ارجو المساعدة في البحث عن تخصص Safety, Health & Environmental Management - BSc (Hons)

تفضل اسم الجامعه / West Chester University of Pennsylvania
اسم التخصص / Public Health Environmental
رابط التخصص في الجامعه / Environmental Health - West Chester University
بالتوفيق ان شاء الله

حياك الله اخوي ..

انت جربت تدخل على موقع وزارة التعليم العالي وتطلع تخصصك في الجامعات المعترف فيها؟

لانه الموضوع جدا سهل وتفضل الطريقه :

ادخل هالرابط نظام الجامعا الموصى بها - تنبيهات

1-الدوله.

2- اختيار الولايه والمدينه. ( ثم بحث )

3- الدخول على الجامعات عن طريق للسته التي سوف تظهر لك.

4- البحث عن التخصص.( انصحك لا تكتب التخصص في الايقونه التي بتطلع لك على اليسار حاول تدخل على الجامعات وتشوف بنفسك )

وعلى فكره كل هذا البحث بتسويه وانت موجود في موقع الوزاره, وبعد ما تحصل التخصص المطلوب تقدر تدخل على موقع الجامعه وتراسلهم.

والموضوع ان شاء الله ميسر دامك كنت في بريطانيا وعندك لغه انجليزيه.

الله يوفقك واعذرنا على القصور.

عزيزي مشارك1.. الله يعطيك الف مليون عافيه وماقصرت على تفاعلك.. لكن للأسف هذا موب التخصص اللي انا ابيه هو مشابه له تقريبا في السنة الاولى فقط اللي انا درستها لكن بعدين يتغير مسار الدراسة

عزيزي alsohaib.. مشكور جزيل الشكر على شرحك الوافي.. الحقيقة انا بحثت عن طريق موقع الوزارة بس مالقيت فيه الشئ الكثير.. تقريبا كل النتائج كانت نفس التخصص اللي جابه اخوي مشارك1..
انا الحمدلله لغتي ميه ميه بس انا مستغرب مافيه موقع يربط الجامعات في امريكا تقدر تبحث فيه عن طريق اسم التخصص!!
في بريطانيا عندنا موقع اسمه UCAS ياشيخ يطلعلك حتى لون شرابات الدكتور اللي بيدرسك التخصص

العذر منك اخوي الكريم .. ما عندي علم بالمواقع الي مثل كذا لكن ان كتب الله لي عمر راح اسأل بكره لك بعض الطلاب بالجامعه وان شاء الله يفيدوني في هالموضوع.

بس المهم اني اتذكر . لان هالايام اختبارات فاينل دعواتك لنا .

الله يوفقك ويكتب لك ما فيه الصلاح.

الله يوفقكم دنيا وآخره ويجزاكم خير..