استفسار ايش الاغراض الي يحتاجهاا الطالب في امريكاا الكل يدخل

شوف اخوي ابي اختصر عليك
اول شي خذ اهم شيء معاك رفيق درب كل مسلم 00القران الكريم00
انا اقدم لك رأيي فقط ولك حرية الاختيار
اذا انت رايح لولاية كلها ثلوج وبرررد خذ معاك شوي ملابس من هنا واذا ودك تشتري ملابس من امريكا تراها غالي نوعا ما لكن احسن شي فيها انها ذات جودة يعني جاكيت ماعنده مشكل تستخدم ثلاث مواسم واذا واذا ودك تاخذ من السعودية افضل لك
وغير كذا خذ شوي صيفي معاك واذا انت رجال راعي كيف قهوتك وتمرك جبهن من الديرة بس} ولاتنسى الدلة اهم شي.
والمأكولات لازم يكون مغلف تغليف مصنعي وعليه تاريخ انتهاء وهنا هيل عندهم واي شي اخر لكن القهوة والتمر هن المشكلة
وغير كذا لاتنسى تأخذ من الكتب الدينية والاذكار والزي السعودي اهم شي لاتنساه وكمبيوترك خل البرامج اللي فيه اصلية لانهم "احيانا"
طنخات يفتشون.
ولاتنسى تفعل رقم جوالك من جهاز الصراف علشان ماتوهق زيي واذا معاك جوالات الكشاف وشلته تراهن مايشتغلن بامريكا
وجب معاك جوال فيه كيبورد عربي اهم شي
هذا الي حاضرني الحين اذا تذكرت شي رجعت لك
وبالتوفيق وتجي بالسلامة

مافهمت نقطة تفعل جوالك من جهاز الصراف؟؟؟؟؟؟؟؟

بالنسبة للملابس اخوي ما انصحك تكثر منها لان الاسعار مو بعيدة عن السعودية

والخامات هنا افضل من السعودية بكثير واذا انت في اماكن باردة فراح اقول لك الملابس حقتنا في السعودية ما تخارج في الاماكن الباردة عندهم

والله كلاام صحيح لازم تفعل جوالك من بطاقة الصراف
هذا الشي بلشت انا فيه وانا هنا وكثير من الشباب بعد بلشوا في هالهرجة
والمقصود
انك وانت في امريكا ماتقدر تستخدم حسابك اون لاين
اذا كنت مانت مدخل رقم جوالك في بطاقة الصراف
يعني تروح لاقرب صرافة بالسعودية وتدخل رقم جوالك
وراح يجيك رقم سري برسالة الرقم السري هذا تحتاجة اكيد اذا انت بتستخدم حسابك المصرفي اون لاين
طبعا هالشي ماتقدر تسوية وانت بامريكا لان لازم تسوية من خلال صرافات البنك نفسة

وبعد لاتنسة دكشنري اكسفورد وكم كتاب تعليم لغة انجليزية قرامر عشان تستفيد
من المعلومات اللي فيه خلال دراستك
وبالتوفيق

لا تاخذ شي كل شي هنا موجود ^_^

خذلك كم ملابس وخلاص

لا ياخي موب كل شي موجود .. لا تتوهق !

هي تعتمد عليك كشخص, هل عادي عندك تستغني عن اشياء كثيرة وتتأقلم مع حياة الأمريكان والاغراض اللي يستخدمونهن أو انك تقول لا ابي استخدم اغراضي وحاجياتي اللي متعود عليهن

طبعاً قد يكون فيه اشياء متوفرة بولاية وبمكان آخر لا ..

أعطيك مثال ..

لو تروح لم شيكاغو راح تلقى حاجات كثيرة لانه فيه جاليات عربية هناك وفيه محلات ومطاعم عربية

لكن هل انت تبي تروح كل فترة لم شيكاغو ؟

وبيني وبينك خذ لك ملابس شتوية من السعودية أحسن لك .. لأنه الملابس الزينة بأمريكا غالية مرة

وأفضل انك تشتري جزمه وانت بكرامه من أمريكا علشان تكون مضادة للإنزلاق بالثلج ( اذا كنت رايح لولاية فيها ثلوج )

ولا تنسى تجيب معاك فيش الكهرب اللي يحول من مدخل السعودية لامريكا اذا كنت جايب معك شاحن من السعودية والشاحن حق كاميرا الفيديو .. تلقاه عند ساكو

القهوة والتمر لا تنساهن ..

وطبعاً خل معك القرآن و حصن المسلم

ولا تنسى تاخذ اوراقك الرسمية كلها واي شي ممكن تحتاجه

وجدد رخصة القيادة من السعودية اذا كانت رخصتك القديمة ( اللي مكتوبة باليد )

لا تنسى ساعة الفجر اللي تنبهك للصلاة
وسجادة ببوصلة لتحديد القبلة

انا كل شي جبته معاي من قدر ضغط وقهوه وتمر كل شي ملابس فروه تصدقون كل شي برسلها قبل لا سافر بكم أسبوع على واحد من الشباب في اوهايو

ممكن توضحوا طريقة تفعيل الجوال من بطاقة الصراف
واللي يتفعل الحساب اللي عندي في السعودية ولا كيف

مره مني فاهم