جاني قبول في سان ديغو
جاني قبول في سان ديغو
تنبيه: هذا الموضوع قديم. تم طرحه قبل 5111 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "آول مره في مبتعث من دخلت له من 3 سنوات تقريباً القى شخص ينقل وجهه نظر واضحه ومتفائله الله يوفقك. كفيت ووفيتساندييجو بلد حلوة
جو رائع.. خدمات موجودة..
يعيبها تكدس معاهدها المميزة بالسعوديين،(والنعم في السعوديين)لكن صعب تتحدث معهم إنجليزي، والوزارة لا تقبل الانتقال لها المعاهد.. فبتدرس في البداية في معاهد للمبتدئين مثل المعاهد التجارية وبتستفيد.. لكن لما تبغى تتطور ما تقدر تنتقل منها للمعاهد المميزة..
معاهد جامعات SDSU وUCSD وUSD نسبة السعوديين على أقل تقدير 80%
ومعهد ELS وEC أكثر من 50% (على أقل تقدير، أنا مريت وشفت هالمعهدين ما صدقت العدد، ما كأن فيه غير سعوديين)
ويوجد كابلن وLSI وقليل من المعاهد الباقية النسبة حوالي 20%
وأبرز أسباب هالشي هو أن معهد جامعة SDSU يؤهلك لدخول جامعتهم بدون توفل..
أيضا روعة البلد وجوها ساعدت كثير على تكدسهم.. والواحد ما يبي يطلع منها أبد..
أنا اتخذت قرار الخروج منها لأني جاي للدراسة وهي هدفي الاول.. وما جاني القبول في التخصص اللي أبغاه فيها فاضطريت أروح لمدينة ثانية عشان معهدها ولأن التخصص المطلوب فيها..
لكن اللي أوراقه خلصت يتوكل على الله ويجي.. ويحرص على تطوير نفسه ولا يعيش متشائم..
اللغة تحصيل ذاتي في النهاية..
ولحمد لله أنت في بلد إنجليزي.. أطلع وكلم الناس في الشارع ورح للمكتبات العامة تلقى فيها أنشطة محادثة لغير المتحدثين..
للأسف الواحد يجي يلقى ناس تشتكي من معهدها ويجلس يشتكي معهم وهو ما دخل مع باب المعهد..
الناس انواع.. وكل واحد فيه معهد أو أسلوب يناسبه غير الثاني..
فلا تستعجل في الحكم..
أيضا فيه معاهد تناسب المبتدئين،،، مثل المعاهد التجارية، وفيه للمتقدمين مثل الجامعية..
شفت في ساندييجو ناس في المعاهد التجارية يقولون:أنتوا ياللي في الجامعية محظوظين.. معهدكم مميز..
واللي في الجامعية يقولون:أنتم اللي محظوظين.. إنا ما نقدر نطلع من بيوتنا من كثر الواجبات وما استفدنا منها شي.. نتمنى نطلع لتجاري ولما نتقدم مستويين او ثلاثة نرجع للجامعي.. على الأقل التجاري يعودنا على المحادثة والانطلاق فيها.. أما الجامعي بس كتابة وقراءة..
فنصيحتي للي أورقه خلصت يتوكل على الله لأن أوراقه خلصت ولا يكدر نفسه قبل ما يجي..
تعال وتفائل وتمتع بدراستك..
واللي ما قدم أقول له: فكر زين، فيه عوامل كثيره في هالبلد حلوة، ومثلها أكثر المدن المميزة لكن المعاهد متكدسة.. فهل تقبل تسكن في قرية خدماتها أقل وممكن جوها بارد جدا بس عشان تتعلم؟!..
كل شي له وعليه..
وربي يوفقكم.. - يعطيك الف عافية7 "
عندي استفسار عن معهد CISL
كيف الدراسة فية
وكيف ايجار السكن في سان دييقو عائلة
ولو تعطيني ايملك يكون افضل عشان اعرف اكثر عن المدينة
لوسمحت وشكرا - اسم المعهد الي جاني فيه القبول7 "
EF International School of English, San Diego
Alliant Campus / Building M4 10455 Pomerado Road
CA 92131 San Diego
في اي احد عنده معلومات عنه - انا وصلني قبول في lsi7 "
الي عنده معلومه يي - أنا درست فيه7 "
أنت وش مستواك تقريبا؟
عموما المعهد بيفيدك في الأشياء العامة والثقافة العامة
لكن أكاديميا لازم تجتهد بنفسك كثير
أنا استفدت منه في معرفة كثير من الاصطلاحات في المجتمع الأمريكي اللي ما نلقاها في القاموس
وكذلك مفردات كثيرة جدا..
