ساعدوني معلم مرافق لزوجتة المبتعثة

أسئلة مهمة !!

تستحق التفاعل

لا ماتقطع البعثه عليك انت مبتعث وهي مرافقه ...

وانا بالخدمه يازميل المهنه ...

يعطيك العافيه اخوي ـ الماء البارد

بس عندي اسئله :
ما ادري بس سمعت ان المرافق اذا يبي يدرس بعدين يطلع شهادة بنكيه ستين الف واكثر قبل السفر ؟ هذا يسمونه ضمان مالي هل الملحقيه تعطيني الضمان المالي والا انا اطلعة لازم قبل ما اسافر ؟
انت مثلي يعني مرافق لزوجتك في اي دوله وانت الان تدرس والا باقي ما سافرت ؟؟
ابي اضمن اني اكمل دراستي فيه شك في الموضوع هذا يعني احتمال كبير ما اقدر ادرس او فيه فرصه كبيرة اني ادرس ؟

[/B] .... الله يعافيك

ما ادري بس سمعت ان المرافق اذا يبي يدرس بعدين يطلع شهادة بنكيه ستين الف واكثر قبل السفر ؟ هذا يسمونه ضمان مالي هل الملحقيه تعطيني الضمان المالي والا انا اطلعة لازم قبل ما اسافر ؟ حبيبي الضمان المالي يعطونك اياه انت وزوجتك اول ماتوصل وتسلمه للمعهد ... بعدين ان شاء الله اذا ضموك الى البعثه يعطونك لتقديمه الى الجامعه اذا قبلوك ...
انت مثلي يعني مرافق لزوجتك في اي دوله وانت الان تدرس والا باقي ما سافرت ؟؟ .. انا باقي لي 20 يوم فقط واسافر بإذن الله تعالى ..... الى امريكا
ابي اضمن اني اكمل دراستي فيه شك في الموضوع هذا يعني احتمال كبير ما اقدر ادرس او فيه فرصه كبيرة اني ادرس ؟ لا ... ان شاء الله بتدرس وبتشبع دراسه وبتنبسط وتتمشى .. ريح راسك الاموووووووووووور سهالات لا تعقدهااااااااااااا ابدا .. ولا توسوس .. ترا في المنتدى عالم موسوسه لدرجه خلوووووني اخذ شهادة الثانويه معاي لإستخراج قرار الابتعاث وماباقي الا صك البيت اخذه معي ... قهرررررر

[/QUOTE]

انا لي بعض النصائح قد تفيدك بما انك معلم وسترافق زوجتك
انصحك تحصل على قبول وتجيب من عملك اجازة دراسية بدل من اجازة استثنائية كلاهما بدون راتب بس الدراسية تحسب لك خدمة وترجع تلقى راتبك مثل زملائك ومن اهم شروطها انك تكون جايب قبول الماستر من قبل ماتطلع
بخصوص الدراسة كمرافق للغة وللماستر او البكالوريس لايوجد اي شروط اول ماتوصل للملحقية اذا كان معاك قبول اللغة يعطونك الضمان المالي اما اذا كنت لسه حتجيبه فيخلونك لاجبته وارسلته عليهم يعطونك ضمان مالي
اذا انتهيت من فترة اللغة تجيب قبول ماستر غير مشروط ويعطونك ضمان مالي جديد تستكمل دراستك عادي
في كل الحالات انت لست طالب مبتعث
انت مرافق مبتعث مالك الا مكافأة مرافق
اذا انتهت زوجتك وانت ماانتهيت
للاسف لازم تسوي شي اسمه فصل بعثة
فصل البعثة مايحق لك تسويه الا اذا انهيت 75% من دراستك
نصيحتي لك تخلي زوجتك تبدا من ادنى مستويات اللغة حتى لو كان مستواها اعلى علشان تطول في دراسة اللغة وانت تمشي اسرع منها وبكذا يصير ممكن تستثمر الوقت افضل
بخصوص الفيزة اذا نت مخطط تدرس بالجامعه لازم تجيب قبول لغة من السعودية علشان تقدمه للسفارة وتاخذ فيزة دراسية وليست فيزة مرافق لانها تفرق في ساعات الدراسة الي مسموح لك فيها

السلام عليكم

يا اخوان بما انكم معلمين انا راح افتح موضوع في قسم المرافقين خاص بالمعلمين الرجاء التوجه الى هذا القسم لنتناقش ونستفيد من بعض

انا مرافق مع زوجتي من المرحلة الخامسة

كفيت ووفيت أخوي الماء البارد


ولكن تعليقي على آخر سؤال

فعلا لو أنهت زوجتك دراستها فإنه يتم إنهاء بعثتك إلا إذا إنك قد إجتزت 75% من دراستك قيتم إبقاءك

ايه والله افتحوا لنا قسم للمعلمين عشان نستفيد من بعض ............... ودمتم

بامكان المرافق ان يكون مبتعث ويصرف له راتب مبتعث