موعد دراسه و فضفضه و طلبات و اسئله و حوسه و لفلفات و اشياء كتيره !!؟

February 12th, 2011, 01:38 AM

اول شي بسم الله الرحمن الرحيم ..

انا ان شاء الله سفري يوم 2 مارس من جده للرياض و من الرياض على واشنطن حجلس 3 ايام في و اشنطن و يوم 4 مارس طالع لمدينة الدراسه شارلوت بجلس 3 ايام بفندق و اليوم ال 3 بروح عند العائله إلي حسكن عندها و يوم 7 مارس موعد دراستي بأذن الله ..

المهم و انا قبل ما اطلع حقسم عفشي على شنطتين متوسطه احتمال احتمال تكون 40 كيلو الشنطتين و باخذ شنطه في ظهري بحط فيها الاوراق المهمه و الاشياء الي حستخدمها ..

لمن حطلع من الرياض على واشنطن طبعن ما حجزت بسبب انو كل الناس تقول لا تحجز في فندق لمن تروح واشنطن لانو حتلاقي موظف الملحقيه و هوا حيوصلك الفندق و حتلتقي تخفيض و كل شي ..

نجي للاهم فا الاهم :

1- ايش الاوراق المطلوب اجيبها معايا من جده يعني من اتفه الاوراق لي اهم الاوراق مع العلم اني طال على حسابي !!؟

2- احتاج عنوان الفندق إلي تتعامل معاه الملحقيه و الارقام المهمه عشان لا سمح الله لا سمح الله لو سار شي و راح السواق ما اجلس في حوستي خصوصاً انو ثقافتي نرويجيه ههههه !!

3- بحكم اني حجلس 3 ايام في واشنطن ايش في اماكن البني ادم يروح يتمشى فيها !؟

4- لمن اجي اوصل مطار واشنطن سمعت انو لازم اعطيهم ال اي تونتي !؟ اعطيه لي مين بالزبط !؟ و هل اعطيهم حق الجامعه و حق المعهد !؟

4- فتح الحساب في بنك و شريحة الجوال من واشنطن ولا من المدينه إلي حدرس فيها يعني ايش الافضل !؟

5- كيف طريقة فتح الحساب عشان لا ينصب عليا " احتاج رد مجرب " !؟

6- كم سعر شريحة الجوال مع خدمة البلاك بيري !؟ و كيف نظامهم !؟

7- ايش تنصحوني اسكن في سكن معهد ولا مع عائله خصوصاً اني اول مره اتغرب !!

8- اهم شي كيف نظام الغسيل و الكوي لانو لو كان عليا عز الله ما سار عندي ملابس هههه !!

9- اعطوني نصائحكم يعني كل انسان يعطيني نصيحتو و تجربتو حتى لو كانت تافها جداً عشان استفيد و غيري يستفيد ..

10- كيف و ايش تنصحوني بطيقة التعامل مع المدرسين في المعهد و ايش افضل نصيحه تنصحوني فيها للتعامل مع الشعب <<<<. الرئيس اوباما يتحدث معكم ههههه


الله يعطيكم مليون عافيه و الله محتاج لي اجوبتكم و محتاج نصائحكم ..!!*

• نشر عبر تويتر
• نشر عبر فيسبوك
• نشر عبر جوجل