مـعــهــــــد ELS كليفلاند ... احذر !!

بصراحة اغلب الطلاب يدرون انه سيء ((لكنهم مايتوقعون انه الى هذة الدرجة من السوء))
اغلبهم يجي لهذا المعهد برغم سمعته السيئة لستة اسباب لا اكثر :

1- مدته قصيرة .
2- هروباً من التوفل والايلتس .
3- فروعه كثيرة وتقدر تتنقل بينها من ولاية لاخرى .
4- قبوله والاي توني سريع بسرعة الصاروخ . + احياناً يوفر لك قبول جامعة ايضاً .
5- الملحقية جابت له القبول في هذا المعهد (وهو ما حاول يغير) .
6- يكون جاي بسبب ان احد معارفه واصدقائه يدرس فيه .

صحيح ان بعض هذة الاسباب مقنع انك تجي لهذا المعهد ... لكن لازم تعرف ان هذا المعهد مايعطيك اي شيء لازم تعتمد على نفسك بنسبة تفوق الـ 90% .

((واتحدى اذا كانت عملية اختيار هذا المعهد تخرج عن احد هذة الاسباب))

شكرا لانكم بشرتوني بالخير
دراستي تبدأ في شهر ابريل
قريت كل الكلام والحمدالله على كل حال
ماراح اقوول اكابر واشوف بعيني لكن لابديل حاليا

شكرا لتنبهاتكم

كلام في الصميم .. ELS بشكل عام خااااااااااااااااااايس .. وأنا أدرس في معهد ELS في ولاية كولورداو مدينة دنفر .. في مقاطعة اسمها ويست منيستر .. ياساتر .. نصب عينك عينك .. وظلم في الدرجات .. واختبارات صعبة مش على قد التدريس .. وأنا أتحدى طالب جاي ماعنده لغة .. ويدرس في أي معهد ELs من أول مستوى إلى مستوى 12 .. ويجيب درجة صح في التوفل أو الآل تي اس .. مستحييييييل .. هذا يعلمك لغة شوارع تخاطب . أما اختبارات .. ماعنده الا الدجة ..
بعدين الفصل الواحد اربعة اسابيع .. شيل منها الويك ايند .. والاسبوع الاخير اختبارات .. واجمع ايام الجمعة في يومين لانه نصف دوام يطلع لك الفصل كامل 14 يوم فقط .. شيء مو معقول .. ونصب عينك عينك والملحقية سااااكتة ..

بعدين تعال اقولكم ..

انا بعد تتبعي لكارثة ضخ هذا العدد الهائل من الطلاب لمعهد ELS اتضح لي التالي .. يقولك ان مكتب آي جيك المسؤول عن توجيه الطلاب من السعودية لمعاهد أمريكا يقول للطالب ماعندنا الا ELS تبيه ولا راحت عليك البعثة .. ويكذبون عليهم بأن هذا قرار الوزارة .. وهم أكذب كذابين .. شلة فلسطينيين مدري وش لون استلموا المشروع !!!!

فمن يبتزه مكتب أي جيك بهذا الشكل يطلع لمكتب الوزير بشكوى رسمية .. ويطبع كلامنا هذا وكل مساوىء المعهد وشكاوي الطلاب .. لعلهم يوقفونه الله لايوفق من يحاول استغلال هالشباب .

طيب كيف عن معهد ELS اللي في شيكاغو
صراحة خويي يمدحة كثير ويقول مافيه سعوديين كثير وتدريسهم ممتاز
حد يعرف عنه شي؟

والله إنك صادق ياصاحب الموضوع


ويعلم الله واللي رفعها سبع وأنزلها سبع إني كنت أدرس في معهد ELS بولاية فلوريدا

أقسم بالله ياجماعة الخير إن خووي بسبب الدراسة الفاشلة اللي شافها فيه إنه رجع للسعودية


وتحطم نفسياً وانقهر إنه يضيع وقته في معهد مثل كذا

واعرف اثنين من الشباب حالياً راح يغيرون معاهد ثانية

حتى لو طلعت أخس منه بس أهم شيء إنهم يغيرون من المعهد ذا

ولا والمشكلة جميع معاهد ELS تجااااااااريه بحت يبغون فلوس ولايهمهم أنت في فهمت ولا مافهمت في حريقة عليك


أهم شيء نهاية الشهر ياخذون منك فلوسك ولاهمهم في أحد


وتدريس فاشل ومافي تأسيس صح وزي الناس والعالم

ومدرسين كلهم فاشلين ولايعرفون يوصلون المعلومة للطالب صح

ومعهد جداً جداً جداً سسسسسسيئ لأبعد الحدود

سواء في الاختبارات أو النتائج أو طريقة حساب الدرجات


كلها ELS نظامها خايس وتدريسها أخس وأخس واغسلوا يدكم منها


ياليت صوتنا يوصل للمسؤولين في الملحقية


كل التقدير والاحترام لكم


تحياتي

نفس الموال في معهد ال اي اس في ولااية لارامي نصيحه لكل طالب لا يختار هذا المعهد ويغلط نفس غلطنا قد اعذر من انذر

انا طالع على معهد في نفس الجامعة (تبع الجامعة) و لكن اسمه ELS هل هو هذا نفسه؟

ياعبدالرحمن كل معاهد els أغسل يدك منها اقسم بالله تنقهر إنك تضيع وقتك وغربتك وسفرتك لهذا المعهد الخايس


ورب الجلال واللي رفعها سبع وأنزلها سبع إنك راح تتندم وتنقهر وراح تتذكر كلامي يوم تدرس فيه


أنت بس روح شوف النظام هناك وكيف طريقة التدريس الخايسة


وكيف المعلمين وكيف تكدس الطلاب السعوديين هناك


أنصحك لوجه الله تغير المعهد وإذا تبغى اي مساعدة راح اعلمك وادلك على الخير



تحياتي لك

اوووووووف لهدرجه

الحمدلله اني لحقت اشوف الموضوع قبل ماسجل

طيب يالاخوان اعطونا اسامي معاهد زينه وقليل العرب فيها

افيدونا جزاكم الله خير

وشكراً لك ياكاتب الموضوع