استفسار عن الاسم والجواز ضروري بليز ياجماعة

عزيزي ..

بالنسبة لشهادة الثانوية كتبولي الإسم كما هو موجود بالجواز بالضبط، بحيث إنهم حطو الحرف الأول فقط من اسم الجد
فالأفضل إنك تكتبه مثل الجواز بالضبط..

أما بالنسبة للكابتيال والإسمول فما تفرق..ولكن من المعروف إنه أول حرف من أي اسم لابد يكون كابيتال..
ولكن مع ذلك في شهادة الثانوية مكتوب اسمي كابيتال نفس اللي بالجواز بالضبط..


وبالنسبة للسؤال الأخير،،،

والله ماعندي علم..ولكن اعرف واحد من خوياني غير شهادته لإنها تختلف عن الجواز..


بالتوفيق يالغالي

ياجماعة تكفون علمووووني ..


طيب بالجواز الاسم الاول اسم العائله بعدين اسمي ثم اسم ابوي ثم اول حرف من حرف جدي

طيب الوثيقة وش احط اسم العائلة اولا ام اخر شئ انا اسئل الناس المبتعثين بليــــــــــــــــــــــــــــــــــــــــــــز

شكرا على الكرش،،،

لا قسم بالله مو قصدي كذا يسلم راسك لكن اقصد يعني ودي اسمع المبتعثين

الله يسعدك ماقصرت بس انا بحيرة هل احط اسم جدي بالوثيقة فقط حرف واحد ؟

وهل اسم العائله احطه بالبداية بوثيقة التخرج مثل الجواز او لا ؟

ههههههههههه،عدينا يا شوق عدينا

ياناس جاوبوني ماعندي وقت ارتفع ضغطي

اخوي عادي لاتخاف ... اهم شي السبلنق نفس بعض

اذا جوازك انتهى .... جدده واطلب منهم يطابقون نفس الي بالوثيقه ... وعادي الترتيب .اهم شي السبلنق

ياخي ايش دراك إني مو مبتعث..؟؟

يمكن انا مبتعث..!! ظلمتني الله يسامحك

على كل حال لا يرتفع ضغط ولا هم يحزنون..

بالنسبة لكتابة الفاميلي نيم ( اسم العائلة ) في الأول أو بالآخر ماراح تفرق..

بس بشرط إنك لو كتبته بالأول لابد يكون بعده الفاصله ( لإنه إذا مافي فاصلة معناته إسمك )

بالنسبة لي لما جيت اقدم على الجامعه ماكان معي لا الجواز ولا الشهادة ( بس حافظ اسمي بالإنجليزي )

وكتبت في التقديم اسمي الاول ثم اسم الوالد ثم العائلة ( وهذا المطلوب أصلا للتقديم )

على كل حال اسمي في الشهادة مكتوب مثل ماهو مكتوب في الجواز بالضبط ( أي أن اسم العائلة كتب أولا )

واساسا انت مكبر الموضوع والشغله ماتستاهل الله يهديك..

خلاصة الموضوع..

اسمك في الشهادة والجواز يكونوا متطابقين ( وصلى الله وبارك على نبينا محمد )

الله يسعدكم كلكم بس اخر سؤال اسم جدي بالوثيقة مع ان اسم جدي ماينقري ابد اسمه شنيبر > لاحد يضحك

احط اسم جدي حرف واحد بالوثيقة والا كامل ؟ الله يرحم والديكم