ساعدوني الله يخليكم مشكلتي بتقديم الدراسه والاي توني

March 26th, 2011, 09:30 PM

السلام عليكم ورحمة الله وبركاته
تحية طيبة لااعضاء مبتعث اما بعد
ياشباب انا معيد في جامعة الملك سعوود واوصاني القسم ابحث عن معهد لغة فأتفقت انا واحد المكاتب الموجوده بالرياض يجيب لي القبول فماطال فيني المعهد لمدة شهررر!!! ويقول اراسلهم مايردون
وبعد هالشهر وصل القبول ولكن المصيبه اني طلبت من المكتب ان يكون القبول بشهر 6 وجاني القبول بشهر 9 بسبتمبر .. تهاوشت مع المكتب وقالي بجيب لك قبول بشهر 6 براسلهم من جديد قلت له معصييي براسلهم انا بنفسي
فلما رجعت البيت وراسلتهم بعدها يااخوان بيومين ردو علي وقالوا لي نصا ان الموعد اللي جانا في الابلكيشن اللي انت عبيته مكتوب شهر 9 بس مو مشكلة احنا راح نرسلك اليوم او بكره آي توني جديد بالقبول على شهر 7 ( لانه 6 ماكان يمدي عليه) بس نصيحة قالوا عشان تتعلم لغة اكاديميه صحيحه ننصحك بشهر 9 لان الدراسة فيه 11 اسبوع وشهر 7 بتكون الدراسه فيها 7 اسابيع ( ماادري ايش نظامهم شكلهم مو فاهمين انه بكمل اللغة لين اتقنها )
المهم يااخوان يوم فكرت قلت ليش اروح بشهر 7 اذا رحت بيبقى تقريبا 25 يوم على رمضان دامني صبرت خل اروح بعد رمضان مباشره بقبول شهر سبتمبر لان رمضان هالسنة يوافق 1 اوقست
فالحين ياشباب معي آي توني حق سبتمبر وهم بيرسلوني اي توني ثاني مدري وش اسوي ؟؟
هل يلغى الاي توني حق سبتمبر؟ وانا اخاف اراسلهم اقولهم خلاص ابي حق سبتمبر يقولون ارسلنا لك حق جولاي وانحط في موووقف محررج
ساعدوني الله يجزاكم خيير

• نشر عبر تويتر
• نشر عبر فيسبوك
• نشر عبر جوجل