الذوق يا اعضاء مبتعث

فعلاً غالبية الي يدخلون مبتعث يبون فقط ياخذون معلومة ويمشون ومتأكد إنه يمر على مواضيع يعرف اجابتها بس مايرد موب فاضي طويل العمر
وفيه العكس .. ناس تكتب سبعمية موضوع استفسارات وبالأخير حتى مايقول شكراً للناس الي ردت .. متأكد محد بيرد عشان كلمة شكراً بس من باب الذوق
وفيه برضه ناس تسأل عن شي وفيه جنبه موضوع فيه شرح وافي وكافي عن النقطة هذي يعني كيف تتوقعين إن الي قعد يشرح لعبيد ساعة ونص يرجع ويكتب نفس الشرح لزيد في موضوع ثاني عشان الأخ زيد موب فاضي طال عمره يدور بنفسه
يعني الي أبي اقوله المشاركة لها أصول سواء لطالب الفائدة أو معطيها
وعلى فكرة لمعلوميتك اغلب المتواجدين هنا هم طلاب الدفعة السادسة لو استثنينا منهم خمسة او عشرة بالكثير من طلاب الخامسة
وبعض طلاب الخامسة خلاص خذا غايته وراح مايشعر برد الجميل
ومتأكد بعد تسع شهور بالكثير ان كان الله عطانا عمر ماراح نلقى اغلبكم ! سنة الحياة مع الأسف
والبعض يجي يتفرج بس يشعر بالملل يقول كل المواضيع مكررة ونفس الأسئلة بالضبط كرروها الدفعة الخامسة والرابعة إلخ !
طولت عليكم لكن اتمنى الي ابي اقوله واضح
شكرا لاهتمامك وعقبال ماتكتبين لنا تقارير مو تفقعين لا وصلتي امريكا

المشاركه تحتاج الى عدة جوانب,لكن مجملاً ثقافة المشاركة والردود معروفه في أغلب المنتديات,
كثير من المبتعثين استفادوا من المواضيع والمشاركات لكثير من الأعضاء ومع ذلك لا ترى كلمة شكراً على الأقل,
صحيح الأصل أن لا تنتظر هذه الكلمه ولكن كما ذكر أحدهم من باب الذوق والأحترام وتقديراً لجهود الأخرين,
ولا تعجب أن تشاهد موضوع زواره وصل الى الألآف ولا تكاد تجد ردود تليق بمكانة ومجهود صاحب الموضوع.
وكم هناك من عضو أستفاد من مواضيع كثيره يحتاجها في أمور ابتعاثه ولا تكاد تراه بعد ذلك.
كما أن هناك نماذج مشرفه لبعض الأعضاء أقف لهم أحتراماً لردودهم ومشاركاتهم وحبهم للخير.
كلمة حق أقولها هناك كثير من المبتعثين لولا الله ثم مواضيع ومشاركات كثير من الأخوه الأعضاء و الأخوات لعانى الأمرين في مسيرة أبتعاثه,وقد تلتبس عليه امور كثيره لا يعرف لها طريقاً أو جواباً.
ثقافة المشاركه والردَ تحتاج الى أعادة نظر لدى الكثير.

شكراً لك أختي الفاضله على طرح الموضوع.

في أمان الله..

ههههههههههههه يختي يومي قريت موضووعك وأنآ أسستحي مدري ليش

>>> آللي على رآسه بطحآآء

لآآ بس شسسمه وربي لوو عندي ربع فآئدة لأي موضووع أني أرد وأقوول كل اللي أعرفه ...

لكن غآلبآآآ ,,, تكون أكثر الإستفسآرآت اللي أقرآهآآ ,, معضضله بالنسسبه لي

فأمسسك أرضي أحسن من أني أتفلسف على شي أنآ موب قده

لكن فكرة إني أرفع الموضوع لو مآعندي إجآبه ,, مآجآت على بآلي ... لكن زين ذكرتيني

وجآري تطبيقهآآآ ..

موفقه يآرب

ايوالله انك صادق ... تذكر يا اخ ( مدري ايش السالفة ) لمن كتبت موضوعي وجالس ارد على نفسي واقول ياليت عندي خيزران وباب خاص للموضوع محد يخش الا ويكتب رد ولا والله ..................... ههههههههههه يعطيك العافية ..... الحمدلله انا ماقصرت مع احد والكل يعرفني لا يغركم النك نيم الجديد ... انا كان عندي نيك نيم قديم ومشهووووووووووور اشهر من علم على رأسه نار .... مستحيل لمن اقول اسمي القديم ما احد يعرفني ..... ههههههههههه صاحب اهم ردود صريحة ومثبته بالروابط دائما لاني ضد الاشاعات ....
تحياتي .

هههههههههه الله يسعد قلبك ع الأسلوب السكر

أكيد بتفق معاك ع كل كلمة ..ولا ننسى شعار هذا التجمع قول الرسول صلى الله عليه وسلم "خير الناس أنفعهم للناس"

صدقيني كل شخص بيمتنع عن المساعدة هو الخسران ف النهاية

الواحد والله مايدري أحياناً نقول كلمة ولا نلقي لها بال ونتفاجىء إنه هذه الكلمة كانت سبب ف ادخال الفرحة لقلب شخص أو تفريج همه ..وتلاقيه بيغرقك دعوات وانت ماتدري

وتتفاجىء إنه ربي ميسر لك أمور بسبب هذه الكلمة ..لإنه اجتمع الأجر مع دعوة بظهر الغيب من أخيك المسلم

يعني بالله اش نبغى أكثر من كذا ..

يعني يادووب من خلال مساعدتنا نجمع حسنات لعل الله يرفعنا بها ويغفر لنا ذنوبنا





هذا الاخ أكثر شخص ماشاء الله لا قوة إلا بالله بيساعد ويفيد العالم من قلب

لكنه مختفي هالفترة مدري اش عندو ههههه


ع العموم

أسأل الله إنه يوفق كل شخص يحب يساعد الناس إرضاءاً لله وحباً فيه
مودتي ياحبيبة