الانضمام للبعثة امر حيرني

شوف يا اخي ...

الابتعاث بيد الله قبل اي شي ، بالنسبة لبعض الاشخاص الي ماجاتهم البعثة فهو واحد من 4 امور : 1 - ملفة ناقص .. 2 - دراستة من سيئ الي اسوء .. 3 - ضاع ملفة و هو اصلا مو سائل عنه ... 4 - راح امريكا ( او اي دولة ) بدون قبول الجامعه و بعدها جلس يدور على القبولات هناك وهذا لاي اخر التحاقة

تجنب هذه كلها و صدقني بتلتحق ( بإذن الله قبل كل شي ) لو تخصصك تنجيم و سحر ( اسف في هذه الكلمة ) لكن لا تقول بروح و الامور سهالات ترا تورطوا قبلك كثير وغلطوا اكثر .

الاتحاق من واقع اصحابي الدارسين على حسابهم و المواضيع في المنتدى ( بإذن الله ) مدتة دائما محصورة مابين اسوعين الي 3 اشهر ، و اذا زاد عن كذا في بعض المواضيع ، تحصل صاحبها اما جاب قبول جامعه غير معترف فيها او عنده مشاكل في الدراسة ، وبالتالي رفضوا يضموه للبعثة عند اجتماع اللجان في الرياض .

و امر الاتحاق سهل جدا ، وفر قبولاتك و طير على امريكا ، و بالعامية ( ابلع العافية ) و خلي الوطوطة و الصرفدة مع الاجانب و المبتعثين السعودين ، و اهتم بدراستك و خلك مواضيب ، لان مشرفك كل فتره و فتره بيسأل عنك ( و اعتقد ) انه يطلب منك كطالب دارس على حسابك انك ترسل له التقارير عن حالتك في المعهد ، و بعدها يتم بيرسلوا ملفك للرياض ثم ينعرض على اللجنة و يكون واضح سلوكك في المعهد و دراستك و غيره ، ثم بتصحى الصباح تحصل رسالة على الايميل فيها :

مبروك اضمامك للبعثة ..

و الحمد لله


و كلمة اخيرة
يا عزيزي انت طالع تدرس ماجستير ، حظ اصحاب الماجستير اوفر من اصحاب البكلريوس في امريكا ، لاحظ امريكا امتلت من اصحاب البكلريوس ، علشان كذا الانظار متجة لاصحاب الماجستير و الدكتوراه في جميع التخصصات .