خلاص بلغ السيل الزبى!!!!اقدر ادخل السفاره بدون موعد للاستفسار عن الفيزا

ارجو الرد....................

يعني وش تبين الناس تقول! ومحد بيده شي يسويه غير ارسال رسالة فقط
ناس كثير تتأخر فيزهم عن شهر وش المشكلة .. لو كل عقبة صادفتك نزلتي عليها موضوع ماراح نخلص خصوصا الأسئلة الروتينية هذي
لأن طريق الدراسة مو مفروش بالورد ولو استلمتي فيزة راح تتأخر كم يوم مثلاً اصدار قرار الابتعاث ... الحجز ... الشنط والوزن .. الايجار .. إلخ ! وكل هذي ماراح تجي على الكيف بعصا سحرية لازم تعب وصبر

عفوا اخ تفاكير فانت غير ملزم بدخول الموضوع المدرج باسمي وبالرد ايضا..وهذا كي لاتنزعج فقط ...فانا ارحب بالجميع دون استثناء
هذا الموقع للإفاده والاستفاده والكثير مستعد وبرحابة صدر ليساعد المبتعث الجديد لتخطي عقباته وان كانت متكرره برأيك ..مستثنية من لايكترث ..فان كانت ممله لديك فهي مهمه جدا جدا لدينا
انا اسال عن تجارب الناس الي تعدت الرساله فقط...كما هو موضح في موضوعي وكما ستتضح في الردود
اذا انت تشوف ان تاخر الفيزا مما يستدعي تاخير موعد الدراسه الى اربع شهور ماهي مشكله الله لايحطك بيوم مكاننا قول امين
انا ادور للحلول الصعبه وان كانت على راس الاشواك المنثوره في طريقي..ادور اي منفذ مهما كان ضيق استطيع من خلاله اكمال طريقي
وكل الي تكلمت عنه من حجز وقرار ابتعاث وشنط,ترا التاخير فيه منطقي وانا مستعده لخوضه وبسعاده.... سعيده وانا اكافح لدرجة اني مستعده ان ااحجز رحله الى مقر السفاره ان كان يستدعي الامر وهذا سبب فتحي للموضوع كي اكون على بينه
فانا لا ارى عيبا في تذليل الظروف وتقصي المعلومات مهما كانت دقيقه وغامضه ..فيبقى السعي افضل من الانتظار

الدين معامله اخي الفاضل..فهذه ليست الاولى وارجو ان تكون الاخيره

السلام عليكم
ماهو التاريخ المكتوب لك في I-20 والي يعتبر اخر يوم مسموح لك بدخول امريكا؟
احجز قبله باسبوعين (تذكرة قابلة للتغيير موعد الرحلة) ، وارسل لهم صورة من التذكر الالكترونية وقل لهم ان موعد بدء الدراسة هو التاريخ الفلاني، واخر موعد مسموح لي بدخول امريكا حسب I-20 هو التاريخ الفلاني، وانا حجزت على رحلة قبله باسبوعين حتى يمديك تبحث عن سكن وتتعرف على المدينة قبل الدراسة. وان شاء الله يتعاونون معك.
على فكرة، بعض المرات كلمتهم على رقم السفارة في وقت غير 3-5 العصر، وقلت له اني حاولت اتصل عليكم في الوقت المحدد اكثر من عشرين مره وما مسك الخط معي، واعطيته اسمي ورقم الجواز لكن قالي انتظر لا زال طلبك تحت الاجراء.
عموما انا اتوقع ان الفيزا بيرسلونها قبل موعد دراستي باسبوعين ، وانا حاجز قبل موعد الدراسة باسبوع، لذلك ماخذ الموضوع ببرودة قليلاً ، ولا انا مسوي المقابلة من فبراير! وفيه واحد اعرفه سوى المقابلة في March وكلها اسبوع ونص والفيزا عنده !

وعليكم السلام ورحمة الله وبركاته

شكرا اخوي ويعطيك الف عافيه
كم استفسار الله يعافيك انا لما كلمت الطيار على الحجز قال لازم امر الاركاب لان الحجز يومين ويتكنسل ..هل ادفع رسوم التذكره ولما اعطيهم امر الاركاب يعوضوني ؟
وهل تقصد السفارة الي بالظهران لما كلمتهم بالتليفون؟ والي رد عليك غير الهندي؟ ووش كانت نتيجةالاتصال
عذرا على كثر الاسئله اكرر شكري

والله انا حجزت ودفعت من فلوسي ، اذا وصلني امر الاركاب بأحاول اكيشه (أرجعه واخذ فلوسه بعد خصم 25% من قيمته لشركة الطيار الحرامي) .
اقصد السفارة فرع الرياض ورقمهم موجود في موضوع مثبت ل اياد العنزي .. وكلمني واحد سوداني واعطيته رقم الجواز وقالي لازال طلبك تحت الاجراء.

ألي انا فهمته ان السفارة اذا اخذت جواز سفرك وقال لك الinterviewer فيزتك مقبولة ، خلاص يعني الفيزا مقبوله وحتى ممكن يطبعونها بعد المقابلة بيومين ، بس ما يعطونك الجواز الا قبل موعد الدراسة بشهر تقريبا حتى ما تروح قبل ذلك. والدليل ان بعض الشباب لما استلموا جواز السفر مطبوع عليه الفيزا ، كان تاريخ الاصدار بعد المقابلة بيوم ، لكنه لم يستلم الجواز الا بعد مرور شهر او شهرين!.

اخوي انت اخذت التجربه هذي من وين وهل نفعت مع صاحبها وبعد كم من ارساله التذكره صدرت فيزته وانت من راسلتهم بموعد التذكره الى الان كم المده الي انتظرتها وهل تم الرد عليك برساله وماهي!!
وعلى اي اساس الخصم.سرقه بمرأى العين . مادري ماشوف لهم حق!!
يعطيك العافيه على تعاونك والله يجزاك خير

يا اختي روحة السفارة ما منها فايده
انا رحت قبل اسبوعين السفارة وقطعت مشوار
من وصلت قالت السودانيه خير قلت ابي اسلم الاي توني مع اني ارسلته على الايميل بس قلت اذا بقول عندي استفسار اكيد ماراح يدخلوني
قالت عطني الاي توني وانا اعطيهم قلت لا لازم انا اعطيهم وعندي بعد استفسار فليتها
والله حاولت واترجيتها بس ما في راسها ماي تقول عندك الايميل واستسفر
والله ورجعت من القهر قمت اسرع 200
مافي حل غيرالصبر

^
^
الله يعينك وشكرا عالمعلومه عالاقل ماروح مشوار وارجع مقهوره

ضاقت فلما استحكمت حلقاتها فرجت وكنت اظنها لا تُفرج