطة domo3-mjro7
الصراحة صعب تتخذ قرار في الموضوع لعدة اسباب ولكل حال لها مميزاتها وعيوبها
اول شي اذا بتزوج قبل ما تروح فمميزتها انك عندك وقت كافي قبل العرس والشي الثاني انك لما تروح بتون معك مرتك تسليك بالغربه يعني يخف الضغط الي الوحد يحس فيه اول الغربه الشي الثاني انه مثل مالجميع عارف انه راح تصون بكل سهوله ولا تتعب نفسين
اما العيوب انك راح تروح على عماها والوحد يمكن ما يدبر نفسه لحاله وشون لو معك مرة وملزوم انك تسكن بشقه يعني ما رح يكون هناك ممارسه للغة بعد المعهد بالشكل المطلب
اما بعد ما تقعد سنه او سنتين يعني لما تخلص اللغة فهي من وجهت نضري انها الافضل مع انها لها عيوب
مميزاتها انك تكون عارف الديره وعارف تتكلم وما عندك مشكله متعود ولو احتجت شي راح تدري وين مكانه او كيف تجيبه
اما العيوب انك ما راح يكون عنك وقت ترجع في شهر تزوج وترجع وان كثرت شهرين ما فيه الوقت الكافي وبعدين وانت طالب يبيلك مصاريف الزواج ومثل مايقلون ما فيه هم مثل هم العرس تخيل بشهر تقدر تخلص كل شي وتطلع فيزه لزوجتك مادري بس احس ان الوقت فيها قصير يمكن اذا تخليه بصيفيه وتاخذ اكثر من شهر
اما بعد الابتعاث وبعد ما تخلص فالله يعينك على الصبر
ماشاء الله عليك .. نفس النقاط الي فكرت فيها قبل كتابة الموضوع.
فعلا اتفق معك .. وارى ان الزواج لابد منه لما فيه من مزايا و تحصين للنفس .. لكن يفضل الزواج بعد سنة او سنتين من الدراسة حتى يستطيع الشخص ان يرتب اوضاعة و يحقق الهدف الذي اتى الى هنا بسببه .
هل انت مبتعث اخي؟
هل انت متزوج؟
لك جزيل الشكر على المشاركة
المشاركة الأصلية كتبت بواسطة مابنكسر صابر
ماودي اتزوج ههههههههههههههههههه
انت بتوصل هنا وصدقني بتغير رايك بعد ما تتألقم ؛)
ليه ماودك تتزوج .. الزواج شرع وفطره .
في شنو تألقمت؟
شنو الي راح يغير رأيي .. اتمنى الرجوع والتوضيح اخي "مابنكسر صابر"
المشاركة الأصلية كتبت بواسطة No0Osh
اذا خلصت البكالريوس بيكون عمرك تقريبا 25 ترجع هنا وتتزوج وتاخذ ام العيال وتكمل ماجستير وتفلها
اهلا اخي
نعم انا خلصت البكلريوس هنا في المملكة .
يعني افهم من كلامك ان الزواج يعتمد على العمر .
مشكور على المشاركة ..
K. S. A October 13th, 2010, 09:33 AM
LinkBack URL
About LinkBacks
انت بتوصل هنا وصدقني بتغير رايك بعد ما تتألقم ؛)