30 الف تكفي لين الالحاق ؟!

الله يجزاك الف خير اخوي oska88 بصراحة افدتنا

يا أخي الكريم....

يوم انك تدري ان معهد ELS فاشل و غالي... وراك ما تعلم الناس المعهد اللي أفضل منه؟؟؟

شكرا

جيب امر اركاااب وبطرف اسبوع تدخل بالالحاق

توكل على الله واطلع ادرس في امريكا ولو معك 20 الف ريال لييين تطفر ارجع السعودية وإن شاءالله تجيك البعثه حتى لو انت في السعودية جالس بس اهم شيء فاتح ملف في الملحقية وامورك كاملة
او تعال معك شهادة التوفل وابدأ الدراسة في الجامعه وحينها تنطبق عليك شروط الأبتعاث وتنظم إن شاءالله

وش سالفة امر الاركاب ؟!!! هل الحصول على امر الاركاب يعد خطوة جيدة للحصول على الالحاق !! شكرا لكل من تفاعل مع الموضوع

يب ..
امر الاركاب يعني الحصول على تذكره على حساب الوزاره بكذا تضمن الالحااااق 99.9 % ...
كل اللي اعرفهم جابو الامر الالحااق ماقعدوا عشر ايام والتحقوا ...
طبعا امر الاركاب اصلا لطلاب المبتعثين المقبولين بالبرنامج بس اللي معه وااسطه ياخذ امر الاركاب
والحق على عمرك حنا بطفرهـ تعليميه ولا الميزانيه ماشااءلله تسد وزود ...
//
الغالب مايعطونك امر اركاب الا اذا جبت قبول معهد و جامعه معترف فيها من قبل الوزاره وماعليها ملاحظات
’،
العطيه يستقبل المراجعين سبت / احد/ اثنين الفتره الصباحيه فقط طبعا تعاال قبل 7 ونص عشان تحجز رقم ...
ترا بعد 9ماراح يستقبل حد ...
قدم معروضك ماراح تشوف العطيه من غير معروض ..
وجب شخص كبير في السن العطيه يقدرهم ... ولا وااسطه اسندها مع المعروض ...
//
الوزير يستقبل بعد الظهر و احيانا على 11 حظك نصيبك ... ومو دااايم بعد!

الله يوفقنا ويااااك

تسلم اخوي msk .. الله يوفقك وين ماتروح يارب

اخوي منتولا وكل الله وروح والله ماراح يخليك ترانا بنروح وما معنا المبلغ اللي معك اللي يزيدك

اليوم انا في الغدير واسمع واحد يكلم موظف عن الانضمام طبعا كنت ذاب اذني عليهم ههههههه

قال له الموظف اذا بتروح امريكا بتنضم بسرعة لأن أمريكا مستنثناه من استنفاذ الشروط الخاض للإنضمام للبعثة اللي هي اجتياز اللغة ودراسة عدد محدد من الساعات


انت اللي عليك انك على قولة الهندي انتا سوي دعاء

هههه .. تسلملي كلام كليم ... والله انك حمستني

الأخت منتولا
السلام عليكم
نصيحتي لك ، حاولي تدرسي اللغة في السعودية لأنه ما في فرق في دراستها في السعودية وهنا لأنه هنا مليااااااااااان سعوديين وسعوديات . جيبي درجة 550 أو حتى أقل بس أهم شيء فوق 500 وبسهولة راح تحصلين إن شاء الله قبول نهائي في جامعة معترف فيها من الملحقية وأول ما يجيلك القبول النهائي تعتبرين نفسك ملتحقة بالبعثة حسب القرار الوزاري الأخير .
أما بالنسبة للمبلغ اللي معك فأظن يكفيك على أقصى أقصى تقدير أربعة شهور <<< هذا لو كنتي ناشفة وماسكة يدك مررره .
أقولك المصاريف بالنسبة لولاية فلوريدا اللي أنا موجود فيها وهي تقريبا متوسطة أو حتى أقل من متوسطة في الأسعار سواء المعهد أو السكن أو المعيشة :
المعهد : كل سبعة أسابيع يعني تقريبا كل شهرين 1675 دولار وفوقها تأمين طبي إلزامي قرابة 130 دولار وفوقها كتب بقرابة 150 دولار يعني الطبخة كلها حدود 2000 دولار يعني في الشهر الواحد 1000 دولار .
السكن : إذا سكنتي مع عائلة فتقريبا 500 دولار وإن سكنتي في سكن عادي فتقريبا 600 + انترنت 100 + كهرباء وموية 60 <<< هذا بالمتوسط والغالب ، يعني الحسبة في الشهر تقريبا 650 دولار .
المعيشة : تقريبا 600 إلى 700 دولار ويبغالك فوقها جوال لكن عموما في هالمتوسط .
غالبا راح يكون معك أحد الأقارب فاعملي حسابك على 500 ثانية .
المجموع الشهري : 1000+650+600+500 = 2750 دولار بالشهر يعني قرابة 10000 ريال شهريا يعني فلوسك تمشيك ثلاثة أشهر وإن قحرطتي ونشفتي مرررره بتمشيك أربعة .
بينما بالثلاثين هذي تقدرين تجيبين اللغة بشكل أكيد بإذن الله من السعودية وتجين جاهزة وتدخلين مباشرة على الدراسة الجامعية وتلتحقين مباشرة بإذن الله .
إن شاء الله أكون أفدتك .