مساعدة الله يخليكم سفري قرب وقربت للجنون

الله يخليها لك , انا مو متزوج , بس بقولك وجهة نظري ,
اذا بتخلي البنت في السعودية الافضل تكووون امها معها , لان البنت راح تصل لمرحلة الادراك وافضل شي تكونو معها

اما اذا زوجتك معاك في السفرة فانصحك تشيلها ,
وجهة نظر ...

خخخ شككتني فنفسي انا امها وانا وزوجي رايحين ندرس ماستر
وبخليها عند جدتها قصدي

انا مو متزوج لكن رايي الي ذكرتيه لنا ان بنتك عمرها 3 سنوات وبالعكس في هذا السن فيها شقاوه بس مو الى درجه تخليها ماتاخذينها معاك! لان هذا بياثر بنفسيتك اول شي , لانك رايحه تدرسين مو ناقصه تفكير في بنتك او شي ثاني , انا اعرف الام كيف تفكر , فنصيحتي خذيها معاك ,
والي سمعته من الاخوان المبتعثين انه فيه مربيات وكل شي ,
وبالنسبه للبرد او الحر اركانسس اعتقد ان جوها معتدل وتراها مدينه صغيره.
وبعدين فرصه لها تطقطق انجلش .خخخخخ
وطبعا في الاول والاخر لاتنسين صلاه الاستخاره.
الله يوفقكم تروحون وترجعون بالسلامه

حتى جدها يقول خليها لاننا ماراح نعرف ندرس ابد وانا اخاف تعصبي وامديدي عليها لوبسيط يمسكوننا ولا ياخذونها مني مثل القصص اللي سايره اللحين

انا اشوووف انوو تخليها كمـ شهر اول فترهـ يعني بعدين تاخذووها معكمـ
( انا ماني متزوج وما اتوقع عندي الخبرهـ اني اتكلمـ بالشي هذا بس حبيت اعطيكي رأي )

سلااااااامـ

هو انا ناويه اتركها بس فترة اللغه لان عندنا نيه نغير المدينه

شوفي انا باقولك الحل المقنع وبأسباب ايضاً ،،
مثل ماقلتي أن بنتك شقيه يعني غثيثه ،، وانتم هناك عساكم تضبطون أرواحكم وتشيلون أنفسكم ،،
ثاني شيء ،، طبعا هي شقيه ويمكن تكسر شي ولا تصايح ولا تنحاش وبيجي ابوها الكريم يلحقها ويحسب نفس بالسعوديه وبيمعط شعرها ولا بيطقها على يدها ولا يقرط اذنها ،، طبعا في امريكا ماعندهم هالأشياء لالالا ،، يحطون أبوها في السجن ويتهمونه بعد لأن هناك عندهم حريه لو يسوي الطفل مايسوي مايحق له تمد يدك عليه ،، على فكره حتى لو يهاوشها مشكله ايضا لأن عندهم حقوق الأطفال بشكل كبير موب زينا ،، يا ما تصفقت في العثيم عشان جالكسي ومارس !
خليها عند أمك ولا يهمك ،، واذا ضبط كل شي جيبوها وتنتهي السالفه ،، ولا جيبيها وحطيها في الشنطه وقفلي عليها ههههه

لا تفكري تتركيها

هي راح تستفيد أكثر منك

شوفي انا متزوجه ومبتعثه وام اطفال ااناا لو مكانك حسب شيئين
اولا - اذ كنتي تقدرين تصبرين عنها يعني اكيد بيضيق صدرك عليها بس تقدرين عادي تتجاهلين شعورك وتدرسين بدونها خليها
ثاني شي - اذا كانوا اهلك من النوع اللي ينتبه للاطفال خليها يعني بما انها شقيه يبيلها احد عينه عليها 24 ساعه
اذا توفروا هالشرطين خليها ليش
منها تركزين اكثر علي دراستك انا كلما تعب احد من عيالي غبت وهناك الاجواء والفيروسات اكثر من السعوديه خاصه اذا كانت مناعتها ضعيفه واكيد بتحطينها بدي كير وكل الاطفال يعادون بعض مايمر اسبوع الا واحد منهم مريض
ثاني شي توفرين ماديا ترا الحضانات غاليه 600 بالشهربالدولار
بس اذا ماتقدرين تصبرين بدونها او ان عقلك بينشغل بالتفكير فيها خذيها لوهي شقيه في الدي كير ياخذونها من 6 الصبح ل6 المغرب ترجع دايخه تدور النوم
غير كذا قلبك ماينشغل عليها قدام عينك ان مرضت اولا
مادري انا والله ودي ارجع كل عيالي السعوديه ماثرين علي دراستي ومكلفيني ماديا جدا بس بصراحه مااقدر قلبي مايطاوعني رغم انهم مثلها الله يهديهم اشقياء