تكفون ياشباب وشابات ابي منكم المشورة والتشجيع

العلم ابداً لن يكون مضيعة للوقت .. ولا هو مقتصر على عمر معين ..

وطبعاً تستطيع الإلحاق سواءً بعد اكمالك فترة اللغة أو على حسب النظام بعد 30 ساعة في النهاية أذا كان تخصصك من التخصصات المطلوبة للابتعاث سوف تلحق بالبعثة بإذن الله .. توكل على الله اذا كانت كل امورك تمام ولا تنسى الاستخارة ..بالتوفيق

انا سمعت ان هناك سن معين للأبتعاث تأكد من الموضوع قبل لا تغامر ...

الله يووفقك وعمر العلم ماوقف على عمر معين

أخوي أنا أتمنى من كل قلبي أنك تطلع و تكمل دراستك حتى لو ما أنظميت للبعثة ما بتخسر شي
على الأقل أنك بتحصل على اللغة الأنجليزية و بالسعودية لو عندك أنجليزي بتوظف على القليل براتب 6000 تقريباَ
طموحك ممتاز و إذا كان كلامك صحيح أنا أهلك وعيالك ما بأثر عليهم خروجك من عملك فلا تتردد على الأقل و أنت بالغربة
بيكون أكبر محفز لك عيالك و أهلك أنك تعيشهم أحلى عيشة . عمرك مناسب ودامك متزوج ماراح تغرك بعض الفتن !!!
الله يوفقنا و يوفقك يا رب

احلام اتش بي ولد المقبل والله ثم والله ان كلامكم اثلج صدري وأثر فيني وعطاني حافز اكثر من كلام القريبين ماقول الا بيض الله وجيهكم والله يوفقكم في دراستكم ورجعكم الى اهاليكم اذا كنتو في الخارج وترفعون راسهم وبالنسبة الى كلامك ياحلام ممكن توضحلي اكثر لأنك قلت كلام جميل بالنسبة للتحاق وضحلي الله يخليك لعين ترجيك

اخي العزيز /مدري متى
اعجبني فيك حرصك على اكمال دراستك وفق الله
العلم لايقتصر على سن معين كما ذكروا الاخوان سابقا
انا واعوذ بالله من كلمة انا موظف ومرتبي مايقارب 14000 وراح اتخلى عن وظيفتي من اجل اكمال الدراسه وهذي قناعة شخصيه علما باني ساكمل الماستر انشاء الله حيث اني حاصل على البكالوريس انتساب
توكل على الله بماان ظروفك الماديه حلوووووووه

مدري متى
أرجو مراجعة صندوق الرسائل

امممم بالنسبه للألحاق ماادري لحالتك ...لكني اقولك لو تروح تدرس لغة سنة كامله وتشد حيلك ...وترجع ان شاءالله راح يرتقي مستواك الوظيفي بكثيييير .....وبعدها تقدر ترجع للسعوديه وتتوظف بلغة الانجليزية وظيفة حلوة
دعـــواتك

اخوي صلي على نبيك و بقول كلام مره ثمين و اسمع زين و اسأل مجرب
فديت قلبك اكتب لك معروض و اطلع له للعنقري الوزير او الموسى او العطيه واحد منهم ترا مره طيبين و قول انا وضعي كذا
و طموحي فوق و لا فيه فرق بيني و بين احد كلنا عيال تسعه انا بضحي
انا ابي ادرس و وعندي طموح و اذا انت تبي تساعدني والله ثم والله لبيض الوجه و لا انسى لك هذا المعروف
ارجوا الموافقه على طلبي انا اريد ان ادرس و اريد ان ارجع و اخدم ديني و بلدي.
اضن بعد هذا و هذا الكلام لابد من شيء يغير به فكره او يتغير به حالك.
الله يوفقك و يسر امرك و يرفع قدرك و يزيل همك و يوفقك انت و اهلك و كل من يقراء كلامي.
يقول الشاعر:
ولا ربا نازلتاً يضيق بها الفتى --- ضرعا و عند الله منها المخرجٌ
ضاقت فلما استحكمت حلقاتها ---- فرجت و كنت اضنها لا تفرجٌ
تحياتي