مقابلتي قريبه الله يخليكم سوى خير لو مره بحياتكم!

الله يهديك على هالاسلوب وليه تدعي على البنت المسكينه ياريت تسحب دعوتك ترا مهوب زين لك وترا كلنا هنا نحب نساعد بعضنا الا من شذ ولا هو عيب فيهم بس الناس اجناس
بالنسبه للسفاره
انت لا تقول لهم شي عن الزلزال والتحويل لانهم مايهمهم انت وين درست ووش صار عليك واتوقع انهم فاهمين السبب بدون سؤال الا اذا سالوك جاوبهم انك كنت طالب هناك وبسبب الزلزال حولت
يعني ترد عليهم على قد السؤال بسسس ولاتدخل بالتفاصيل

أخوي الغالي عبدالعزيز ...أتمنى لك التوفيق والنجاح

بالنسبة للموضوع السفارة خليك صادق معهم في كل شي

ولا تحاول تخفي عنه أدنا معلومة وخليك هادئ ومبتسم في المقابلة ولا تنسى أوراقك أخذها معاك

والأهم من ذلك جاوب على قدر السؤال الى يسالونك فقط

بالنسبة للأخت أرجوك عزيزي لاتدعي على أخوك المسلم وتذكر أنهم طلاب مثلك مثلهم ويكونون

مشغولين في أمور الدراسة مو معناه أنه تجاهل ولكن لا يملكون الوقت في الدخول للمنتدى والرد

الله يوفقك وان شاء الله الفيزا من نصيبك

شاكر لكم على المساعده وبحاول اجاوب على قد السؤال وخير انن شاء الله
اما بالنسبه للدعوه والله ناس تستاهل بصراحه مدري ليه احسهم لمن تسألهم مساعده كانك تاخذ فلوس منهم!!
والله يستاهلون الدعوه وش بيتعبك لو كتبت كم كلمه وتفيد فيها اخوك المسلم!!

والمشكله بعضهم مخلصين المقابله وماخذين الفيزه بس مايحبون الخير ولا ودهم الناس تستفيد

لا تقولهم سالفة الزلزال .
وخليك هاديء وطبيعي وجاوب على الأسئلة بطلاقة لا تقعد تفكر قدامهم وامممم امممم
وبرضو لا تنط بحلقه خليه يخلص سؤاله للآخر وبعدها جاوب على كل الأسئلة بصراحه وبثقة
وصدقني "المقابلة"هي اسهل شي وأبدا ما فيها تعقيد لو بتقعد تسمع كلام النت
هذا انرفض وهذا مدري وشو راح تتعب صدقني
نصيحتي لك حدد هدفك قدامهم يعني قول بروح ولاية كذا عشان ناوي أقدم بجامعتها الفلانية طبعاً لو انت عارف ولايتك الي بتروحلها
أرجع وأقووول خليك طبيعي ترى والله سهالات وتراها "إجراءات روتينية"
والله يكتب لك الخير

H|Z

يعطيك العافية اخوي بس لو سألني عن سبب ذهابي لامريكا ماقدر اكذب والسبب الصحيح انني فعلا ناقل علشان الزلزال في نيوزلندا
واشوف انه الدراسه افضل في امريكا ماعندي غير السببين ذول ..

والله يعين اكيد لازم اكون هادي ومافيه شي ان شاء الله عموما انا عارف ولايتي اللي بطلع لها اريزونا مدينة فلاجستاف

خلك هادئ ومبتسم ووسع صدرك وجاوبهم على قد السؤال

اهم شي جيب معك كل الأوراق المطلوبة والموجودة في موقع السفارة لا احد يلعب عليك ويقول لك هذي ورقة مو ضرورية والا مو مهمة

ترا احيانا تطيح لك في علة ويسألك عن كل اوراقك خصوصا اذا كانت أمرأة

بس ياحبيبي ماودي انك دعيت على أختنا واختك ترا كل انسان وظروفه

اول شي عزيزي هد نفسك انت مبتعث ولا يجب عليك ان تدعي علا فلان وفلان
اليوم انت تسئل بكرى تختفي ؟؟؟ السبب ظروووف ونفس السبب بيمر على الكل
ونا بجاوبك على اي سؤال يخص السفارة الامريكية ...
اول شي لاتتردد ولا تخاف دام السفارة اللي تقابل فيها بالظهران لان اللي فيها استقعاد شوي اللي بالرياض
وبالتحديد كونتر 9 والاغلب يعرفون من خلف الكونتر 9
المهم لاتجاوب على شي ماسئلوك عنه واذا انت خلصت لغة بس بنيوزلندا قلهم رحت اخذ لغة لانها ارخص فقط
كذا تبعد عن الزلازل وانتبه تغلط وتحاول تلعب عليهم بسؤال لان هم اسهل شي عندهم يردونك
مثلا قالوا لك وين سافرت قولهم جميع الدول اللي زرتها؟؟؟
اسئلتهم الباقية سهلة وين رايح واي ولاية واي مدينة
وش راح تدرس هناك ؟ وليه اخترت امريكا ؟
من راح يصرف عليك ؟
واسئلة بسيطة ولا تجيب طاري زلازل وشي خلك عادي

وليه يكذب ويقول ارخص ومدري ايش!!!!!ليه هو الي سوا الزلزال!!!!!
يعني السالفه ترا ماستاهل كل هالتعقيدات والمقتراحات!!!!

السلام عليكم ورحمة الله وبركاته

أبد وانا اخوك خلك صادق معهم، وهم ناس فرندلي وطيبين وان شاء الله امورك في السليم ولا تخاف ولا ترتبك ترا كل شي طيب و وضعك بحول الله منتهي بكل خير


تمنياتي لك بالتوفيق و السداد