i phone 4

في شركه ثانية احتكرته قبل اسبوعين مع at&t

توني شاري 32gb مفتوح من كندا ب 930 دولار أمريكي

أمريكا ارخص,
وبالنسبه للأحتكار تقدر تسوي جيل بريك للايفون يركب عليه اي شريحه.
والجيل بريك نظامي هنا,بس لاتنزل عليه برامج مكركه أو بطريقه غيرنظاميه,
تقدر تشتري الجوال من غير عقد بتكلفة الجهاز الأصلي,
أو بعقد مع الشركه المحتكره الجهاز والتزم معهم بالعقد.

مودتي..

كيف يعني يدبلو الفواتير..؟؟

أنا ناويه أشتريه بعقد سنتين فورايزن... بـ 299 دولار...

و انا ناوي اشترية ب 199 دولار من اي تي اند تي.

كيف يدبلوا الفواتير ؟

بالنسبه لـ كندا شكلي بسوي نفس الشي او اخلي صاحبي يستقبل الجوال ويرسله لي عن طريق فيديكس ولا اي شيء ثاني

او اني اطلبه من الشركة مباشره وان ما نفع سويت الحركه الي فوق

بالنسبه لـ الجيل بريك قالي واحد انه محا يقبل معاك اب ديت ولا ان سويت اب ديت يرجع لوكد تاني ولازم اسويله جيل بريك << وجع راس

اما بالنسبه لـ الاخوان الي يسألوا عن الفواتير فـ ايوه واحد من اصحابي اخد الباقة الي قيمتها 60 دولار في الشهر 500 دقيقه ومن هذا الكلام ويقولي اول شهر جاتني الفاتوره 120 :S :S :S :S وواحد ثاني يقول انها تجيه زياده 20 دولار

والشركه في الشرق خدمتها زباله بس تقطع ومن دا الكلام اما تي موبيل انا بصراحه مره مرتاح معاهم الشبكه في كل مكان طبعا اول فاتوره ما جاتني بس قالي واحد من الشباب انها ما تزيد عليك شي والمفروض تجي فاتورتي في هذي اليومين ان شاء الله

يعني ناخذ فورايزن أو ت اند ت؟

أدري أنه في أمريكا أرخص، لكنه مقفل

و مافي شئ أسمه جيل بريك نظامي، لو سويت جيل بريك و خرب عليك الجهاز راح عليك الضمان
و إذا سويت جيل بريك ماتقدر تسوي اب ديت ، و اذا حاولت تسوي اب ديت و كشفك النظام فان جهازك يتقفل إلى يوم الدين

انا شريت دماغي و دفعت زيادة ومعي الجهاز مفتوح نظامي و أستخدمه مع اي شركة في اي مكان في العالم

الله عليك فاهمني


انا سألت صاحبي في كندا عن الايفون و قالي مفتوح و زي كدا بس انه بصراحه نسبيا غالي لانه الـ 16 قيقا بايت تقريبا يعادل سعر الـ 32 عندنا ولكن زي ما قلت حتى وان رحت مع الشركة تراهم نصابين وخدمتهم زباله و لازم تقعد معاهم كنتراكت سنتين يعني بطلعوا منك فوق المبلغ الي حتدفعه لو اشتريته من برا ( هذا الكلام لو ما كان فيه تدبيل ) و زي ما اكدولي كم واحد يقولوا انها تنزل مع الوقت يعني قصدهم كل شهر تنزل 10 - 15 دولار و زي ما قلت خدمتهم زباله كل شوية تفصل على حسب كلام الشباب

و في عرض من تي موبيل اتصالات لا نهائية لأي رقم في امريكا + رسائل لا نهائية + استخدام نت لا نهائي بـ 80 دولار و العرض مره يهبل لو كان بالسعوديه يعني تقريبا 300 ريال اما نفس العرض من at&t بـ 114 دولار تقريبا ولا ننسى الفرق بين الخدمتين ( هذا الكلام في الولايات الشرقية ) و احسن شركة من حيث التغطية at&t بس لا ننسى انها شركة زبالة ويوم اتكلم مع صاحبي يجي تقطيع و حاله وصوته مو واضح ( يعني ان كان في تغطية فـ احتمال كبير انها تكون تغطية زباله )

نرجع لـ موضوع الأيفون ممكن تشتري واحد من امازون مفتوح من عند المصنع ولكن سعره 1100 دولار ( مرره غالي ) يعني لو جبته شحن من كندا بيكون اكيد ارخص وشكلي راح اخد 16 قيقا بايت لانه من جد يعني ما احتاج 32 ما راح احط مليون اغنيه
ولو خلصت من ابتعاثك بإذن والله ولا حتى رجعت السعودية ما تقدر تشغل الجوال في السعودية .. سلامات ولازم تلتزم بـ عقد سنتين من النصب :S ويوم تخلص السنتين اكيد بينزل ايفون جديد بس ان ما نزل لازم تجدد العقد معاهم لانه الجوال ما يشتغل الا على شركتهم او شركة فورايزون ( و هيا شركة لسه جديده ) فـ خليك على المضمون
ايش رايكم ؟ في احد مجرب at&t ؟ هل يقول انه كلامي يغلط ( يريت لو يكون كلامي غلط بدل الفيلم الي راح يصير )

واكيد في مليون طريقة لأنه انا مالي الا اسبوعين في امريكاا يعني الي يعرف لا يبخل علينا

وانا ان شاء الله بتصل على فيديكس يوم الاثنين واشوف بكم الشحن من فانكوفر لـ نيو جرسي ولو احد ينصح بـ شركة ثانيه يكون احسن....