من يساعدني في جلب قبولي لنفسي

اغسطس شهر ٨ و يسموه في امريكا حسب التقويم الدراسي( Fall )

اتمني لك التوفيق

اوه معليش حركه غبيه شوي

المفروض ما اعطيك الرابط كذا ..

علي العموم هذي الطريقه

ادخلي علي هذا الموقع
نظام الجامعا الموصى بها - تنبيهات

او اكتبي في قوقل الجامعات الموصى بها

ادخليه وبتلقين فيه
بالاحمر " لن تستطيع تصفح الموقع مالم تقرا جميع التنبيهات
وهي الشروط اللي لازم تكون منطبقه علي البرنامج حقك علشان ينقبل من الوزاره ..

اذا خلصتي من القرايه حطي علامة صح علي المربع اللي جمب قمت بقراءة جميع التنبيهات الخ

وبعدين اضغطي علي تصفح الموقع..

اذا دخلتي شوفي المربع الكبير اللي علي اليسار

مثل هذي الصوره وعبي بالضبط زي كذا






طبعا انا اخترت لك الولايه بنسلفينيا تقدرين تحطين الولايه اللي تبينها .. وتقدرين تخلينها علي كلمة اختر وبيطلع كل الجامعات اللي في امريكا ..

وبعدها اضغطي بحث ..



وهذي الجامعات اللي طلعت لك ..

اضغطي علي الجامعه اللي تختارينها و بتطلع لك معلومات عنها .. طبعا ماتهم اللي يمين ولا اليسار

واي خدمه انا حاضر ..

ودعاوتك خل القى قبول واحول من كندا

ابي فرقاك رايتك اخوي ابيض من الثلج كفيت و وفيت
لن اسال الله لك بكندا او امريكا اسال الله لك الاصلح
شكر خاص لك و للاخ محمد على مساعدتكم

هذا بالنسبه للجامعه الاخوان وفوا كفوا اتمنى المعاهد تعلموني الطريقه
تحياتي لكل من عطر موضوعي بمروره

health science
هذا تخصصك ثاني اقوى تخصص بالجامعه الي انا فيها وفيه تخصص الي هو RT عناية تنفسية .. وكل السعودين الي بالجامعه مبتعثين من وزارة الصحة تقريبا اكثرهم .. بس تخصصك حيل صعب بس قوي جدا ويمكن اقوى جامعه بامريكا تدرسه ..
مستعد اجيب لك قبول بدون مقابل .. بس والله ماودي تجين وتتحسفين بالاخير لانه صعببببببببببببببببببب والمعهد فيه سعوديين قلة وهذا شيء عادي .. بس الجامعه ماتشوفين فيها عرب او سعودييين نااادر بس هذا الي عندي وعطيتك إياه ..


الله ييسر لك يارب .. وكان ودي اعرف ليه رافضة قبول تجسير وش السبب ؟؟؟


وفقك الله ..

المعذره من صاحبة الموضوع :: أحلام تضاهي السحاب

أخ :: asd12

مآ قلت وش هي هذي الجآمعه؟؟
التخصص الصعب تقصد علوم صحية أو RT ??
وكيف عرفت إنه ثاني أقوى تخصص في الجآمعة ! قصدي هل فيه تصنيف معتمد يضع الجامعة في صدارة الجامعات في تخصص علوم صحية؟؟

هل تدريس العلوم الصحية فيها عام بالكالوريوس و RT يعتبر ماستر؟؟
أو RT بكالوريوس ؟؟

شكرآآلك

هلا بيك 12 asd
مو مشكله عندي اذا صعب اساسا انا بفرغ روحي تفرغ تام لان لا اهل و لا اصدقاء
نفس سؤال الاخت انهار حلم و ابي اعرف وين ؟
السبب 2 :
انه في نيويورك و انا لا دخل اخر لي غير المكافاه و لما سال اخوي قالوا غير امنه وانا مع عائلة اخوي المكونه من 4 اشخاص
و ثاني ان ابي رافض تماما فكرة اني اروح نيويورك لان في دكتور زميل ابوي جزاه الله خير خرب السالفه تماما و قال انه يدفع لابنه على المكافاه 50 الف دولار سنويا فكيف ابوي يتحمل نفقتي مع نفقة من سيذهب معي فما عندي خيار الا ان اغيرها الى بلده امنه و رخيصه لان اذا ما غيرته معناها طارت البعثه بتعبير الوالد الله يحفظه

هلا فيك اختي التخصص الي رقم واحد بالجامعه العناية التنفسيةRT باختصار التخصصات الصحية متوفرة بالجامعه بس صعبة جدا الجامعه بهالتخصص فيه مجموعه من اخوياي فيها..وفيه برضو واحد نفس تخصص صاحبه الموضوع وامس جلست وياه واظن هالسمستر اخر سمستر له .. انا بولاية ايداهو عاصمة الولاية بويزي مدينة دراسة فقط فيها اماكن ترفيه والمدينة كبيرة وحلوة والشعب فرندلي وسكن الجامعه انا ساكن فيه يفصل شارع واحد فقط .فيه المعهد الحين كثرو السعوديين بس الجامعه مافيهاا سعوديين يكادون ينعدمون من الرؤية .. يعني عدد طلاب الجامعه 18 الف يمكن 200 سعودي فيها.. واغلبهم مبتعثين على تخصص الRTمن وزارة الصحة ..

BOISE STATE UNIVERSITY

هههههه الله يطول بعمر والديك وزميله .. مستحيل 50 الف دولار بالسنة الا اذا كان يعطيه من جيبه زيادة عن المكافاة ..نيويورك غالية جدا والعيش فيها صعب شوي يعني لابد شوية مساعدات وكم حركة تحويل بالحساب من السعودية

ابحثي عن الجامعه وشوفي موقعها وشوفي التخصصات ..والمدينة دراسة وهادئة وامان ..والجامعه اجانب امريكان وغرب يعني لسانك بينطلق باللغه .. ومعهد اللغه معهد الجامعه .

وانا مستعد اساعدك ..

اي اقصد زياده للمكافاه شكله ولده مصرف و بلانا
ما دري ما كنت حاطه هالولايه براسي بس اذا زينه بضمانتك ممكن احطها ببالي بس قلت ان المعهد في زحمة سعودين يعني تقبله الملحقيه و لا لا
و تعبتك معي بانتظار ردك و باقي الردود اذا في احد يساعد مع انكم كفيتوا و وفيتوا
انا استفدت من طرحي للموضوع كم شئ
الجامعه الي عطاني اياه الاخ محمد
طريقة البحث عن الجامعات الموصى بها الي علمني اياها اخ ابي فرقاك
و الحين الاخ 12 asd
فالله يعطيهم العافيه