سؤال عن شهادة الميلاد والتطعيم؟؟

هلا اخوي حسام ..
أنا الحين في أمريكا وصلت قبل اسبوع وأخذت معي شهادات التطعيم والميلاد لي ولزوجتي وبنتي ...
والله ماحد طالع فيها ولا سأل عنها لا الملحقية ولاغيرها ..
لكن اذا انت متزوج فأنصحك تترجم عقد النكاح وشهادة ميلاد الطفل ضرورية للسكن فقط ...

لا تجيب معاك الا جوازك وشهاداتك ورخصه القيده السعوديه وبطقات الصراف والفيزا غير هذى الاشياء ما في شي له داعي

اذا عندك اطفال ضروري تجيب كرت التطغيم فقط

والله قبل ما اجي لامريكا جننونا بالطلبات لدرجه في ناس مترجمين عقد النكاح وجايبنه

اسمع كلامي وما راح تندم ان شاء الله


بالتوفيق

كرت التطعيم و شهادة الميلاد مطلوبة للاطفال فقط للدخول في المدارس، شهادة الميلاد للاطفال ممكن تترجمها في الملحقية بس تأخذ وقت، ترجمها في السعودية اسرع .

بالنسبة لك، بعض الجامعات و بعض التخصصات تطلب شهادة التطعيم ، و بالعادة لا تحتاج ترجمة لانها تكتب بالانجليزي ايضاً

عقد النكاح لا احد يطلبه ، و دفتر العائلة مطلوب فقط صورة لفتح ملف لزوجتك و اطفالك في الملحقية

لاتترجم ولا شي اهم شي جيبها معاك احتياط فقط
وكرت التطعيم للطفل لاجيت امريكا تروح اقرب مستشفى تقولهم ابغى اكشف على ابني او بتي وابغى كرت تطعيم
راح يعطوك كرت تطعيم لونه اصفر وهما يسوى لك معادله على الكرت السعودي
وبالنسبه لك انت لاجيت المعهد او الجامعه راح ياخذوك الى السنتر عندهم في الكمبوس ويطعموك ويصدر لك كرت تطعيم
احنا لاترجمنا لاكرت عائلة ولا عقد نكاح ولا شي اهم شي جيبها معاك احتياط
انا اقولك هذا الكلام من باب تجربه قالو لنا ترجمو ومن هدا الكلام ولا سوينا شي لن لو بنسمع الكلام ماخلصنا

شهادة الميلاد والتطعيم
تحتااج سجل التطعيم عند بداية الدراسة ( إذا كنت بتدرس في معهد تابع لجامعة ) فلو كان عندك سجل تطعيم مترجم باللغة الإنجليزية ومصدق ما راح تحتاج لفحص من المركز الصحي في الجامعة ولا لتطعيم ... انا احضرت معي سجل التطعيم لكن للأسف لم اترجمة فقالو راح نعمل لك فحص ( 35 دولار ) عشان نعرف هل تحتاج تطعيم أو لأ .. ( وبالتأكيد لا احتاج تطعيم لأن كل هذه الإشياء مسوينها في السعوديه ) واشوف فيه سعودين طعموهم بالرغم انهم ما يحتاجون ففمكن هذا يضر بالصحة إنك تطعم مرتيين !! الله أعلم

شهادة الميلاد قد تحتاجها أيضا لكن بعدين

نصيحة ترجمهم وصدقهم واحضرهم معاك دام عندك وقت

وفي الخدمة دائما

الترجمة من أي مكتب ترجمة يكون معتمد في الغرفة التجارية و تختمها، بعدين تروح لوزارة الصحة أو مركز الشؤون الصحية اللي ف مدينتك يصدقو عليها ، وبعدها تروح لوزارة الخارجية يصدقوها كمان لك
بس قبل ماتسوي الكلام ذا كله .. إتأكد من جامعتك أو معهدك أنهم يحتاجوها

fofo-top
ABO_LAMA
ابو قصي
دكتورة طموحه
shaqrawe
bassim nasser
مشكووووورين كثيرا كثيرا على التوضيح ,
اشوى اني ماسمعت كلام امي تلزم علي من سنتين ولا تزوجت ولا كان ابتلشت بزيادة اوراق وخرابيط خخخخخ
بناءا على تجاربكم السابقه قررنا ما هو اتي:
ماراح اخذها معي واذا يبون يطعمون يطعمون اصلا شهادة التطعيم حقتي مكتوبه بخط اليد وعربي ومو واضح الخط مشوار اترجمها .

جزاكم الله خير يارب