مساعدة مدينة فورت لودرديل..

اهليييييين امونااا

انتي مثلي ؟ السبات الشتوي لاعب باهل لودرديل <<هههههههه

بسالك مين اللي جاب لك قبولك ؟؟

اذا الملحقيه هي اللي جايبه قبولك فالافضل تراسلينهم او تسوين مثلي و تتعاملين مع المعهد مباشره و هذا الشي اسرع مليون مره من الادارات المركزيه اللي لاعبه بحسبة بعثتنا
و على فكره اذا عندك اطفال لازم تتاكدين ان اسمائهم مرفقه في نفس قبولك ، او اذا زوجك ما يبي فيزة f1 فلازم يكون اسمه في ورقة قبولك

هلا حبيبتي KSA Love..
اي شكلهم اهل لودرديل داخلين سبات شتوي <عاد اتمنى يطلعوا منه >
انا قبولي من تجسير الهم
عاد اليوم وبعد عدة اتصالات ومسجات اخيرا ردوا على اتصالي بس ما اخذت منهم لا حق ولا باطل
قالي اليوم توصل دفعة جديدة دقي علينا الساعة 4 <هين اذا ردوا علي >
حبيبتي انتي راسلتي المعهد؟
شلون ؟ ووش قلتي لهم؟ وهل اجلوا لك الدراسة؟

^^انا عزباء واخوي مرافقي^^

اهلين اختي اموناا

انا عجلت بدراستي ما أجلتها

و انا راسلت الملحقيه بس بعدها راسلت المعهد و وافقوا و زينوا اوراقي انا و المرافقين و ارسلوها لي و الى يومك الملحقيه ما ردت

اللي هذا اوله ينخاف من تاليه

الله يعين بس يالغاليه و يوفقنا جميعا

السلام عليكم
انا من طلاب امبسي بمدينة فورت لودرديل ، ادرس هنا من 7 اشهر اللي عنده سؤال يتفضل ؟

اهلييين اخوي


و الله في بالي مليون سؤال

احنا جايين باذن الله بعد شهر من الان

ودي اسألك اقدر استاجر سكن من هنا ؟ و هل النت مضمون ؟
و كمان السياره ، ممكن نشتري سياره بالرخصه السعوديه و الا اول نطلع رخصه امريكيه؟
و السؤال الثالث : انا عندي بنت عمرها ٤ نوات و نص اقدر ادخلها تمهيدي مجاني ؟
هل فيه روضات اسلاميه او يعطون حصص للعربي و القرآن ؟

معليش بتعبك معاي ^-^

بسم الله الرحمن الرحيم
بالنسبة للسكن ، لازم تشوفو البيت او الشقة، و بشكل عام كل الناس بيستأجرو بعد مايوصلو هنا، وممكن تساعدكم مواقع الانترنت و كمان ممكن تفيدكم مكاتب العقار- تعطوهم المواصفات و السعر و البعد و يوروكم اللي عندهم.
بالنسبة لشراء السيارة ، فهو اسهل من اي شي و تستلم السيارة في وقتها و لا تحتاج رخصة امريكية للشراء تكفي السعودية اذا مترجمة و حتى ممكن بالجواز، لكن وجود الرخصة الامريكية يخفض التأمين،ومتطلب لقيادة السيارة الا لو كانت ايجار.
اما بخصوص الحضانة فأنا ماعندي عيال ، ممكن يفيدكم المعهد و كمان يمكن يفيدوكم الاخوان المتزوجين، و على فكرة في قروب عالفيسبوك لطلاب امبسي اسمه الطلاب السعوديين في إمباسي saudi students of EmbassyCES ولكن انا ما ادري ايش في هادا القروب باتحديد. بشكل عام كل الامور مسهلة.

ما تقصر اخوي سيلفر

انا قبولي في معهد فلوريدا لانقويج سينتر <<< اعذرني بس اوراق القبول مو معاي عشان كذا كتبته عربي

اللي عرفته انه في منطقة بومبانو بيتش ، ودي اعرف اذا هالمنطقه آمنه و نظيفه و الخدمات متوفره فيها أو لا ؟؟

لأني أخاف نطب في حي فقر و جرائم

و آسقه على إزعاجك أخوي

هل هو LAL ؟
اذا كان هوا فموقعه على الفيديرال هايواي و آخد جزء من فندق La Quinta Inn المنطقة جدا امنة .

ايوه هووو


الله يطمنك يكفيني هالكلام

اجل ان شاء الله قبل نوصل نحجز في الهوتيل اللي قلت اسمه لا كوينتا ان <<< الظاهر كذا صح

لحد ما نلاقي سكن مناسب

السلام عليكم ورحمة الله وبركاته

انا سكنت في فورت لودرديل لمدة تسع شهور ودرست في امباسي
ضيعت تسع شهور فيه..اه يالقهر بس .. ضاعت في هالمعهد البايخ
نصيحة لوجه الله لاتدرسون فيه لانه معهد تجاري درجة اولى
فاشل اتعب وانا اقول فاشل
انا كنت من اوائل مبتعثات المرحلة الخامسة الي درسنا فيه ولما الحين نقلت على معهد
جامعة عرفت الفرق والله لي شهر تطورت خمسين بالمية وتسع شهور بامباسي ماتطورت ولا ثلاثين
بالمية
ماسكين لك كتاب واحد كل الكلاس والمعلمين فاشلين وحدة بس اسمها لوسي هي الي عندها سالفة الباقي
مالهم بالتدريس سالفة مملين. غير كذا مو مرن المعهد والله لو تموتين تنكسرين مايعذرون غيابك انا مسوية عملية وجايبة تقرير طبي يقولون ما نقبله ليه حضرتكم جامعة هارفرد على غفلة...
انا اسفة جدا مابي احطمكم بس ما ابيكم تضيعون من وقتكم وتتندمون مثل ما انا متندمة ان مرحلة اللغة بتنتهي وانا جالسة بمعهد فاشل
المدينة رايقة وحلوة بس ولا معهد فيها كويس الا اذا بتدرسين بمعهد اللغة التابع لجامعة ميامي مثل ما قال الاخ..نسيت اسمه.. المعهد صديقتي نقلت له وتمدحه مرة ويركز لك على كل المهارات
اتمنى لكم التوفيق واي سوال انا حاضرة
اختكم كتكاتة