حوار السكن مع عائلة

ياهلا والله ,, ومرحباً بك في امريكأ : )
بالنسبه لسعر الايجآر فهو يتفاوت على حسب الولايه ,, وزي ماهو معروف تقريباً كاليفورنيا هي اغلى الولايات من ناحيه السكن والمعيشه
لكن تقريباً معدل الايجار بالشهر من 650 الى 800 دولار وتقدر تضيف وجبتين باليوم ( فطور - عشاء ) , وطبعاً السعر من غير الديبازت الي هو التامين وعآدةً 200 دولار اول مره .!!
وبالنسبه للحجز فعندك حلين ,, اما تكلم المعهد يدور لك عايله او اذا وصلت تدور بنفسك ويدلونك السعوديين بديرتك ,!!
لكن الافضل انك تكلم المعهد يدور لك وحده حلوه وقريبه ومناسبه لك ,, لكن حآول باقصى حد انك تفتح مجال شرط ( الحيوانات ) لانهم يتعاملون معهم بشكل كبير , واذا رفضت هالخيار راح تقلل من ميزات العوايل ,!!
بالنسبه للخصوصيه فهي غرفه بدولابها ومكتبها وعاده وانت بكرامه دوره مياه مشتركه ,, وبعض الاحيان يوفرون لك تلفزيون .!!

والله يسهل امور الجميع

رد جميل
لكن بغيت استفسر كم من الوقت يكفي لكي انهي الاجرائات تبع الحجز اذا كانت عن طريق المعهد

^
^

المعهد ما ياخذ وقت
ممكن يكلمهم لك اليوم وتسكن عندهم بكره
بس انتبه كم ياخذون منك المعهد فائده
معهدنا ياخذ حوالي 500 دولار فائده للسكن مع عائله تخيل
عشان كذا تفاهم مع العائله بنفسك أحسن
وتراهم كويسين والتفاهم معهم جدا سهل

المعهد الي انا فيه يوفر لك خدمة البحث عن عائلة بدون اي رسوم،ويمديك تمارس عباداتك بغرفتك الخاصة بكل اريحية.

الايجار الشهري:500 دولار،معي واحد ياباني،بس لك واحد غرفة خاصة،و دورة المياه مشتركة.

الغرفة تتكون من دولاب داخلي،سرير،مكتب،.

توفر لك العائلة التوصيل من وإلى المعهد.

توفر لك العائلة وجبتي الفطور والعشاء.طبعا ً الفطور بالعادة يكون كورن فليكس وحليب .

يوجد خدمة الواي فاي بالبيت.

وزي ما ذكر اخوي وليد لازم توافق على شرط الحيوانات ولا ما راح تلقى عائلة،ام العائلة الي انا عندها تحب كلبها بشكل ما تتصوره،تحطه له العشا قبلنا،واذا ما جا على العشا تقوم تشيله بنفسها.فلو انا رفضت الكلاب كان ما وافقت اني اسكن حتى اذكر انهم خلوني اوقع على ورقة فيها 10 شروط واول واحد فيها انك تعامل كلاب العائلة كافراد من العائلة.

بس طبعاً لك الحق ان الكلب ما يدخل غرفتك وهذا الي انا اسويه ولا المسه،علشان الصلاة.

طبعا ً انت تقوم بغسل اطباقك الخاصة بعد تناول الوجبات،وانت تقوم بغسيل ملابسك.