مساعدة لطلاب معهد Talk في مدينة ويستون في ولاية ماساتشوستس... مهم جدا

مشكور ويعطيك العافيه كفيه ووفيت الله يجزاك خير
والأخ طلال اذا تقدر نتواصل الآني ابي اسأل عن المعهد محد مدحه وأبي اشوف تجربتك فيه

والله عزيزي هاليومين صارت تغييرات واجد في المعهد وانا واحد من اللي غيرو المعهد ويوم الاثنين راح ابتدي في المعهد الجديد لأن صراحه درجة السوء وصلت الى مرحلة ما عدنا نتحملها سوء في التدريس تغيير المدرسين بشكل شبه شهري والله شاهد على ما اكتب واتمنى اني ما اكون متحامل اكثر من اللازم ... ومو بس انا اللي نقلت لأ معاي خمس طلاب وانا واختي يعني صفرنا المعهد من الطلاب السعوديين وفيه كلام الى الان مو رسمي انو المعهد راح يتقفل من الملحقيه لأن عملنا شكوى جماعيه واتمنى اخوي اني ما صدمتك بالرد او احبطتك بس احنا تعودنا في هذا المنتدى ان الردود تكون بكل مصداقيه
واتمنى من الاخ ابو عمار تحويل اسم الموضوع الى تحذير من هذا المعهد ..
وحتى ما اكون ظالم في ردي ادارة الفرع في قمة الروعه في التعامل لاكن احنا مشكلتنا مو في التعامل احنا مشكلتنا في طريقة التدريس باقي المعاهد تدرس في المستوى الواحد من اربعه الي ستة كتب واحنا كتاب واحد لكل المستوى اتوقع انها مو منطقيه
تحياتي

Talal

تسلم اخوي الله يوفقك ويجزاك خير انا اول موصل بغير المعهد قبل أداوم فيه اصلا وحبيت أخذ العلم من مجرب وافدتني يجزيك خير لكن شلون بتحول هل سهل التحويل وشلون الطريق وربي يوفقكم

الله يسلمك عزيزي واذا على التحويل موضوعه سهل جدا تختار المعهد اللي تبيه وتجيب من عنده قبول بس لازم تتأكد انه مو مقفل من الملحقيه وبعد ما تاخذ ورقة القبول منهم ارسلها لمشرفك الاكاديمي وما تاخذ يومين الا الضمان المالي الجديد جايك على ايميلك بأسم المعهد الجديد ... واذا احتجت اي مساعده انا في خدمتك اخوي


تحياتي
Talal

السلام عليكم ورحمه الله وبركاته
الاخ طلال
اتمنى افادتي
انا بعد شهر وشوي جايه لهالمعهد
كيف وش ذا الكلام ليش صار سيء وش المشكله لانتوهق الله يخليك رد علي وش الاسباب وش اللي خلتك تغير معهدك
وكل السعوديين معك
يعني قريت اول رد كتبته مره انبسطت فيه
بس اقراء الرد الثاني ضيق صدري المشكله انه بعد بكرى موعدي بالسفاره

اختي انتي روحي لموعد السفاره وخلي امورك طبيعيه واذا وصلتي بالسلامه تغيير المعهد بيكون سهل اختاري المعهد اللي تبينه وجيبي منه قبول وارسليه لمشرفك الاكاديمي ويرسلك الضمان المالي للمعهد الجديد

عادي ممكن اغير من قبل مادرس فيه معقوله؟؟؟