اركانساس

مع احترامي لك .. الا ان مكاتب القبول تبحث عن الربح على حسابك انتي وحساب مستقبلك !!
المكتب اللي جاب لك القبول هو نفس المكتب اللي جاب لاخوي قبول في نفس الجامعه ونفص المعهد والولايه

ولا بعد ازيدك من الشعر بيت .. قابل شخص يدرس معه في المعهد وقال له انا مشبه عليك وين شفتك فيه .. اكتشف انه تقابلوا في المكتب اللي جاب لهم القبول .. وتقريبا 40 طالب في نفس المعهد جابوا قبول من نفس المكتب !!

والمفروض ياعزيزتي يوم انك طلبتي قبول تقولين لهم ابي قبول جامعه ومعهد في ولايه كذا مكان كذا تخصص كذا !!
علشان مايسوون فيكم حركه مثل اللي صار لطلاب اركانسس علشانها تجيب قبول سهل .. او تجيب لك قبول في ولايه ماهي مناسبه لك او في جامعه او معهد متردي !!

اتمنى ان النقطة وصلتك .. مع اني جبت قبول بنفسي بدون مكاتب وقله حياء وخساير , وانتي بنفسك تقدرين تجيبين قبول لنفسك بدون تعب , بس تكونين مرتاحه من خياراتك تكونين مختاره الجامعه والمدينه اللي تدرسين فيها وانتي ماخذه فكره عنها من جميع النواحي المعيشيه والسكن والدراسه .. لان هذه دراستك المعهد ماراح بيهمه دراستك اذا استمريتي او لا كل اللي يهمه الدراهم وبس .. هذا مستقبل موب طلعه بر طقها والحقها

معليش الوزارة حاطه مده سنه وحده دراسه لغه في المعهد , وعلى اي اساس المعهد يزيد المده ؟
ولمعلوميتك المعهد هذا موقف حاليا من الملحقيه بسبب شكاوي الطلاب والتكدس اللي ماقصورا مكاتب القبول كدسوا لين قالوا امين على حساب الطلاب واكلوها على روسهم

معليش توني انتبه هالسطر

ولد عمي مدرس لغه انجليزية في الخرج وسافر يدرس في تخصص لغويات وراح في نفس المعهد مع اخوي
وحطوه في المستوى الثالث من البجاحه وهو يعرف يتكلم انقلش .... وجلس تقريبا 9 شهور وهو لازال في نفس المستوى في هالمعهد وكل ماامتحن رسبوه

سوى نقل لولايه ثانيه ومعهد ثاني وتوفق
بس تخيلي 9 شهور على مستوى واحد !!

صدقي او لاتصدقي

السلام عليكم انا رايح انشاءالله في 22/12/2010م اركانسس في جونسبورو والمدينه ماهي كبيره واماكن السياحه والتجوال فيها محدود فيها تقريبا 300 سعودي والسكن سعره 445 دولار في مجمع سكني والغرف مزدوجه ليس بعيد عن الجامعه ولا يوجد عوائل لسكن معها الاقليل الاجواء فيها بارده في هذا الوقت والمعهد حلو وهذه المعلومات من صديق لي متواجد هناك هذا ابرز ما لدي الان ونعدكم بالمزيد

http://www.mbt3th.us/vb/forum39/thread220749.html

بالتوفيق..

جامعة ولاية اركانسس وهي من الجامعات القوية في أركانسس..
Arkansas State University - Jonesboro | Home of the ASU Red Wolves

وهذا تصنيفها..
Arkansas State University--Jonesboro - Best College - Education - US News

وهذا تصنيف باقي الجامعات في نفس الولاية..
Advanced Search - Best Colleges - Education - US News




شوفي الجامعات الأفضل في أمريكا وتقدرين بنفسك تجبين قبول لها مو محتاجة مكاتب مرة الموضوع سهل .. وبعدها خبري الوزارة أنه تبغي تغيري المعهد لأنه مستواه ضعيف .. وأنا سمعت أنه كثير ناس حولوا لجامعات ومعاهد إللي يبغونها..

