حوار تم تعديل المشاركة الأولى لتحتوي على صور وروابط هاآآآمة جدا، ليش ننبذ ولاية كنتاكي..؟؟

لا اختي تحتاجين سيارة .. وترى امريكا بصفة عامة مو مثل اغلب الدول الاوروبية (بريطانيا مثلاً)
يعني اذا ماكنتي من سكان مدينة كبيرة جداً .. تحتاجون سيارة .. يعني مثلاً دالاس في تكساس على كبرها .. تحتاجين سيارة والي بيعيش على تاكسي ماراح يكمل راتبه اسبوع في جيبه
واذا كنتوا عائلة راح بالتأكيد تحتاجونها بدون سؤال ... يعني الشباب يمشون الحال .. مرة يمشون مرة ينتظرون الباص او مع زملائهم
لكن العوائل مشاويرهم كثير واكثر خصوصية
السيارة مطلوبة .. وقيمتها تبدا من 2500 دولار وانتي طالعة ...

والعفو .. مالي فضل في المشاركة بالي أعرفه
الله يوفقك

اخوي تفاكير لاهنت على الرد

بس سؤال انت كنت تتكلم عن اي مدينه بالضبط

هاي لاند الي بنورثن كنتاكي؟

ولا انت اخوي

انا كنت اتكلم عن مدينة Murray لكن هاي لاند اكبر طبعاً
بس المدينة الي تكلمت عنها في نفس الولاية وكان قصدي جو الولاية بصفة عامة

معقولة .... قيمة السيارة تبدأ من 2500 ولا تقصد اخوي 25000 ؟؟

واذا كانت بـ 2500 هل هذي سيارة تمام صاحية وما تحتاج تصليح وما تعطل علينا ؟؟؟

وهل البانزين غالي وهل صحيح المواقف يأخدوا عليها فلوس كثيرة ؟؟

شكرا للجميع وخاصة الأخ تفاكير..

وبالنسبة للأخت هاجس..
ترى السيارات المستعمله رخيصة..

وعطوني وقت افتش لكم عن هايلاند وكل اللي ناقص ومتوافر فيها..

تحياتي,,

السلام عليكم ورحمة الله وبركاته

كيف حالكم طلاب NKU مساكم الله بالخير ...

بإختصار جبت لكم شيئين اليوم :-

1 - الجو ... شباب الجو هناك بررد جدا وطبعا كيف عرفت من طريقتين .

* الاولى قوقل تكتب ويجيك اظفط هنا :

- Current local time in U.S.A. – Ohio – Cincinnati

طبعا هذي سنيساتي بس هي 15 كيلو عنه يعني مايفرق الجو ومدينتا ماطلعت بس عادي " لما تفتح الموقع يجيك الوقت انزل تحت يجيك الدرجه حقت الصبح واليل و بكرا الصبح وهل ممطر ولا ثلج ولا مشمس و تحتها الرياح وكلش موقع حلو سجلوه عندكم عشان تعرفون اذا بتاخذون اليوم شمسيتكم ولا أو بتلبسون كثير ولا جكيت عشان تفصخ بعد تطلع الشمس ...... الخ "

* الثانية فاز المنتخب حق الكورة حق الجامعه بالكأس " مير احسن من ربعنا خسروا " ههههـ يلا افرحوا ..
عموما الملعب لونه ابيض شوفوا الصوره هههههههههههـ .... الله يعيييييييييينكم < كني طالع منها ...

- Northern Kentucky University Athletics - CHAMPIONS! NKU men's soccer takes national title with dramatic 3-2 victory over Rollins

هذا الخبر مع الصور من موقع الجامعه الرياضي ... انزلوا تحت فيه صور .

2- الخبر الثاني تصوير زي حق قوقل تتمشى جوا الجامعه ... الي تمشى بقوقل ارث وما عجبه التصوير أبشرك ادخل وبتمسك راسك صافي و حلو وتدور جوا اكثر من قوقل عشانه حق الجامعه اساسا.

- الجامعه :
Northern Kentucky University - Virtual Tour


* وأخر للشقق تشوفهم هذا الرابط : للي بيسكن بالجامعه ..

الشقق :

NKU Housing Virtual Tour: Northern Kentucky University

اختر على وحده وبعدين تغير الشقق من على اليمين فوووق .

ملاحظة : لما تظغط على اسم الشقق يطلع لك اشيا زياده بعد الظغط .


مثال : لما تظغط على WOODCREST.
يفتح لك الغرفع طبعا بعد الظغط بعدين رح اظغط على الي فووق يمين مره ثانيه رح عند WOODCREST
تلقى طلع تحت - 1Bedroom - 3 bedroom - Efficiency .
أنا اتوقع بحجز هل يومين على Efficiency لان هي الوحيده الي لحالك لان 1 bedroom صح اسمه غرفع
بس سريرين ...

- رابط انواع الشقق الي تشوفونها واسعراها :

Rates: Campus Housing: Northern Kentucky University



والله يسهل امركم تكفووووون لاتنسوني من دعائكم " ترا مو كلام صدق ادعوا لي هههـ " خاصة في الثلث الاخير ما نستغني ...
وحتى الي يعرف هل معلومات يدعي ..
والله يسهل امركم ويرفج همكم ويشرح صدركم ويزوج الي ماتزوج منكم ويخلي لكم أهاليكم ويحفظهم لكم
ويرجعكم لهم ساليمين غانيمين بشهادة تفوق رافعين الراس يارب ...

أخوكم : Blinke182 ....

+ Plus خريـــطـة الجــامعـــه :

http://www.nku.edu/campusmaps/docs/0808_nkumap.pdf

عشان الي يدور بالجامعه ما يضيع وتقدرون إذا سافرتوا تطبعونها أول اسبوع عشان محد يضيع.

اخوي بلنك الله يعطيك العافيه ويوفقك يارب

سؤال ... بالفيرتشول تول كيف امشي ؟ ولا بس اناظر ؟

اها عرفت مشكور

فيه اسهم اظغطها

اللهم أمين وياك يارب ...


معليش ما كنت عند الجهاز .. ايه فيه اسهم جوا الغرف وحتى في الجامعه في اسهم فكل اتجاهات تقريبا ...