مشكلة في التاشيرة ارجو المساعدة

ياخي ارسل لهم ايميل او اتصل فيهم لتتاكد اكثر

شوف أنا بقول لك اللي صار معي بالضبط , وانت شوف ايش تسوي , أنا كان عندي خطأ في الإسبلنق حق اسمي (حرف مكرر في النص) فما اتصلت ولا شي سويت موعد جديد وعبيت نموذج ds-160 مره ثانيه ومن زود خوفي سددت ايصال سامبا مره ثانيه ؛ على أساس بحرجهم !!! أقصد ما أخلي لهم عذر !!!!! وبحكم ان موعد سفري كان مطول ما سويت موعد طوارئ !! ( يمديك تشرح الحاله وتسويه ) المهم أخذت موعد بعد حوالي 22 يوم وكل هالفتره وأنا على أعصابي على أساس بيحققون معي !!!!! طبعا أبدا هالشي ما صار , رحت المقابله بكل استعداد كأني أول مره أقدم , عطيت الموظفة الأوراق , شيكت عليها وقالت استني لين نناديك للبصمات , يومها كان زحمه , خمس دقايق تقريبا وزهمتني ( حست ان فيه شي غلط ) قالت ليه ما سافرتي , سؤالها مش مكانه لسا باقي لي أكثر من شهرين كيف أدخل أمريكا!!! المهم أنا فهمت انها شافت الفيزا!!! عشان كذا تسأل , قلت لها أنا عندي غلط في الإسبلنق (( ما قالت لي عادي!!!)) قالت ليه ما رجعتي الجواز نصلحلك هو ، على أساس ما كان له داعي أسوي موعد ثاني ,(بس أكيد كان له داعي أسدد رسم طابع الفيزا!!!!!)المهم ما سووا لي مقابله مره ثانيه أخذت الجواز والأوراق المعتاده وقالت ارجعي خذيه بعد بكره بين الساعه وحده وثلاثه , ورحت أخذته , أدري أدوشتكم بس وشلون لو قلت السالفه كامله !!!!!!!!!!!!!!!!!!!
المهم للمره مدري كم لا احد يروح بتأشيره فيها غلط , لأنهم اختلاف حرف يعني عندهم انك شخص آخر ((((الحذر واجب))))) الواحد مو بناقص

اعتذاري للإطاله والله يوفق الجميع
دعواتكم عسى الله يهون علينا غربتنا ويوفقنا يااااااااارب

اضافه بسيطه
يوم قالت لي سويتي موعد مررره ثانيه ؟! قلت لها وسددت سامبا بعد , فضحكت , قلت لها أنا سددت على أساس ان الطابع اللي بتطبعون عليه الفيزه له قيمه وأنا حسبتها بالعقل قلت المفروض اني أسددها !! مدري حسبتها بالعقل ولا بالخووووف , المهم يومها حسيت اني خسرت نفسي على الفاضي , بس يوم شفت موضوعك لقيت ان كان معي حق , بس أبدا ما ندمت , الواحد يبي الفكه , وشكلك بتسوي نفس الشي , الله يعوض عليك فيها (على طاري العوض , الملحقيه تعوضنا عنها هي مع رسوم السيفس , بس تتوقعون لو عطيتهم ايصالين لسامبا يسددونهم ؟!؟!!!!!!! اما هذي قويييييه , الله يعوض على الجميع

مجرد اضافه بسييييييطه!!!!!!!!!!!!!!!!!!!!!!!!!

بس اختي الله يعطيك العافية
انا طلعت التاشيرة من الرياض هل استطيع اسوي موعدي الثاني في جده
وكذلك سفري قرب بعد اسبوعين تقريبا هل استطيع احدد موعد ثاني

اي نعم عادي
بس لا تنسى وانت تعبي الأبلكيشن فيه خيار هل سبق وقدمت على فيزا؟ قل نعم وحط رقمها
ولما تاخذ موعد فيه مواعيد طوارئ أعتقد ترسل لهم إيميل تشرح فيه ان موعد دراستك قريب , يقولون لازم الواحد تكون أسبابه قويه !!!
هذا النوع من المواعيد ما عندي خلفيه عنه!!!
انا أتوقع ان تعديل الفيزا ما فيه أي مشكله , بس شكلهم يبونك تفهمها لحالك وتسدد رسوم الطابع !! أنا حتى ردهم ما فهمته!! ولا ايش يعني connechanl
سو زي ما سويت ويوم المقابله سو نفسك برئ وما تعرف شي واجتهدت عشان لا تواجه أي مشكله هناك لأن حتى هم يهتمون بها الأشياء,
أنا طبعا ختموا لي على الفيزا الأولى بملغى وحطوا الفيزا الجديده في الصفحه اللي بعدها , حتى ما أرسلوها لي فيدكس رحت أخذتها بنفسي بعدها بيوم , ان شاء الله ربي ييسر لك ولنا أجمعين .