هل حققت درجة التوفل او الايلتس المطلوبة في سنة ونصف

الله يكوون في عون الجميع حقيين الماستر اللي ماعندو لغه من اول الله يكوون في عونو اكثثثثثثر شي
وصحييح انو مدة اللغه سنه وحده بس ؟؟ ، طيب ،اللي حاب يمدد ٦ شهور كييف سهاله ولا مصعبينها
انا بعثتي بدات شهر 6-2010 بس الحمدالله انا في اخر ليفيل في الجامعه
و انشاء الله بختبر ايلس بعد اسبوعين لاول مره

خلصتها في 7 شهور...

طالع تي في كثير وافلام...راح تستفيد كثير...خاصة في الليسيننغ

بالتوفيق

انا نفسي افهم الي يقول افلام واغاني

ايش دخلها في التوفل

هذي تحسن الاستماع فقط التوفل مو بس ليسننق

حتى كمان نصها سب

ماهو كل من سمع اغاني وافلام ياخذ التوفل

اعطيكم مثال الاجانب الي عندنا في السعوديه سنه تلاقيهم يتكلموا ويفهموا

لكن دخلهم اختبار نحو او قدرات بالله راح يفهموا شي

الموضوع مو بس روح اسمع وتعدي

انا لي تقريبا سنه والى الان اخذ قرامر مدري متى النهايه

وياجماعه الي لغته كويسه في الاساس لايقول انا اخذتها في مدري كم

وبالذات طلاب البكالوريوس مايتقارنوا بالماجستير لانه كمان طالبين مننا جيمات مو بس توفل*

الافلام بتفيد كثير...وفادت ناس اعرفهم...

انا وحده لغتي كلها من افلام...مش من مدارس ولا غيره... والحمدلله عديت التوفل...
احنا مابنقول انها الطريقه الوحيده .. وكمان مابنقول انك لما بتشوف افلام راح تجيب التوفل...كل اللي نقوله انها طريقه تساعدك وتسهل لك شوي

بالتوفيق

افلام واغاني هذا لاصارت عندك الهواية من زمان وصار لك سنين تتابع فيها وجيت هنا راح يكون تطور بسلاسة يعني فعلا نشوف العيال الصغار حقين موضة الافلام والممثلين يتطورون بسرعة

بس وحده مالها بالافلام او الاغاني وجت تدرس ترى صعبة تقول روح شاهد افلام

الاخ محمد اقدر حجم معاناتك وانا تقريبا نفس حالاتك مالي بهالامور ولا تعجبني ولاهي من هوايتي اروح سينما حتى بالمعهد يشوفون فلم اسبوعيا انا ما تشدني نهائيا
لكن فيه مواقع استماع ممتازة مناسبة للكبار يكون فيها محادثات قصص قصيرة عرض برامج علمية اتصور هذي ممكن تفيد اكثر
لكن بجميع الحالات اشوف الوضع للكبار والمتأهلين خصوصا اكثر صعوبة و يحتاج الى سنتين عل الاقل

السلام عليكم:

أولاً: فيه ناس يقول لك نعم حققتها لأن شرطه في الأصل 5.5 أو حولها، وهذا ما يقاس عليه، الكلام على شرط 6.5 أو 7.0 وهذا هو الشيء الصعب خصوصاً لمن بدأها من الصفر. وغالباً أن أهل تخصصات العلوم النظرية خصوصاً اللغويات والترجمة ومثلهم القانون هذولا يتورطون في شروط عالية أحياناً كثيرة تكون 7.5 وأيضاً بعض التخصصات الطبية.

ثانياً: تراها تعتمد على حسك اللغوي، ليست مسألة مذاكرة أو سماع فحسب. فيه ناس تلقاه جيد في لغته العربية؛ لأن عنده ذكاء لغوي، وهذا غالباً يسهل عليه تعلم أي لغة لأن برمجة عقله لغوية، مثلها مثل الشخص الذي يكون فلتة في الرياضيات، لأن عنده ذكاء رياضياتي. فيه ناس أذكياء بس ينحاس في اللغة ويتعب تعب غير طبيعي، بل ويفقد الثقة في نفسه لأنه ليس لديه ذكاء لغوي. وفيه ناس مطنشة الدعوة لكن عقليته لغوية ولذلك تجده في مدة قصيرة يحصل على الدرجة وأنت تنظر بعين الاستغراب.

ثالثاً: البداية من الصفر تضيع عليك حماس تعلم اللغة، وتستهلك وقتك وجهدك كثير، فتمضي ستة إلى تسعة أشهر وبعدها تكون كونت الأساسيات وبدأت تفك الرموز وتأتي بعدها مرحلة تعلم اللغة المرحلة الحقيقية وتكون خلاص منهك وتعبان نفسياً في الوقت الذي في الأصل أنت بدأت وقتها تتعلم اللغة. في حين أن الشخص الذي يأتي ولديه أساسيات قوية يقطع مسافة أكبر في وقت أقصر ولا يتعب نفسياً ويستفيد من الشهور الأولى فلا يشعر بالملل. ومع هذا فالشخص الذي يتعلمها من الصفر في تصوري يكون أرسخ لغوياً وأقوى فتكون لغته أقرب للغة متكلميها بعكس الأشخاص اللي تعلموها في السعودية بالطريقة السعودية ويكون عندهم التركيب أشبه بالتركيب العربي في بناء الجمل.

رابعاً: بالنسبة لي نعم الحمد لله حققتها في وقت أعتبره أوكيه، وأبشركم بديت من حروف الهجاء يعلم الله أني ما عرفت أعبي الأبلكيشن في المعهد مع أنه بس بيانات اسم ومدري إيش ههههههههههههاي الله لا يعيدها ذكرى.

تحياتي،،،

يا جماعه ترا الموضوع شخصي

يعني كل شخص وله امكانيات معينه

في شباب اعرفهم جو مايعرفون حرف واحد و في خلال سنه ماشالله عليهم امورهم ماشيه ويبدون الجامعه الترم الجاي
المقصد مو انو خلاص قدره يعني مافتحو كتاب طبعا هم اجتهدو وشدو حيلهم

باخذ مثال علا نفسي انا ممكن اتعلم لغه او احفظ وماعندي مشكله ماشالله والحمدالله لكن ضعيف في مواد الرياضيات اللي فيها لوجك فهذي تسير فروقات شخصيه

انا خلصتها في مده قياسيه لكن ماودي اقول شي خصوصا بعد كلام الاخ محمد لانو معاه حق اللي عنده لغه من اولوضعه يعتبر مختلف

بالنسبه للاغاني مو كلها سب انا حضرت كلاسات كانت المدرسه تختار اغنيه لكل طالب ويروح يطلع الكلمات حقتها ويترجمها ويجي يتكلم عنها واش فهم منها
طبعا انا ما احلل ولا احرم عشان لا اخذ ذنب احد ونفس الشي ينطبق للتلفزيون وغيره


عموما بالتوفيق للجميع

يااااااااارب. ساعدني. والله كلامكم خوفني. حرام عليكم. أمنيه حياتي أتكلم انقلش. وبعاني من ذا. الموضوع
أنا طالعه. ماستر بعد شهرين ولعغتي صفر. باايش تنصحوني. يااضحاب الخبره

يا اختي الموضوع مافيه شي يخوف

في ناس كثير بدت من الصفر المهم انو يكون في عندك رغبه للتعلم اللغه

العائله تخليك تنطلق بالسبيكنق فا مستحيل تتعلم لغه وانت ساكن مع ولد عمك او صديقك وهو سعودي