كيف أتصرف لأزالة الهولد و العودة للمعهد الذي كنت فيه

السلام عليكم ،

أنا كنت أدرس بمعهد ELC بجامعة ODU
أضطريت آسفة لأن أسوي ترانسفير للمعهد التابع لجامعة VCU بشهر يناير
و عطوني قبول مشروط ، وأخذه المحرم للملحقية وأعتبروا بالقبول المشروط للجامعة ..
مريت بظروف جداً قاسية و أضطريت أغيب عن المعهد .. وحطوني الملحقية على الهولد ..

الآن ، والدي و أختي جايين على ODU بعد شهر ..
أختي معها قبول من المعهد بجامعة ODU ..

كلمت المشرفة حقتي وقلت لها أني أبي أرجع لمعهد ELC بجامعة ODU ..
أرسلت لي ملف مرفق سكان لورقة مكتوب عليها بخط اليد "لايحق لها الأنتقال إلى ODU عليها البقاء في VCU" ..
رجعت أرسلتها ليه ما أقدر؟
قالت لي هذا قرار المدير الأقليمي .. راجعيه إذا عندك أي أسئلة ..

قالوا لي إذا المُدير الأقليمي هو اللي مقرر هذا .. ما نقدر نعيد النظر في القرار إلا بقبول مشروط ..

الحين أنا طلبت ضمان مالي لجامعة ODU من المشرفة عشان أجيب منهم قبول مشروط ..
وإلى الآن ماردت ..

بما أنو علي هولد عادي تعطيني ضمان وأنا علي هولد مافيه مشكلة ؟

شي ثاني في حال ما وافقت تعطيني وقالت لي ما تقدرين ترجعين للـ ODU ..
وش تقترحون علي أتصرف ؟

خصوصاً أني لازم أكون هناك عشان أختي و أبوي جايين هناك قريب ..
هل أرسل لهم الـ i-20 حق أختي إثبات إنها راح تكون هناك ؟

تقترحون أروح بنفسي للملحقية و أحل الموضوع ولا كيف؟

من جد ما أشوف أي سبب يمنع أني أرجع هناك .. وإن كان عندي قبول مشروط من VCU !
وبعدين بالنسبة لهذا القرار اللي مكتوب باليد ولا في أي أسباب تشرح ليه ولا هي ورقه رسمية أبداً مو داخلة مزاجي ..!

أتمنى ألقى حل منكم ولو مساعدة بسيطة