بالتوفيق..

انا مو على حسابي
انا تبع بعثة الملك عبدالله علشان كذا انا قلتلك مااقدر اختار اي شي لان المكتب هو اللي يسوي كل شي
والله يكتب اللي فيه الخير

اهلين محاسب قادم
بسألك انت بتدرس محاسبه ماجستير ولا بكالوريوس؟؟؟
انا انشالله جايه على شهر مارس
في نفس معهدك
بس انشالله يكون المعهد كويس مو على كلام الاخوان والله خوفوني الله يستر بس

اهلين اخوي احمد
اي انا انقبلت بالمعهد تبع الجامعه الاساسيه في اركانساس اللي هي جامعة ولاية اركانساس
والله يوفق

اخت سوسو
قصتي باختصار:
أنا جاني قبول بهذه الجامعة تبع ابتعاث الملك عبدالله الله يرجعه لنا بالف سلامة..
والدراسة تبدأ في مارس..

فالبداية كنت مبسووووط لأن أخيرا جا قبولي من مكتب تجسير (طويل العمر) الي نقع ثلاث أرباع الخلق معاه
لكن لمن قريت عن مدينة جونسبورو ( الي فيها قبولي ) تحطمت جدا
كاتبين عنها مواضيع خلتني افكر أطلب نقل
ولكن!!!!!!!!
بدأت ابحث بجدية عن المكان والجامعة
واتصلت على شباب قدرت اوصلهم هناك
واكتشفت
أن مشكلتها الوحيدة.... كونها هادئة وخلوها من الأماكن السياحية
وتعرفي ربعنا (((يبغون يفلوها بأي طريقة )))
بالمقابل
فيها أمان صعب تلقيه بولايات أمريكية ثانية
واذا كان ع الطفش
راس مالها اربعين ميل تكوني بولاية ممفيس((ولاية سياحية نوعا ما))
وتتمتع جونسبورو أو اركانساس بشكل عام بطبيعة جميلة
والشخص الي اعرفه قال ان المعهد نوعا ما شديد لكن كويس
والجامعة ممتازة وليست من الجامعات الشديدة جدا ((بالعربي جامعة سهالات))
اولا واخيرا انا استخرت الحمدلله
وواثق من خيرة واختيار ربي لي
والي يبي ينبسط مو فارقة معاه ولاية هادية ولا ميتة
بينبسط باسلوبه المناسب

والله يكتب لنا الي فيه الخير جميعا...

ياهلا ومرحبا بالطلاب الجدد اخوكم طالب بنفس الولايه باركانسس جونسبورو

ما ادري وش اقولكم الحقيقه انا متفاجئ من كلامكم كل انسان وقناعاته بس الولايه سيئه دراسيا ومعنويا عن نفسي بصراحه ما حسيت ولا لحظه اني بأمريكا تحس انك بحي من احياء السعوديه ديره كلها سعودين اكثر من الامريكان مواصلات سيئه مافيها اي نوع من انواع الترفيه واللي يقول ممفيس والله الطالب مو فاضي كل ويك اند يطمر لها تبعد ساعه وربع واللي توه جاي ماعنده سياره وش يسوي يشق ثيابه
ياناس انتم جايين دراسه اوكي بس مومعناته تجي لمدينه مافيها ولاشي ماراح تتقدم ولا تتطور ولا تستفيد شي تحتاج تكون بمكان كبيره تمارس اللغه وتندمج مع شعبها

ولكل انسان و قنااعااته قلنا قبل مدينه دراسيه خرط فاضي تجي وتكره نفسك كلاس سعودي 100% والخيار لكم انتم

ممكن تكون مناسبه لطالب تجاوز اللغه فقط ما اقول غير الله يوفقكم وانتبهوا زين