مساعدة لا حول ولا قوة الا بالله (يعني لايوجد) شكلي ساترك كلمة ابتعاث اذا الرد على هذا بــ:لا

يا راجل هدي اعصابك وش فيك داخل بيدينك و رجلينك .. افتح النور يا بوي ؟ .
انا رايح اكمل ماجستير ادارة اعمال ، هل ماجستير ادارة الاعمال مدرج ضمن الخطة الموجوده على الموقع الي هدفها تقليل عدد الدارسين بأمريكا ؟ و بفضل الله التحقت خلال 11 يوم بس ( بفضل الله لا بواسطة ولا امر مذلة )
انا شخصيا اعرف ناس كثير التحقوا لمرحلة البكلريوس و الماستر .. فيه واحد منهم ماخذ تخصص جرافيكس ديزاين او شي زي كذا !! << هذا التخصص مدرج ؟

الانسان هذا لغز كل كلامه غير مفهوم وربي لحست مخ يا شباب .. <<~ جابها من الاخر

انصحك تدرس لغه عربيه اول شي .. وبعدين تعلم انجليزي

اخوي ممكن تركز شوي حبة حبة اسمع انت لاتقيس مستقبلك على ارامكوا ترا عندك شركات دولية وقوية مرة وهي موجودة بالسعودية وحتى لو ابتعثت وخلصت وجيت يمكن ما تقبلك ارامكوا وش بتسوي ساعتها بتقعد من دون وظيفة مثلا!!!! هذااولا.

ثانيا: الوزارة تنظر لمجالات العمل القطاع الخاص والقطاع العام وتشوف وش يحتاجه القطاعين وتنزل تخصصات انت ما تقدر تقول نزلو هذا التخصص والله عشان انت تشوفه زين ؟!.

ثاثا: ركز واستخير الله وبعدها استشير اصحاب العلم والخبرة وشوف وش يناسبك من تخصص ودولة وبعدين اعقلها وتوكل على الله لا تسوي شي تندم عليه طول حياتك.

والله الموفق

اسعد الله يومك اخوي

في نقاط اساسيه لازم تنتبها لها ياخوي
1- خذ شهادة بكالوريس من ضمن التخصصات المطلوبه في سوق العمل (ادارة اعمال , ماليه ,محاسبة, نظم معلومات , تسويق , طب , هندسة ....الخ ) واللغه راح تتعلمها في الابتعاث ...هاذي التخصصات راح تفيدك في عملك مستقبلا وراح تطور من شخصيتك وممكن راح تكتشف في نفسك مجالات وفرص ثانيه انت كنت غافل عنها ...

2-في حال لا سمح الله مابتعثت ..ممكن تدخل تخصصات قويه وتتعلم اللغة الانجليزيه بنفس الوقت عن طريق جامعة الملك فهد للبترول والمعادن وغيرها

3- اغلب الشركات بما فيها ارامكو تبي موظفين شهادتهم الاساسيه ( هندسة , ادارةا اعمال و ماليه و قانون و تسويق و محاسبة ...وغيرها ) بالاضافة الى اجادة اللغه الانجليزيه ...مايبون شهادة انجليزي لحالها !

4- اليوم فيه شركات كثييييير تعطي مزايا زي ارامكو واكثر..زي سابك و شركات الاتصالات البنوك ..وعلى فكره ارامكوا اغلب موظفينها الجدد متعاقدين عن طريق شركات ثانيه يعني مالها ذيك المزايا القويه زي قبل ..

5 - اذا ابد مصر على شهادة بكالوريس انجليزي وماتبي الا ارامكو ... صدقني بتصير موظف بسيط في الشركه لان أرامكو موظفينها الحاليين والي توظفهم لهم شهادات قويه بالاضافة الى اللغة الانجليزيه

عموما الله يوفقك وييسر لك ولا تصير زي ذاك الي سألوه من بنى الكعبه قال أرامكو !!! هههههههه


تحياتي

عجبتني هالجملة.. ممكن توضح لي يا أخ إياد كيف أنضميت بدون واسطة و بدون أمر؟

من قالك ان ارامكوا تبي شخص يتحدث انقليزي بدون مؤهل علمي؟

يعني لو مثلا انا تخصصي ادب انقليزي او لغات وترجمة انقليزي اروح اشتغل باارامكوا ؟

بالعكس ارامكوا واغلب الشركات حاليا والمستقبلية تبي موهل علمي + لغة .. ماتبي ثانوية + لغة

الحين 60% صاروا يتكلمون انقلش يعني بعد عشر سنوات من الان اتوقع يكون الاغلب يتكلم انقلش ..

مثلا لو انت رايح عشان تدرس انقلش بس وترجع لديرتك وتشتغل علمني بعد عشر سنوات او 15 سنة بتكون موجود باارامكوا او الشركات الاخرى ؟ وانت ماعندك موهل علمي .. دايما فكر بعد 10 سنوات وش بيصير بعد عشرين سنة بعد ثلاثين سنة ... ابنوا للمستقبل

يعني يااخي العصبي .. دور لك تخصص كويس تشوف نفسك فيه وتستمتع فيه بعيد عن بحثك للوظيفة ..

شف اهتماماتك وابني عليها تخصصك اللى تبي تدرسه اذا تبي تكمل جامعة ..

لان اذا درست تخصص عشان فقط تحصل وظيفة صدقني راح تجلس بنفس هذا التخصص طول حياتك وراح تمل منه اذا كان همك تجد وظيفة فقط ..

ابحث عن المعرفة والعلم ..

حين نصحته قال اني اتدخل فيما لا يعنيني!!!!!لم افهم التناقض بين طلب العون وتنكيل المعين!!!مسحت ردي وهاهو ردي يتضح من خلال ردودكم!!!!سبحان الله

هاهاهاها شوفو اللي قبلي اكثرهم جالسين يهددون <<<ماعندكم عقول مالكم شغل تهددون ههههههههههه امزح ياشباب
وانا على كيفي ادرس انجليزي مادرس بكيفي وانا بحث وفكرت اخذ يمكن مو اكيد هندسة كهربائية بس فيه شركات كثيرة مو محتاجتنها يعني يمكن مايقبلوني في شركات.

خلاص اعتبرو الموضوع اغلق

الله يوفقك وييسر لك في اي اختيار اخترته ...اهم شي عزم واجتهد عشان توصل ...موفق

في عامل ثالث اسمة " بفضل الله ثم بفضل امر ملكي "