كيف اسوي وكاله شرعيه

اهلا اختي...
بالنسبة لأخوي المبتعث, رحت انا واياه لكتابة عدل الدمام اخذنا رقم للشباك
جاء دورنا اعطيناه هوية اخوي وهوية الشهود...سوينا وكالة عامة للوالد على اللي طلبناه...
راحت للشيخ ختمها ... وصلى الله وبارك.

لكن كونك أنثى ممكن لازم يكون معك محرمك واذا ماعندك بطاقة احوال دفتر العايلة الأصل والشهود (2)
اتمنى افدتك اختي.

الله يجزاك خير اخوي بس عندي سؤال لازم انا اجيب الشهود ولا عادي لو لقيت شهود بالمحكمه!!!!

بما انك انثى فالشهود لازم يكونون ( معٌرفين ) يعني يعرفونك عشان يشهدون بإنك انتي الموكلة مو وحده غيرك . روحي لاقرب كتابه عدل ومعك محرمك واحد ثاني - عم - خال - اخ - جد او او اي قريب هو محرم لك أساسا
الامر سهل بالتوفيق لك .

انا طلعت وكالة شرعيه كذلك للوالد من محكمة الخبر

وبما انه في انواع كثيره من الوكالات .... انصحك بـ "وكالة عامه" فقط

وفيها تقدري تخلي الموكل له انه يراجع عنك في :
1- الجامعات ( في حال ضاعت شهاده او احتجتي توصية )
2- الدوائر الحكومية ( كالجوازات والمرور والشرطه والاحوال ... الخ) يجب ان تحددي الجهات التي قد تحتاجينها
3- البنوك ( استلام بطاقة منتهيه او تجديدها او تحويل او استلام مبلغ او طلب ضمان بنكي .... الخ ) يجب تحديدها
4- في حال طلبتي بيع/شراء ----------->> هنا يجب احضار شاهدين معك
5- شركات الطيران واصدار التذاكر
6- شركات الاتصالات ( موبايلي وزين والاتصالات) في حال ضاعت شريحتك او انفصلت
7- وزارة التعليم العالي ووزارة التجاره والجمارك .. في حال اضطريتي الى مراجعات خاصه بالبعثه
8- جميع ماسبق يكتفي حضورك مع محرمك فقط ماعدا رقم 4 فيجب شاهدين

بالتوفيق للجميع



ظافر الشهري
طالب دكتوراه

انا اشكركم على تعاونكم معي