محتاج رااايكم وابي مشورتكم الجميع يدخل بمشاركتكم ممكن تزيلو الهم والحيرة الي انا فيها

April 24th, 2011, 08:07 PM

السلام عليكم ورحمة الله وبركاته

اخواني واخواتي اعضاء المنتدى

كيفكم ان شالله الجميع بخير

اابي مشورتكم وابيكم تشاركوني برايكم وعلى كل شخص يبدي رايه ونصيحته لي

حيث اني محتار وفي حيررره والله يكتب لنا الي فيه خير والرسول صلى الله عليه وسلم وصى بالمشوره واخذ الراي

انا لي اكثر من 6 شهور وانا احاول اخلص اوراقي واكمل مسيرتي التعليميه ولا الله وفقني بالانظمام لبرنامج خادم الحرمين وقررت اني اكمل على حسابي وجمعة فلوس وبعت سيارتي
واحترت في اكثر من ولايه وفي الاخير ماقصرو بعض الاخوان والاخوات ساعدوني على ولاية فريجينيا ودلوني على معهد وبرضووه مالله يسر لي القبول يطلع بدري المهم طلع القبول بعد ماتعبت بعد قرار الملك بظم الطلاب بيوم
المهم حجزت موعد في السفارة وكان بيوم 29 / 3 وكان موعد دراستي 11/4 ولحد الان ماطلعت الفيزة وطلبت تئجيل موعد الدراسة
المهم انا معي بكالوريوس في علوم الحاسب
ودرسة معلم متعاون في خدمة المجتمع لمدة عام وهذا كان الدافع لي اني اكمل الماجستير
وكنت برضوة مدرسة في برنامج محو الامية ( تعليم الكبار ) واليوم الملك الله يحفظة صدر قرار ملكي بتعيين جميع المتاعقدين معهم في برنامج محو الامية

والان انا محتار وبين رايين
الراي الاول
- اقول اروح لمريكاء ودرس على حسابي وان شالله يظموني للبعثة وكمل الماجستير وممكن الدكتورا وبعدين ارجع لبلدي وواخدمة وحصل وظيفة مرموقه - على اني احلم اني ارجع مدرس في الجامعه
والي مئيدني على الراي هذا ( 1- مدري متى يظموني في التعليم وخايف اني اجلس انتظر التدريس وفي الاخير ياخذ سنه او سنتين لان الايام هذي صاير تلاعب في القرارات 2- امنيتي اني ادرس في الجامعة لاني حبيت مهنة التدريس في الجامعة )

الراي الثاني :-
- اقول اجلس هني وانتظر انهم يطبقون القرار ويرسمونا معلمين
والي مئيدني على الراي هذا (1- وضعي المادي مو هذاك الزود وفلوسي ممكن ماتجلسني الا 5 شهور ( والمثل يقول عصفور في اليد ولا عشره على الشجره) 2- اقول اجلس هنا وممكن معى بداية العام الدراسي يرسموني ( يعني بعد 4 شهور ) ومنها اسلك عدة طرق
1- اطلب تعييني في القريات او الرياض او اي منطقة فيها اقدر اكمل الماستر في تخصصي
2- اكمل الماستر في نفس تخصصي فتره مسائية
3- بعد ماخلص الماستر اقدم على برنامج الابتعاث ووممكن الله يوفقني وكمل الدكتورا في الدول المتقدمة
4- او اذا مالله وفقني ببرنامج الابتعاث اسلك الطريق الصعب الي هو يكوون مضى علي في التدريس 3 سنوات ويحق لك تاخذ اجازة بدون راتب ومنها اروح اكمل الدكتورا

الجميع ابيكم تشاركوني براي

كلن يدلو بدلوه

الله يوفقكم ان شالله

• نشر عبر تويتر
• نشر عبر فيسبوك
• نشر عبر جوجل