مشكلتي انا والغاليه ( امي ) <<< ابي حل

الله يحفظكم لبعض
ويوفقكم

ويرزقك الزوجة والذرية الصالحة


يالله
موضوعك تقشعر له الأبدان
وتذرف له الدموع


حاول بقدر المستطاع تجعلها سعيدة
وأوعدها أنك راح تكون قريب منها


ياشيخ والله إنك رجعتنا للحظات الفراق

علمهم إنك ماراح توادعهم .. لأن لحظة الوداع صعبة جدا جدا

وإذا جاء موعد سفرتك خلك جاهز وانسل من غير لا أحد يدري عنك

وأول ما توصل بالسلامة اتصل بهم مكالمة صوت وصورة وسو جو فرائحي إنك وصلت

وإنك مبسووط وإن الأمور سهالات و فلة و وناسة



أما اسلوب الاقناع (العقلي) فهذا ماراح يأثر لأن (عاطفة) الوالدة مسيطرة عليها وهذا طبيعي
أكثر من ذكر إنك مستانس و مبسووط وراح تتحقق أحلامك وأنك راح تسوي كذا وكذا
و(حسسها) إنك من أجلهم رايح لأمريكا تدرس .

أما من ناحية الاقناع فأعتقد إن والدتك مقتنعة وراضية لكن هذي دموع الفراق وهم الفراق مسيطر عليها أو شدة خوفها عليك المهم أنها (مجرد مشاعر)
والدليل إن الوالدة لا تستطيع توصيف حجم المعاناة اللي راح تواجهها أنت في أمريكا.

المهم حسسهم إنهم ما راح يفقدونك خصوصا مع التقنية الحديثة ، وتواصل معهم دااائما خصوصا اول ما توصل بالسلامة عن طريق المكالمات المرئية
بالماسنجر او غيره من التقنيات وحسسها إنك مبسووووووووووووط من السفروالدراسة حتى لو كنت غير ذلك

أمك شايلة هم (فراقك+معاناتك بالغربة) ،، اقض على هم الفراق بالتواصل والمعاناة بكثرة حديثك إنك مبسووط


أما لحظة الوداع فمن الآن سرب معلومات عن نفسك بصورة غير مباشرة إنك ما تحب الوداع واللحظات الحزينة
صدقني مب عقوق بالعكس يمكن ما تجعل الحزن يسيطر على والدتك



كلنا كذا راح نعاني ،، وهذا اللي بأسويه بإذن الله
(ما راح أوادعهم لأن لحظة الوداع صعبة)

اخوي ماعليش

اذا الوالدة مو راضية انك تروح اترك السفرة لله واجلس عندها والله ياربي ماراح يخذلك لو مهما كان

واذا الوالدة راضية انك تروح فما راح اقول لك راح تنسي او تتعود مع الوقت لكن الله راح يصبرها اذا الله اراد


موفق يالغلا والله يكتب اللي فيه الخير لنا ولكم وللمسلمين

والله ماألومها تدري ليش؟؟

أنا عندي الوالدة يوم تخرجت من الثانوية أنقبلت بالشرقية أدرس في أرامكو ويوم مشيت للشرقية بعد 100 كيلو تدق على خالتي تقول امك قالبه الدنيا بكاء وحزن والله بغيت ارجع بس الحمد لله كلمتها وهديتها ومشت الامور على خير فمابالك انت بتروح أمريكا!!!

عموما..انت وأسلوبك حاول انك تفرحها وتنسيها وقلها انا رايح ارفع رأسك واعزك بين الناس والعرب ومنهالكلام هذا راح تهدا إن شاء الله ...اما سالفة انك تطلع وهي ماتدري فماأنصجك فيها بالمرة

كثير امهات يتضايقون ويبكون وهذا شي جدا طبيعي

انت توكل ورح وقبل لاتروح بوس راسها ورجليها وحاول انك تكلمها بصفة دورية وعندها راح تهدى مع الوقت واهم شي هالشي مايأثر على دراستك

وفي الاجازات الطويلة تعال للسعودية يعني لاتقطع اكثر من سنة

انا عندي نفس همك لكن الله كريم

الله يخليلنا امهاتنا ويحفظهم

هذي ثاني مره اسافر فيها امريكا بس والله وداع الام شي غير طبيعي
وانا طالع تقولي ياوليدي بفقدك وتبكي ع صدري

والله اقشعر بدني ودمعت عيني
اخوي
انصحك تروح عندها وتقول خلاص انا مب رايح كله لرضاك
وترى ولدك بيقعد جنبك عاطل باطل لادراسه ولاوظيفه
والناس بيطلعون ويرجعون بالشهادات الكبيرة ويتوظفون وانا بالبيت معك
ومن هالكلام وهي بنفسها بتقولك سافر الله يستر عليك
ونصيحة مهمه لاتروح من غير ماتودعها لانك بتحرق قلبها اكثر
والله يوفقك اخوي ويكتب لك اللي فيه خير وصلاح لك......

الله يصبرها ويصبر امهاتنا