الحمد لله وصلت لامريكا .. 23/2/2011 تقرير مصور و فيديو

كل عام وأنتم بخير وعيدكم مبارك
والله يساعدك أخوي إياد ويوفقك بالدنيا والآخرة.. تقريرك متعوب عليه وردودك جميلة .. بارك الله فيك

أنا جاي بإذن الله واشنطن كمبتعث جديد يوم 27 نوفمبر ولمدة يومين قبل ما أروح لجامعتي في كالفورنيا ومعي زوجتي وابنائي الثلاثة وعندي مجموعة من الأسئلة:
1. ودي أسأل عن فندق الملحقية لأني قريت انه شيراتون أو دبل تري.. المهم اني ودي أحجز قبل ما أجي عشان ما أتمرمط بين الفنادق.. هل تنصح بذلك لأني أخاف ما ألقى سواق الملحقية اللي يبي يدلني على فندق الملحقية
2. هل يوجد فرع للبنك قريب من الفندق أو الملحقية عشان فتح الحساب البنكي وهل تنصح أني أفتح حساب بالبنك قبل ما أروح للملحقية

وفقك الله لما يحبه ويرضاه

وانت بالصحة و السلامة .

1 - الملحقية وقفت الاعتراف بفندق دبل تري ، لكن الشيرتون و كمفورت ان و فندق ثالث كلها معترف فيهم . لا تحجز ولا تسوي شي لانه بيكلف عليك كثير ، لان الملحقية لها تخفيض خاص فيها، و السواق ما يوديك على الفندق الي تبيه، خليك معهم و بس
2 - ممكن تفتح ملف بدون ما تعطيهم الشيك الملغي ، و لا وصلت كاليفورنيا عاد افتح الحساب و ارفع الشيك الملغي عن طريق الموقع

اذا عندك اي استفسار انا حاضر ..

اهنيك على اختيارك لـ ثاوزن اوك .. ترا المنطقة مره حلوه و خضار و كل شي ..

كل عام وانت بخير
انا سجلت بالمنتدى بعد ماقريت موضوعك وعندي بعض الاستفسارات
انا افكر ادرس لغة على حسابي واذا توفرت لي الفرصة والبلد المناسب اكمل دراسة تسويق (التحق بالبعثة)وافكر بامريكا لكن ما ادري كيف تعاملهم مع المسلمين والسعوديين بشكل خاص
بالنسبة للمصاريف كم تقدرها لمدة سنة بامريكا لدراسة اللغة؟؟

الله يوفقك ان شاءالله وترجع وانت مرفوع الراس

تقرير روعة و الله يوفقك في دراستك و حياتك

ما شاء الله الله يوفق

هذا اول رد لي

والحمد لله في اشياء كنت خايف منها وتوضحت لي اخوي زياد بالتوفيق

وان شاء الله راح اكون انا next عندي اشياء كثيره ابي اسآل عنها بس خليني اشيك عل المنتدى

........

تسلم يمينك
استمتعت برحلتك ما شاء الله عليك

يعطيكم العافية يا إخوان علي الردود ..

دحيم.نت :
ما احد يعرف فين بلدك اصلا. الأمريكان ما يعرفوا وش ورأ حدودهم نبيهم يعرفوا السعودية
و اذا عرفوها صدقني انهم لسع يفكرونا علي جمال و خيام و شيشة
شيل الموضوع من راسك و انسى الكلام الفاضي الي تشوفة بكل مكان ما منه فائدة
توكل علي الله و تعال .. و الله يوفقك

Faisal :
هههههههههه اسمي إياد
أنا تحت امرك في اي وقت علي الخاص او العام، لكن لا تسألني عن الخزعبلات و الخرافات الموجودة هنا
لأني ما راح ارد عليك و راح اطلب منك تحذفها
غير كذا ابشر بعزك

ماشا الله تبارك الله الله يوفقك اخوي ماقصرت

شكرا يعطيك العافيه