ابي اسافر الى لاس فيغاس

اختي تعبت اجامل ،، أول شي مدري كيف زوجك بيخليك تروحين للاس فيغاس لحالك !
ثاني شيء ،، لاس فيغاس صحيح جميله لكن مدينه سيئه جدا ووصخه ،، يعني الواحد ليه يتحمل يشوف مناظر مقرفه من الشاذين واصحاب القمار والسكارى ،، ولاس فيغاس ترا كلها شارع واحد اللي هو الشارع اللي كله بارات وخراب ،، عندك كاليفورنيا ،، وعندك فلوريدا ،،عندك ميامي افضل المدن السياحيه بالعالم ،، مالقيتي الا لاس فيغاس !!
بعدين الدين مايسمح لك تروحين لحالك بدون محرم ! المحرم صيانه وحفظ لك ولنفسك ،،
وسلميني على زوجك اولا واخيراً َ!

اخوي انا اول مرة اسمع انها وصخه وحق قمار واتوقع كل الولايات نفس الشئ
انا قلت حق زوجي يروح معاي بس مو راضي لان هو ما يحب السفر واجد
المهم قالي شوفيلك وحده بنت حلال وروحي معها مشكله البنت اذا حطت شئ في راسها صعب تشيله
واذا ممكن تعطيني مدينه نفس مواصفات لاس فيعاس

عندك ميامي يا أختي ،، مدينه سياحيه بالدرجه الأولى ،، فلوريدا بكاملها سياحيه ،، فيها ملاهي دزني العالميه على ما أعتقد في اورلاندو ،، عندك كاليفورنيا ،، ايضا ولو أن فلوريدا أنصح بها اكثر من كاليفورنيا ،، لاس فيغاس مشهوره بالمنكرات ،، اذكر شفت برنامج وثائقي عنها ،، أن كلها زنا وقمار ومصائب ! يعني ماعتقد انها سياحيه لاس فيغاس عشان تروحين لها ،،انا انصحك بفلوريدا ،، وابحثي عنها والله تندهشين من الجمال اللي فيها خصوصا الحين صيف وفله هناك ،، الله يوفقك

لاس فيغاس حلوه خصوصا لك كبنت فيها اماكن كثير للتسوق بس احسن شي تورحين وقت يكون فيه حدث او فعاليات و ترى حدها يومين ثلاثه بالكثير اكثر من كذا راح تملين. اذا تفكرين تسافرين مدينة ثانية روحي نيويورك اذا ما عمرك رحتي نيويورك.

بداية انا عمري ما طبت لافيقاس
ولا يهمني رحتي مع محرم وإلا ما رحتي
لاس فيقاس ما فيها غير شارع واحد كله فنادق وصالات القمار وخرابيط

المدينة لا تتوقعين ان فيها اي منظار جميله ... صحيح المدينة جميلة وفنادقها حلوه ... بس مناظر طبيعيه ما فيها شيء حلو
اصلا ولاية نيفادا ما فيها غير مدينتين رينو ولاس فيقاس والباقي خلى خالي ومناطق جبلية ... روحي على ولابة كاليفورنيا فيه لاس انجلس سانفرانسسكو سان ديقو ... وغيرها من المدن الحلوه
اطلعي على فلوريدا روحي ميامي روحي ديزني
تصرفي في حياتك

لاس فيغاس؟؟ مدينة كلها خراب ودمار ونسب الايدز منتشره فيها بشكل كبير لانه مدينة خلاعه نصيحة لوجه الله لاتروحين لها عندي ولاية كاليفورنيا ولا فلوريدا ولا عندك مدينة سياتل في ولاية واشنطن شمال غرب مدينة روعه نظيفة وفيها مناظر طبيعية خلابة ولا فيها فسق ودعاره

الامريكان انفسهم يسمونها
Sin City
مدينة الخطيئة
اتوقع مايحتاج كلام اكثر من كذا

حتى انا من راي اخواني .. روحي فلوريدا ماراح تندمي اورلاندو.. تامبا

ماراح تملي .. اما لاس فيقاس ماانصحك فيها .. خذيها من اختك

وعليكم السلام

والله هي مدينه جميله ويسمونها مدينة الخمور والالعاب

بس نصيحه راح تعافين ديرتك لانها جميله بس مااتوقع تصلح للبنات

راح تنبسطين كثير فيها

لوتبين مترجم ترى ماعندي مشكله

مع تمنياتي لكي بسفر سعيد وعودا حميد
راجعي نفسك اذا تبين مترجم