يخصوص الفيزا والسفاره الامريكيه بالظهران تكفون دخلوا طلبتكم وبغى ردود ومشاركات

السلام عليكم اوراقك اخوي اعتقد انها كاملة لكن اذا عندك جواز سفر قديم ضروري تجيبة معك مع الجديد لأنهم يطلبونة با النسبة لأاسئلتهم على كيفك با العربي اوبالأنجليزي بس اذا لغتك مش 100 با 100 افضل تقولة با العربي لأنهم يتكلمون لغة عربية فصحى وراح يسألونك عن سفراتك ويدققون على سوريا اليمن باكستان افغانستان وكذا دولة ....وليش اخترت الدراسة في امريكا وليش اخترت الدراسة في الولاية الفلانية ولك اصدقاء في امريكا وكم بتقعد في امريكا ومن ها اللأسئلة الأمنية وهل تعرف تستخدم السلاح بس اهم شي خلك واثق من نفسك ولا ترتبك كنك تسولف مع احد زملائك يعني تكون ثابت في الأجوبة اية وراح يدقق في أخر شهادة علمية حصلت عليها وضروري يكون تاريخ تخرجك حديث يعني ماتكون متخرج مثلا من عام 2008 ومدري اذا انا نسيت شي بس ان تذكرت شي بكتب لك رد طبعا انا كانت مقابلتي في الظهران

شهادي الكليته التقنيه ومترجمها الانجليزي ومجهزها لهم متخرج بتاريخ 2010 من اول السنه تقريبا
ان شاء الله مارتبك يارب
بس فكر بالمقابله وجالس احااااتي وربي واجد لاكن ربك كريم باذن الله
طيب توقع طول بالسفاره بالظهران او بسرعه يطلعونا موعد دراستي قرب مابقى لها شي

حلو انك ترجمتها لكن با النسبة للوقت هم راح يقولون لك من اسبوعين الى اربعة اسابيع لكن انا ولله صكوني ب5 شهور وكل شخص لة معاملة غير يعني فية ناس تطلع الفيزاء لهم بأسبوع وناس شهر وناس اكثر زي حالتي با النسبة لموعد دراستك عادي جدا تراسل الجامعة ويعطونك i-20 جديد واذا انتهى ال i-20 وجوازك في القنصلية القنصلية يراسلونك على أيميلك ويطلبون منك اي تونتي جديد وهذا سهل انا ولله 3 مرات اجدد i-20

بس اعتقد ان ( 10 الف دولار ) مبلغ صغير وانا مو متأكد 100% بس الله اعلم لان بصراحة اخوي انت ماتدري تتلتحق بسرعة ولا لاء فيلزمك مبلغ اكبر شوي
والله الموفق

اخوي اانا المبلغ هذا طلع للغرض الشهاده البنكيه فقط

وجاني القبول الجامعي واي توني على نفس المبلغ والشهاده البنكيه والتحقوا بالبعثه

وبحاول غير الشهاده قبل موعد السفاره بخليه بالاسم الوالد يمكن

صدقت اخوي الغادي اعتقد من 80 الف ريال سعودي وما فوق يعني يكون الحد الدنى 80 الف لأن 10000 الأف دولار تعادل 37500 الف ياليت يا صاحب الموضوع تزيد على المبلغ حتى لو سلف اي واحد من معارفك يحول
على حسابك مثلا 100 الف او 80 الف وتطلع ضمان من البنك وبعدها عادي تحولها لصاحبها انتبة لا تطمع في خويك وتسحب علية ههههههه

لا يالغالي انا سويتها وحطيتهم بحسابي وثاني يوم رجعتهم بحساب صديقي
سلفتي 40 الف ريال طلعت 10 الف دولار
بس شكلي بكلم الوالد وبخلي الشهاده البنكيه بالاسمه وكشف حساب بالاسمه الافضل للي
بشوف اذا يمديني يغرهم او لا

بس توقع عادي عرف ناس سافروا الامريكا وخلصوا الامورهم بالشهاده البنكيه بنفس المبلغ 40 الف ريال ومشت الامورهم تمام

مانقول الا الله يوفقك في السفارة وفي الدراسة ونشاالله عقبال التخرج وتفرح الوالد والوالدة الله يخليهم لك ويطول في عمارهم على طاعتة

الايمن يارب يالغالي ويوفق الجميع يارب