بعثة أو وظيفة بـ23000

قوووووووووووويه !

يعني تبيني اصدق ان جايك عرض بـ 23000 ريال سعودي و أنت تخصصك صحافة يا شيخ كثر منهااااا ولا دراستكم بالعربي يا سلاااااام و 4 سنوااات بعد !!

مدري تبي تلفت الانتباه و لا تبي أحد يعطيك وجه ولا وش المطلوب .. نخلي النوايا لرب النوايااا ..

يا ابووووووووو

أنا دارس 5 سنوات و بلغة انجليزية و تخصصي هندسة و اعلى عرض جاني 11500 ريال ...

والأول على الدفعة اشتغل معيد في الكلية راتبه تقريباً 6 الاف ..

و واحد من اخوياي صحفي يبترم ليل نهار يدور على وظيفة ما حصل ...

تدري أستاذ دكتور في قسم الهندسة أول ما يتعين كم يستلم ؟

استاذ مساعد يستلم 11100
واستاذ مشارك 13980
واستـــــــــاذ 16015 " برفيسور "

يا شيخ اطلق طبيب اللي هو طبيب استشاري راتبه 13000 بداية تعيينه و تحصل شعره ابيض هذا إذا ماهوب اقرع من كثر العلم .

يا شيخ خلنا نقول ان معك شهادة دكتورا في الهندسة و توك متعين في اكبر شركة في السعودية اللي هي شركة سابك تدري كم راتبك أول مربوط ؟

راح تتعين على المرتبة C12 في شركة ساااااااااااابك و راتبك 14 الف ريال ..

أنت يا العبقري يا الولد الفلته اللي ما لقوا إلا هالصحفي يعطونك راتب 23 الف ولااااااا محتار الولد العبقري يروح ياخذ بعثة ولا يستسلم امام العرض ..

المشكلة تدري مو فيك المشكله في الناس الفدغ اللي يصدقون اشكالك و لا يقولون ماا شاء الله عشان ما يحسدونك ..

ابوكم شعب ..

استغفر الله العظيم بس ..

سلالم الرواتب في وزارة الخدمة المدنية ظˆط²ط§ط±ط© ط§ظ„ط®ط¯ظ…ط© ط§ظ„ظ…ط¯ظ†ظٹط© - ط³ظ„ط§ظ„ظ… ط§ظ„ط±ظˆط§طھط¨