وعندهم بعد الظهر فصول اختيارية (بزنس، محادثة، كتابة، إعداد للتوفل) كانت مفيدة جدا.. أنا دخلت البزنس وكان المدرس رائع..
لكن اللي مستواهم فوق المتوسط او متقدم شوي ما يصلح لهم المعهد.. لازم ينقلون منه.. لأن هم شي يحتاجونه الكتابة والمعهد زبائنه هم السياح فبرنامجه يناسبهم..
والسائح ما يجلس مدة طويلة ويبي أشياء ثقافية عامة ومحادثة..
مرة جتنا ألمانية مسجلة 5 أيام بس ، وفي اليوم الأخير عطوها شهادة وودعوها..
طريقتهم:
فصل صباحي من 9,15ص - 12,50ظ مع مدرس واحد(شوي قواعد، وشرح لبعض المواضيع ونقاش ومفردات..) أنا كنت أسأل فيه على راحتي.. أي قاعدة أبيها أسأل عنها..
واللي ياخذون فل تايم عندهم بعد الظهر فصول اختيارية من 1,50ظ - 3،50ع
(بزنس: عن مفردات التجارة ومواضيع تجارية، كتابة، محادثة: وهذا مدرسته ما يمدحونها، إعداد للتوفل،...)
حاجه ثانية:
فيه مدرسة للمستوى الثاني أو الأول اسمها جين (هي اللي تدرس فصل المحادثة بعد الظهر)
الشباب كانوا يشتكون منها.. لكن كانوا غلطانين إنم ما ضغطوا على الإدارة تغيرها.. كانوا مستحين الظاهر..
هنا في أمريكا الشي اللي ما يعجبك رح للإدارة وكلمهم بقناعتك الشخصية بدون ما تقول الناس يقولون.. توصل للفصل بالراحة..
البنوك مثلا لو تشتكي موظفة إنها كانت نفسيتها معك شينه أو موظف ما خدمك خدمة لائقة ممكن ينفصل مباشرة..
أنا درست عند 3 مدرسين كلهم رائعين ومتعاونين
اطلب واجبات في البيت ويعطوني ويصححون لي..
يشرحون بأريحية ونفسياتهم زينه..
ويارب تتيسر امورك..
لكن اجتهد وحاول تطلع بفائدة شخصية كبيرة.. يعني أبسط شي احفظ في اليوم أكبر قدر ممكن من الكلمات 15 او أكثر حسب قدرتك..
موقعه في الداونتاون
Address: 1706 5th Avenue
San Diego, CA 92101
فيه حديقه قريبة منه ممكن توقف فيها السيارة مجانا.. ما عدا يوم الخميس الظاهر (تأكد من الشباب اللي هناك إذا وصلت) - انا بعد في سان دييقو7 "
ومو عارف شي صراحه وشايل هم السكن
مدري وش اسوي
ومدري من وين اجيب السكن
اروح مكتب عقارات مثلا<<امزح
بس من جد شايل هم - كلنا الحال من بعضه...أظن لو تحلت معانا مشكله غلاء السكن مافي مشكله نقعد فيها بس هل حلاقي سكن بأسعار معقوله..من كتر ما يقولوا غالية صرت ما أتوقع ألاقي فيها أسعار تناسب المبتعثين7 "
- 7 "
وانا كماااان
ياريت احد يفيدنا
إذا على الأسعار ،، أنصحك تقتصد في السنة الأولى لأن المرافق تكون مكافأته قليلة بالنسبة لمكافأة المبتعث
و بعد السنة الأولى كما سمعتأنه يصبح المرافق زي المبتعث في المكافأة و بكذا تقدر ترتاح شوي في سان دييجو
والله أعلم
بالتوفيق للجميع