استفسار ارجو المساعدة بخصوص الفنادق القيريبة من الملحقية للطلاب على حسابهم الخاص

بخصوص موضوع الاستقبال

فالاستقبال عام لكل الدارسين بمعني كنت مبتعث او دارس علي حسابك الخاص او تحمل امر اركاب ، فالمعاملة واحدة

اخوي زي ما قالو الاخوان الموظوع جدا سهل وميسر كنت في يوم من الايام افكر زيكم وتوديني الافكار وتجيبني بس انت ما عليك الا ان تحجز على الخطوط السعوديه حتى ايام الويكند بتحصل مصري بيسالك طالب سعودي وبيديك ملف فيه اوراق تعبيها في الفندق تتسلى فيها في الفندق المهم وبعد كذا يقولك هذا الباص للملحقيه بيوديك فندق دبل تري وبتحصل ناس من الملحقيه بيقولون لك تبي تسكن مع اي واحد
او لحالك ممكن تسكن انت وواحد من الشباب مو ضروري تعرفه وتتقاسمو السعر اليله زي ما قال اخوي 93 مع الافطار
والصباح تنزل فيه صاله مخصصه للملحقيه تفطر وتسلم اوراقك طبعا لازم تعبي كل الاوراق في اليل معلومات بسيطه وسهله
الاوراق المطلوبه هي كالتالي فقط بدون زياده ولا نقصان.
1صوره شهادة الثانويه العامه مو ظروري مترجمه بس لو مترجمه جيد
2صوره حسن سيره وسلوك
3صوره من الجواز
4صوره من الفيزه مع كرت الدخول الي يعطونك هوه في الطياره
5-صورة الاي تونتي بعد ختم المطار
6 والاهم جدا صورة بطاقة الاحوال واضحه
مع تمنياتي لك بالتوفيق وتوصل بالسلامه انت ومن معك

اخواني بفهمكم شيء واحد خاصة الي سفرته قريبة ويبي يروح الملحقية بنفسه !!
فيه دبل تري فندقين ؟؟ فيه فندق يفصل عن الملحقية شارع واحد بس .. وفيه فندق ثاني الي يودون الطلبة عليه لما يستقبولنهم بالمطار يبعد عن الملحقية تقريبا 45 دقيقة ويوصلك التاكسي ب50 دولار او 45 دولار ويمكن اكثرر خاصة العودة صعبة .. خاصة الي مو عارف واشنطن ومو عارف طريقة المترو عشان يوصل لاقرب محطة بفرجينيا بالعودة وياخذ التاكسي بسعر اقل ..

نصيحة اخو .. الي يبي يروح الملحقية بنفسه ويستلم رقم الملف بنفس اليوم !!
لايروح مع الملحقية الفندق يعني بالعربي اذا جاك المصري بالمطار قوله معاكم ابي اروح الدبل تري الي عند الملحقية يفصلك شارع واحد > عن الملحقية والسفارة > يحتاج تروح السفارة عشان تسجل جوازك ..
سعر الليلة بالدبل تري الي عند الملحقية اتوقع 150دولار لليلة >> والفندق الي بفرجينا الدبل تري نفسسه 93 + سعر التاكسي 45 دولار او 50 والتكاسي بامريكا طريقتهم يفتح العداد من تركب لين توصل يعني ممكن 60دولار او اكثر على حسب الزحمة ..
طبعا الي الي يبي يسمع شوري براحته والي مايبي رقم الملف يطلع له بنفس اليوم ..يعني يرسلونه له على الايميل يروح مع الملحقية بالباص ..هذا الفرق .. بس الافضل ماتطلع من واشنطن لين تستلم رقم الملف بيدك وتتاكد ان ملفك كامل + تتاكد جامعتك موقوفة او لا .. من الدكتور منير العتيبي الدور 4 اظن .. اخر مكتب ..يختمها لك ويوقع عليها بنفسه ..

الي تحتاجونه عنوان الدبل تري الي قرب الملحقية ووللاسف الفندق كنت فيه من ثلاث ايام كنت مع واحد وماخذيت عنوانه او سعره ..

الله يوفقكم جميع وييسرها لكم وتسااهيل السفررر

يا اخوي الله يديك العفية لكن الحمد لله خلصت الحجز عن طريق النت , لقيت فندق اسمه the george washington university inn بجانب double tree ويبعد حوالي 10 دقايق مشي عن الملحقية كلفتني 380 تقريبا ليلتين بعد الخصم 15% حشلن الحجز المبكر ،
بالنسبة لملحقة الله يزيد فظلهم خلي فنادقهم تنفعهم ..... انا خاطبت الدوبل تريي وقالولي الخصم بس للمبتعثين الملحقية بلغتهم عن وصولهم

الحين المبتعثين يتم تسكينهم من قبل الملحقية مجانا في واشنطن ؟؟

صدقت يانواف .. جامعه جورج واشنطن تبعد عن الملحقية 6 دقايق مشي بعد قريبة مرررة مرررررة ..
وانصحك تشوف الجامعه وآآآآآآآآآآآآآآآآآو بس ..

وبعد الجامعه تشوف المترو تحت الارض انصحك تروحه ..


آنجوي في واشنطن

انا ان شاءالله بكون متواجد في مطار دالاس يوم الثلاثاء الجاي بس على الخطوط القطرية ,,, ومبدئيا بكون على حسابي الخاص
ولا أعرف وشلون هل المصري بياخذني معه ؟؟ وانا ان شاءالله بلتحق بالبعثة خلال الاسابيع القادمة بإذن الله ,, يعني بالضبط ما أدري وش وضعي مع الملحقية .... أكيد فيه حالات زي كذا مرت عليكم ,, ياليتكم تساعدوني الله يوفقكم ..
اللي فهمته الصراحة يعني الطالب على حسابه الخاص يدفع أكثر من 92 دولار لليله الواحدة في فندق دبل تري ,, أما الطالب المبتعث من السعودية يدفع 92 دولار