عليك بالاستخارة وانا اخوك
7 " 
وظيفة 10.000 ام بعثة؟
وظيفة 10.000 ام بعثة؟

تنبيه: هذا الموضوع قديم. تم طرحه قبل 5243 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- حبيبي شوف....7 "
انا اشوف اذا كان بمقدورك ان تعمل سنه اوسنتين ومن ثم طلب بعثه دراسيه (اذا كان النظام يسمح)بعد ما تخدم فتره ,,,وترسم لك هدف اول ما تعمل انك راح تدرس لاحقا وتجمع لك مال يؤمن مستقبلك حتى لو درست لا حقا على حسابك الخاص.
بالطريقه هذي تكون ضربت عصفورين بحجر واحده
اما اذا كان لا بد من واحده منهما (لازم تضحي بواحده)
فانت اكثر واحد يعرف ويقدر يحكم الامور ويدرسها من جميع النواحي(السلبيات والايجابيات)
والاهم من ذلك استخاره رب العباد والاكثار من صلاه الاستخاره واستشارة اصحاب الرأي السديد
والله ولي التوفيـــــــــــــق - مساء الخير أخوي7 "
بصراحة أنا قريت بعض الردود هنا و حبيت أطرح وجهة نظري بشكل - عملي -
1- استفسر عن ( مستقبل ) وظيفتك الحالية .. نوع الشركة .. أرامكو/سابك .. يختلف كلية عن شركة من الدرجة العاشرة .. نظام العلاوة السنوية .. قابل موظفين في نفس الشركة لهم خمس سنوات ( مثلا ً ) .. وضعهم المادي / الحوافز / الدورات / الإمتيازات
2- استفسر من الشركات (الأخرى ) عن عروضهم المقدمة لك ... في حال تخرجك ( بشهادة الماستر ) ..في تخصصك الجديد ..حينها بتكون على بينة بمستقبلك الوظيفي ، بمستقبل حياتك .. ح تسافر لحظتها و إنت على بينـــة
بالتوفيق - اخوي... الرازق في السماء وربك ماينسى عبده واللي رزقك هذي الوظيفه راح يرزقك غيرها وغيرها .. وإذا انت متردد وغير مقنع من خطوة إكمال الدراسة او بين وبين نصيحه لا تروح وانسى الموضوع وفكر في وظيفتك....7 "
حبيت اعلق على بعض الردود من الاخوان ..باين منها بعض التناقض !! ينصحونك بالوظيفه وهم مستقيلين منها ورايحين يكملوا الدراسه والعذر الراتب كان قليل !! طيب ليش ما شدوا ارضهم وعضوا على الوظيفه وطورو انفسهم وانتسبوا في اي جامعه في السعوديه عشان ماتروح عليهم الوظايف؟؟؟؟؟ .. مثل بعض الاخوان يقولو كانوا موظفين برواتب بسيطه ولما حصلت البعثه استقالوا وراحوا يكملو الدراسه !!! ومع احترامي للجميع. - اخوي الفاضل احترم رايك وردك ,, بس احب اقولك ان خبرك عتيــــــق وولا زمان البرستيج للشهادات اللى من الخارج كلامك كان قبل عهد ابو متعب والابتعاث ... كان اللي يجيب شهاده من برى شي عظيم ورجل خارق واهله كاش وووو ... الاّن 62000 الف مبتعث بأذن الله راح يجيبوها (الشهادات) ..وبعدين الهوامير مو اغبياء عشان ياخذوها من منظار البرستيج .. لو هذا الشي صحيح كان فتحوا لعيالهم شركات بأسمهم وخلوهم يديروها !!!!! بس هذا اسمه استثمار في اجيالهم ..... والدليل الحكومه بدت تستثمر في اجيالها (( عيال البلد)) وبعدين مافيه قطاع خاص يرسلك تجيب شهاده او دراسه على حسابه إلا شركتين او ثلاث لقوتها وقدرتها على تطويرموظفيها ومحتاجه بعض التخصصات الدقيقه .. ( وماراح تعطيك الشهاده بدون ما تشرط عليك تبقى عندهم كم سنه او تدفع اللى خسروه عليك) لاكن إذا جبت الشهاده على حسابك فاراح تكون حر نفسك وتقدر تتوظف في اي مكان وانت اللى تتشرط عليهم واي شهادة التعليم العالي معترف بها فأكيد الشركات غصب تعترف بها,,,,, واسف على الاطاله.7 "
- حبيبي اذا وضعك ماشي كذا تمام ماشاء الله تبارك الله7 "
مافي داعي من الشحططه
ترى هنا الوضع صعب ومو اي احد يقدر يكمل
لاسمح الله ماكملت ورجعت وضعك راح يكون صعب جدا
لازم تعمل حساب الصعوبات الي هنا مو بس الايجابيات الي بالشهاده
وفي النهاية كلنا مصيرنا نرجع ندور وظايف
وعلى فكره لي اقرباء رجعوا بالماجستير والحين في بيوتهم !!! -
7 " - شوف اخوي .. مجرد وجهة نظر ...لو انا مكانك خذت الوظيفه على طول 10000 ريال ماشالله.. وييييين صاحي انت .. هذا وانت توك عمرك 22 ..يعني يمديك تجمع وتفتح بيت وتتزوج وتروح على حسابك تدرس اذا بغيت.. وتاخذ سنين خبره ..واذا رجعت من بره معك خبره تتوظف على طوول..يعني كل الامور مفتوحه قدامك.. انت استخير وبس.. والقرار الاول والاخير لك طبعا .. هذا رايي فقط7 "
- أخوي انا نفس عمرك ومريت بنفس حالتك7 "
انا جتني وظيفه في بنك وبراتب 8000 تقريباً ، توظفت عندهم شهر وبعدها قدمت استقالتي ( بسبب وجود دوره الزاميه _ يلزموني اجلس عندهم سنتين بعد هالدوره_)
طبعاً انا قدمت استقالتي بسبب ان البنك ربوي ، لكن لو جتني وظيفه وبراتب 10,000 بنسبه كبيره راح اختار الوظيفه
لانك راح تعيش ملك مع هالراتب خخخ
عموماً انت استخر ربك وان شاء الله ربي يبعطيك الافضل
وجهه نظري بحكم عمرك 23 سنه
لو رحت للبعثه ماراح تندم ان شاء الله لانك راح ترجع بعمر 26 سنه تقريباً ، يعني عمرك لسى صغير والوظيفه والرزق بيد الله
ولو توظفت أيضاً براتب 10,000 راح تكون الحياه قدامك ممتازه ويمديك تتزوج وعمرك 25 سنه
الله يعينك الموضوع محير جداً لاني مريت فيه ،،
الله يوفقك ويكتب لك الخير يارب - عذراً لا أستطيع أن أصوت لامع البعثه ولا مع الوظيفه7 "
من رأيي أن تستخير لرب العالمين فهو الادرى أيهما الافضل لك
الاستخاره ثم الاستخاره ثم الاستخاره
فما خاب من أستخار
أسال الله أن يختار لك ولي وللجميع لما هو خيراً في ديننا ومعاشنا وعاقبة أمورنا
تحيتي