استفسار استفسار بخصوص الذهاب للملحقية لاول مره في واشنطن

السلام عليكم

انا زميلي طلع قبل اسبوعين تقريبا وقال يوم كامل بالملحقية يكفي وزيادة
ان شاء الله يكون كافي بس كان افضل تكون الرحلة اليوم الثاني عشان الوقت لا يزنقك
اتمنى ان موظفين الملحقية يكونون متعاونين معك واتمنى لك التوفيق وانهاء اجراءاتك بسرعه بس يا ليت
يتم حجز الفندق من هنا في السعوديه لان الملحقية ممكن ما توديكم للفندق اللي يتعاملون معه
انا قلي زميلي ان سواق الملحقية المصري (سأله عنده حجز فندق)ورد الزميل بالايجاب وفرح المصري وقله

(كويس احنا مضغوطين ولا نقدر نوفر لكم حجز في الفندق) فالافضل عشان لا تحسون وتتعبون هناك يتم حجز الفندق قبل السفر
اتمنى ردي يكون شافي ووافي

شكرا لك اخوي احمد طمنتني .. الفندق والشقه وكل شي بنهي اجراءاته من السعودية ويارب يكفيني الوقت وماتروح علي الرحلة

بانتظار ردود باقي المبتعثين وخاصة الي سافروا في شهر فبراير ومارس ^__^

بالنهسبة للوقت ممكن اكثر من يوومين او ثلاثة على الاقل بحسب المعلووومااات الي عندي انشالله تخلص اموورك بيوووم وما تروووح الرحلة عليك واتمنى للجميع التووفيق

تحياااتي

يارب يكفي الوقت .. شكرا لمرورك وبانتظار تجارب باقي الاخوان والاخوات المبتعثين

في البداية ما تحتاجين تروحين الملحقية .. الملحقية تستقبلك ..

لهم غرفة في نفس الفندق (دبل تري) ..

تسلمين أوراقك كاملة في نفس يوم الوصول .. أنصحك تعبيها وتجهزيها قبل السفر .. وموجودة النماذج في موقع الملحقية .. في أوراق ما تحصليها إلا بعد وصولوك مثل ورقة I-94 .. عادي تصورينها في غرفة الاجتماعات في الفندق عندك كل الأدوات .. وبيطلبون ورقع بيضاء فيها اسمك وايميلك فقط

تسلمين الاوراق ويتأكد الموظف وتروحين تحجزين غرفة ... اليوم الثاني بيجي موظف الملحقية يسلمك أوراق الضمان والتأمين ونموذج الشيك الملغي .. تاخذيهم وتروحين لديرتك في اليوم اللي بعده ..

الله يجزاك خير ... طمنتني

بطبع كل النماذج واجهز كل شي قبل السفر ^___^

ما أظن بمديكي يا أخت ساره. لأن موعد سفرك من واشنطن الساعة 6 يعني لازم تكوني في المطار على الأقل ساعتين الى ثلاث ساعات قبل السفر. يعني لازم تكوني في المطار الساعة 3 تقريبا تجنبا لزحمة المطار والمعاملة. عند الذهاب للملحقية, لن تعودي قبل الساعة الثالثة الى الرابعة عصرا تقريبا. يعني ما في وقت تجهزي نفسك وتروحي المطار.
أفضل ان تعملي مثل ما عملت وهو ان تأجلي سفرك من واشنطن لمدينتك الى اليوم الثاني أحسن.

الله يوفقك

أنا توي واصل أمريكاء

وبقولكم وش اللي صار معي بالتفصيل

وصلت لواشنطن الساعه 3 عصرا يوم الأربعاء 23 مارس وبعد ما خلصنا إجراءات الجوازات وأخذت عفشي وطلعت وألاقي حقين الملحقية واقفين في إنتظارنا عندهم لوحه صفراء مكتب عليها المحلق الثقافي إستقبلنا وقالي أنت مسجل معنا بالموقع قلت لا قال وش إسمك ويسجل إسمي قالي على حسابك أو حساب الدولة قلت على الدولة قالي تفضل ويعطيني ملف فيه الأوراق وقالي حاجز سكن قلت لا قال خلاص تفضل تلاقي الباص قدامك ولا فيه سوداني قالي تفضل معي ويوقفنا عند موقف الباص حق الفندق شالنا الباص ونزلنا الفندق وقالوا كل واحد يعبي الأأوراق اللي معه ويصور المطلوب طبعا موجود تصوير وكل شي وموجود في الفندق موظف من الملحق الثقافي سعودي و2 سودانيين عبينا الأوراق وسلمناها لهم والآن تقريبا المغرب وكل طالب يخلص أوراقه يروح يستأجر غرفه طبعا اللي لوحده يقوله الإستقبال إذا تبي معك أحد علشان يكون أرخص لك الليلتين بي 173 دولار وقالوا لنا خلاص بكره الساعه 5 العصر نجيكم بنفس الفندق ونسلمكم أوراقكم ونشرح لكم المطلوب وجونا من بكره العصر وسلمونا الملفات بعد فتح حساب لكل طالب وشرحوا لنا بعض الأمور المهمه وكل طالب يتوكل على الله ويروح لمقر دراسته

واللهي ياسوسو ما اتوقع يمديك
انا وصلت يوم الاحد رحت عالفندق اللي هم ودونه له (doubel tree) وتعبين الاوراق بنفس اليوم وتصورين الناقص وتعطينهم اياه
ثاني يوم الساعه 6 المغرب يجي موظف الملحقية يوزع الضمانات يعني عدلتي رحلتك الداخلية يوم زياده يعني اقعدي يومين بواشنطن
تكفي وتزيد