مساعدة الحوامل وراحو لأمريكا او واحد زوجته حامل وراح لأمريكا تكفون ساعدوني بخصوص التطعيمات

انا في امريكا الحين وجايه وانا حامل
ولا طلبوو مني تطعيمات ولا شي

واذا قالولك عن التطعيم قوليلهم انك حامل ولا اقدر اطعم ...وهم متفهمين الوضع ...مومعقوله بيجبرونك وانتي حامل ..

وانا اذكر التطعيمات للجامعه مو للمعهد ...والله اعلم ...

الله يوفقك ويوفقني ..ادعيلي بتسهيل اموووري

محد طلب يطعمني ابدن لاتخافي

طيب انتم المعهد تابع للجامعه والا منفصل ؟
لأن قالو لي اذا هو تابع للجامعه لازم التطعيم

انا خوفي يرفضون ادرس الا اذا طعمت وهناك عاد اضطر ارجع لأن ممنوع اجلس هناك بدون دراسه اكثر من 6 شهور ؟

وش رايكم أجل والا ما أجل ؟

ربي يوفقكم يارب وين ماتروحون

ترا اذا اجلت بكون ان شاء الله اذا الله اراد بالشهر السابع تعتقدون الدراسه وانا بالشهر الرابع اخف والا بالسابع والله اني في حيره

وعليكم السلام

أنا ادرس في جامعة و زوجتي في جامعة اخرى ولا احد مننا طلبوا منه عمل تطعيمات ولا شيء من هالقبيل
لكن احتياطا جيبي معك كرت التطعيمات الخاصة فيك

تحياتي

مايطلبوو منك تطعيمات ....

وجيبي معك دفتر التطعيمات احتياااط مثل ماقال الاخ..

أنا جيت وزوجتي كانت حامل
وطلبوا منا ثلاث تطعيمات إلزامية وواحد اختياري
Tetanos تيتانوس
Hebitites B الكبد ب
MMR ويسمى الثلاثي: الحصبة والنكاف والحصبة الألمانية

والاختياري: الحمى الشوكية
لكنه إلزامي للي بيسكن في سكن الجامعة

بكل بساطة:
زوجتي ألغوا عنها التطعيمات لأنها حامل
وأنا أعطوني تيتانوس والكبد
وأجلوا MMR لحد ما يكون عمر المولود 3 أشهر


أول ما توصلين راجعي عند طبيبة نساء وولادة
واطلبي منها ورقة للجامعة بها الشي..
وبسهولة يعطونها
أنا أعطوني ثنتين
وحده لي (عدم إعطائي MMR) والباقي مسموح
والثانية لزوجتي (عدم إعطائها أي تطعيمات)


التيتانوس لازم ياخذه الشخص كل 10 سنوات، يعني لو كان مكتوب في شهادة الميلاد إنكم ماخذينه لازم تاخذونه عندهم..
وMMR يشترطون يكون في شهادة التطعيم إنكم أخذتوه ثلاث مرات بين كل وحدة والثانية مدة ما أدري كم...لكن ممكن تطلبون تحليل إذا كان عندكم مناعة منه أو لا، وهذي سهلة، أنا صار عندي مناعة من الحصبة والحصبة الألمانية، لكن للأسف النكاف ما صار عندي مناعة منه، فلازم آخذها.. لكن بعد المولود ب3 أشهر إن شاء الله..