بخصوص الفلوس وش السواه !!

آب آب

ياليت شرح آوضح !

تقدر تروح بنك الرياض او الاهلي او الراحجي وتطلب فيزا مسبقه الدفع هذي وضعها انها كانها بطاقه سوا تشحنها مثلا بالف تقدر تستخدم الالف وين ماكان بس ياخذو عملوله بسيطه جدا بس انتبه تسحب كاش لانا العموله شويه كبيره
فتقدر تظع المبلغ كامل فيه وخلاص ترتاح ماتحتاج تشيل كاش خصوصا انا جميع الاماكن في امريكا على علمي تقبل الماستر كارد والفيزا
اوا الطريقه الثانيه انك تطلع لك شيكات سياحيه من اي مكتب سفريات بالمبلغ واول ماتوصل امريكا تروح نتفتح بنك وتصرف الشيكات في البنك وتودعهم في حسابك الجديد
بالتوفيق اخوي وادعيلي بس تطلع فيزيتي

السلام عليكم

فيه طريقة فكر اسويها وهي تصدر شيكات عن طريق سامبا باسمك .. نفس ماهو بالجواز
وبامريكا تحسبها من هناك عن طريق السيتي بنك وتفتح حساب وتودعها ..

فيه حل ما أدري هل فيه أحد جربه أنا ما قد جربته بس على بالي

إنك تفتح حساب في أمريكا ويحولون لك المبلغ عن طريق إنجاز أوفر لك وعموله أقل

الفيزا مسبقة الدفع يأخذوا عموله 2% من أي عملية شراء وصعب إنك تحط فيها مبلغ كبير

وإذا سحب نقدي بتكون عمولتهم مره عاليه

الطريقة بسيطة جدا لا تشيل هم

خلي بيدك مصروف جيبك و انا افضل تاخذ بيدك 1000 دولار و خذها من محلات الصرافة تطلع عليك ارخص بدل ما تاخذها من البنك و ترا فرق الهللات يفرق لو كان المبالغ كبيرة ..

و روح البنك الاهلي و اطلب من عندهم فيزة مسبقة دفع ، القيمة السنوية لها 100 ريال فقط ، ولا توجد اي رسوم اضافية او اي شي اخر ، توصلك من اسبوع الي 10 ايام على بريدك او تقدر تطلبها على فيديكس او DHL ( في البنك بيقولوا لك ) ولكن تدفع زياده لانها بتوصل بسرعة مع هل شركتين .
روح اودع فيها عن طريق البنك ( اذا ماكان عندك حساب في الاهلي ) مبلغ الايجار و الاكل و الشرب مثل ما تبي
او اذا عندك حساب فقط اودع الفلوس عن طريق الصراف و حول الفلوس من الصراف الي هذه البطاقة

ميزة هذه البطاقة انك ممكن تسدد فيها قيمة المطعم او قيمة المشتريات و حتي تسحب فيها من الصرافات الامريكية ( تسحب دولار ) .

لكن خليك حذر جدا و تعامل بذكاء معاها :
1 - البنك لما تجي تسحب من الصرافات الامريكية دولار امريكي ، فالبنك يحسب عليك الدولار بـ 3.80 او 3.88 للدولار الواحد ، بينما سعر الدولار في محلات الصرافة 3.79 او 3.78 ريال للدولار ( و مثل ما قلت لك لا تستهين بفرق الهللات )
2 - على كل عملية بياخذ عليك البنك 20 ريال فقط .

و الحل بسيط جدا :
حط الفلوس بالبطاقة و طير على امريكا ، و لما توصل لولايتك ، افتح حساب في بنك اسمه BANK OF AMERICA هذا افضل بنك يتعاملوا معاه الطلاب ، و بعد فتح الحساب ، اسحب الفلوس كلها الي في البطاقة ، و بقلعتة البنك خلية ياخذ 20 ريال ، بس اهم شي اسحب الفلوس و اودعها في الحساب الامريكي الجديد .. و الحمد لله انتهى الموضوع !

و ارخص طريقة للتحويل ( مجربة لما كان اخوي ببريطانيا )
مثل ما قلت لك انه سعر الدولار يختلف مابين محلات الصرافة ( مثلا الي موجوده بشارع قابل - البلد - جدة ) تقدر تروح لهم و و تصرف بـ 3.75 او 3.78 ريال للدولار الواحد ، اما في البنك فهو بيبيع لك الدولار بـ 3.80 او 3.88 ريال للدولار الواحد .
فإنت خذ الدولارات من محلات الصرافة ، ثم طير على البنك الفرنسي و افتح حساب فيه ، وقول لهم ابغى اودع دولارات فيه ، لان البنك الاهلي و الراجحي ما يودعوا لك دولارات لو تنقز مكانك ، المهم ، بعد فتح الحساب خلي اخوك مثلا الي حول الفلوس يودعها في البنك ثم يحولها لك .

الفائدة من هل طريقة :
ان البنك مثل ما قلت لك بياخذ عليك 3.88 ريال للدولار الواحد ، يعني لو تبي 1000 دولار راح تدفع 3380 ريال ، لكن لما تروح المحلات و تاخذ الدولار بـ 3.75 بيطلع عليك الـ 1000 = 3750 ريال .
و الفكرة ان البنك ياخذ فايدة على التحويل ( البنك الي بالسعودية و البنك الي في امريكا ) و الفرق 3750 - 3880 = 130 ريال ، هذه حولها للدولار ، فمثلا لو البنك ياخذ 15 دولار نسبة تحويل ، انت حول 57 ريال و روح اعطية للبنك ، يصير برضه انت المستفيد من القيمة ، يعني بدل ما تحول و تخسر 3880 ريال يصير بتخسر 3807 ... يعني انت حطيت بجيبك 73 ريال .. و اضن تقدر تحولها برضة لدولارات و تستفيد منها انت في الغربة .


.................

اتمنى يكون الشرح وصل ، لكن بأمانة ربنا ، انا ما جربت احول دولارات ، لكن الي متأكد منه اني كنت احول لاخوي بالباوند البريطاني ، لانه اخر ايام اخوي لما كان ببريطانيا ارتفع سعر الباوند ووصل في البنوك لـ 6.10 ريال للباوند البريطاني الواحد ، انا كنت اختصر الموضوع و احول المبلغ من محلات الصرافة ( افرهم كلهم و اخذ افضل سعر ) و في النهاية اشتري الباوند لاخوي بـ 5.80 ريال لكل باوند !
انا كل شهر كنت احول له 500 باوند ، يعني على الكلام الي فوق لو اخذت من البنك الباوند راح ادفع 3050 ريال لـ 500 باوند ، لكن لما اشتريها من المحلات كنت ادفع للـ 500 باوند 2900 ريال فقط .. يبغى 150 ريال برضة احولها له علشان اعطي منها 12 باوند للبنك .


ملاحظة مهمة : فوق السعر الخنفشاري الي باخذة منك البنك ، كمان بياخذ منك مبلغ التحويل ، فهذه الطريقة اوفر ( اذا كان فكرة الباوندات نفس فكرة الدولارات )