ارجو المساعدة في الحصول على قبول ماستر هندسة كيميائية

وعليكم السلام ورحمة الله وبركاته
والله ياخوي ما اعرف لكن انا ابغا استفسر منك انا الحين بدرس برا بكالوريوس هندسه ولكن محتار بين هندسة البترول وهندسه كيميائيه ياليت ادا تقلي ش احسن من ناحيت التوظيف والرواتب
وربي يوفقك وتحصل احد يساعدك
بتوفيق

check this school
University of New Hven

والله يالغالي بالنسبة لي انا اشوف ان الهندسة الكيميائية اكثر وظائف. عندك شركات البتروكيميات كثير مثل شركات سابك وغيرها. وبرضو عندك شركة ارامكو راح عندهم مشروع كبير للبتروكيماويات . عندك مصفاة ارامكو والشركات الي داخله شركه مع ارامكو مثل ساسرف وسابرف وبترورابغ ولوبرف. بروضو عندك معامل الغاز حقت ارمكو فيه يمكن 4 او اكثر وكل معمل يحتاج عدد مو بسيط من المهندسين الكيميائيين.

غالبا المهندس الكيميائي يقدر يشتغل شغل مهندس البترول لكن مهندس البترول صعب انه يشتغل في مجال البتروكيميات. واذا انه حصل وتوظف فهو نادر وبيكون صعب عليه.
مهندس البترول شغلاتهم غالبا تتعلق بحفر ابار النفط وصيانتها والتحكم بالحقول حقت النفط. الشركات الي تتعلق بهذا المجال مو اقل من الشركات الي تتعلق بشغلات المهندس الكيميائي.
بالنسبة للراتب غالبا نفس الشي مايفرق ابدا. لكن مهندس البترول زي ماقلت لك نسبة الوظائف المتوفره اقل من المهندس الكيميائي.
التخصصين مطلوبين جدا لكن الفرق بالوظايف المتوفره.
بالنهايه هذاي وجهة نظري الشخصيه من واقع السوق المتوفر بالسعودية وعلى فكره المهندس الكيميائي يقدر يشتغل مهندس سلامة ,مهندس بيئة, مهندس تحكم, مهندس عمليات, مهندس انابيب. انا انعرض علي برضو وظيفه مالها دخل بالهندسة الكيميائية كلها تسويق و رابتها كان مغري بس انا كنت في ارامكو واشوف انها خبرتها احسن والتدريب والتطوير فيها احسن.
شركات هندسة البترول على سبيل المثال عندك شلمبرقير, هلبرتون, اطلس بيكر, واكبرها شركة ارامكو. يعني معدوده.
انت فكر بالموضوع واستخير واذا عندك اي سؤال لا تتردد حتى لو تبي تدق علي ماعندي اي مشكله ارسلي رقمك وراح اخدمك بالي اقدر عليه.
اتمنى لك كل التوفيق
اخوك عبدالله

والله انشالله راح اقدم عليها ولو انها منطقة بارده جدا بس لازم بقدم على اكثر من جامعة

الله يعطيك العافيه يالغالي وماقصرت
اخوك عبدالله

اتمنى من الاخوان الي عندهم خبره يفيدوني اكثر
ويعطوني اسماء للجامعات الي فيها نفس المجال
وكل الشكر للاخوان الي ردو على استفساري