ودي أعرف ! ودي أتعلم ؟ ودي أحس بالفخر ! << فلم هندي !!

السلام عليكم

أنا لي الآن ما يقارب اربع شهور بالظبط و التمام و الكمال، وأنا في حالة أضطارب نفسيه لا يعلمها إلا الله ..!!

لا تحسبوني أبالغ، ولا أني أكبر السالفه مثل سعيده وجارتها !! بالعكس ترا تو عيد الاضحى رايح وقبله الفطر، يعني ناس واقارب، واصدقاء من كل جهه !

الي يقول وش دخلك، والي يقول أنت تخصصك أيش ! والي ينصح و الي مدري وش يسوي ! المهم أني كنت في موجه من الضغوطات الاجتماعيه الي لها اول و مالها تالي !!


توني أحس أني أنسان، وأني ذاك الشخص الي يملئه الشغف ! توني أجدد ذاك الشعور الي بداخلي من أول يوم رحت فيه للمدرسة يوم أومي تقولي هآآآآه يا فهـــد لا تخلي احد يغلبك !! خخخخخخ أحس انها شطحه بس والله كانت ترددها الله يحفظها.

شعور التنافس مع الزملاء والهواش و النفس او المذاق الاكاديمي يرجع لي مره ثانيه بدفعات متدبلها ومتضاعفه لملاين المرات !!


لا أخفيكم أني الفتراة الي طافت تخللها كثير من التجارب ،، اووه لا تنسى،، والبعض منها أن ما كان اغلبها أنا فخور بها وأن شأء الله اقولكم عنها وأنا في امريكا.



أنا قبلت في جامعة نيو هيفن !

نيو هيفن !! مدري ليه اخترتها يمكن لان سابك مختارتها لطلبة و أنا مع الخيل يا شقرا !!


بختصار و بعد المقدمه الي فوق : كل شي تعرفه عن الجامعه اسدحه هنا !!

وخصوصاً الاخوه الي لهم بمعرفة قوة الجامعة و مرتبها يساعدنا ويجيب لنا المعلومات الازمه .

تشكرات افندم !!