حسبي عليك يالعساف

اخوي انا مانيب مرافق لكن استفزني ردك لانه على طريقة العجايز الاولين كل ماقالهم حد شي قالوا ( ابلع العافية وانعم ) !!
طيب لو العافية واحد حرامي سرقها او على الاقل منعني منها تبيني اسكت !
انا اشوف سبب استشراء الفساد هو نماذج واجيال نشأت بطريقة تفكيرك الي هي ( اص .. ولا حد يتكلم خلاص زينه ماعليه .. مشي حالك )طيب طالما الملك قال الكل تشمله المكرمة
وجميع مسؤولي الدول قالوا حتى المرافقين تشملهم ونجي نتفاجأ بأنها مانزلت معناها فيه شي غلط حصل ومن الحق الجميع يعرف وش هو .. حنا صرنا في زمن الحين الكل له حق يعرف وش قاعد يصير
الشي الثاني قولة قاعد في بيته وغيره يدرس انت تتكلم عن مين بالضبط؟ ياخي لو باحلف اقولك 90٪ على الاقل من المرافقين يدرسون ويستغلون المزايا ويستفيدون من تواجدهم بامريكا فكيف تتهم المرافق بالكسل والبطالة والاتكالية بتلك الطريقة!
ثانيا حتى الاطفال لهم حق الي استفزازك وصلهم .. الطفل يحتاج مالا يقل عن 700 دولار مابين حضانة ومصاريف
حنا نقول الحمد لله من قبل ومن بعد من غير المكافأت لكن من حق الناس كلها تعرف وش معنى المرافق مانزله مثل غيره ... ولصالح مين راحت الفلوس .. اما سالفة اسكتوا لاحد يتكلم مو كفاية سكوت واخرتها جدة غرقت والتعليم عندنا ماكل هوا والقضاء متدهور والوزارات مصابة بالشلل بسبب الفساد وقولة اسكت .. كل واشرب ونام .. حنا بشر الي ياكل ويشرب وينام هم الحيوانات الله يكرمك ومن يقرأ .. والبشر ليسوا عبارة عن حاجات اساسية للحياة ولكن هناك عقول يجب احترامها .. ومن الاحترام عدم استغفالها بهذه الطريقة