محتاره واحس بتانيب الضمير

عني أنا .. ماعندي مشكلة في ذلك ( لو إني مكانك ) .
هم عارفين انه يالله يكفينا ولا هم راضيين يزودونه .
وفوق هذا قائمين بالتبرعات بمساكن ومليارات الريالات والدولارات لدول العالم شرق وغرب !! مع ان الأقربون أولى بذلك المعروف .

وإذا في مشاريع داخل البلد تعتمد متعتها على المحسوبيات والمصالح . والمستضعفين المستحقين ( ياكلون اللي مانيب قايل ) ..

عموما .. زي العادة .. كثير مننا طلع عن الموضوع والسؤال الرئيسي لصاحب الموضوع .. وزي العادة نشطح ونفتح مواضيع أخرى ..

إنتي سألتي عن موضوع الراتب وليس المحرم !! ..

لذلك بقول لك ( إن كنت مكانك ) خصوصاً وصلت وتعبت للمكان اللي وصلت له .. إني راح أسكت على الموضوع وأخلي هالراتب يمشي .
وممكن أخليه يتجمع ويكون تحويشه لوقت الضيقة ( الله يجيركم منها ) ولكن الإحتياط واجب .

لأن من الممكن الموضوع هذا يفتح باب إلغاء البعثة - لأنه يُـشترط المحرم خلال وقت الدراسة حسب النظام المعمول به في وزارة التعليم العالي بخصوص المبتعثات .

خصوصاً وأن لديكِ حل شرعي ولا يمنعك ذلك من التأكد كما أرى .

الملحقية حتعقدلك الموضوع اكتر مما تتخيلي لانو من الشروط ان المحرم يكون على طول معاكي
واذا حيجي زوجك وبنتك كل شهرين مرة حتتصرف رواتبهم في تذاكهم و مواصلات المطار والملحقية ماتصرف التذاكر اللا كل تقريبا 9 شهور يعني في الاخر انصرفت عليهم
بس احرصي تسكني جنب بنات سعوديات مع ايائهم عشان حتحتاجيهم او تسكني مع بنت لانو في كتير زيك

الاي اعرفه مستحيل الملحقيه راح توافق علي اكمال دراستك ومامعك مرافق هذا الاي اعرفه ام من ناحيه الرواتب ماعندي اي فتوي ولا ابي ادخل بمتاهات لكن ردت عليك الاخت الاي فوق تقولك قبل كل شي هل يجوز انك تقعدين بدون محرم هيناء الكلام
بالتوفيق

اذا سالت شيخ راح يترك موضوعك ويقول لك حرام تجلسين لوحدك وين محرمك اقطعي بعثتك وارجعي، وإذا ارسلت للمحلقية ربما تفتحي على نفسك ابواب مسكرة، اقتراحي اختي حسب ما افهم وضعك أنه مؤقت وزوجك يأتيك من فترة لأخرى واستري على نفسك ولا تبلغي أحد لأنه كل واحد وظروفه ، ولو جاك سؤال من الملحقية مثلا وعرفوا الموضوع تكلمي بالحقيقة دون اخفاءها لكن ما دام ما احد سأل لا تفتح على نفسك أمور ما لها داع -يا ايها اللذين آمنوا لا تسألوا عن أشياء إن تبد لكم تسؤكم- والله يوفقك.

ههههههههههههههههههههههههههههههههااى

<-= هذا العضو ميت ضحك والله شعب منتهي عليكم ردود مادري وش تبي ههههههههههههههههههههههههههههههههه

شوفي وانا اخوك ماحد فينا يقدر يحلل ويحرم وفوق هذا مايصير انك تاخذين كلام احد سوا بالحلال او بالحرام غير موثوق به

يعني لازم بالحلال والحرام تسالين عضو في هيئة الافنتاء وهذا امر من ولي الامر الملك عبدالله بن عبدالعزيز حفظه الله

يعني وانا اخوك خليك من المنتدى وردودنا وانتي ونيتك

لكن السوال: زوجك وش عنده بالسعوديه ليه يرجع اساسا؟
وبنتك شلون بيربيها هناك وهي شلون بتصبر عنك وانتي وشلون بتصبرين عنها
واما الملحقيه يدرون عن كل شي وكل طالب عنده ادفايزر وع حسب المزاجيه
بعض الموظفين معقد وينشب لك وبعضهم يدري ويسكت ويمشي الموضوع ولا كانه صار شي
وبعضهم يقول حرام نقطع عليها بعثتها وهم بعد يمشي الموضوع
لكن اذا انتي مضطره انك تجلسين لحالك وش تسوين هذا قدرك وهذا نصيبك
يعني ماله داعي تسالين وتفتحين على نفسك ابوابك انتي جالسه جالسه لحالك
واذا عندك اخو متخرج ويبي يبتعث شوفي اذا تقدرين تغيرين المحرم وهالكلام
وتجيبين اخوك عندك وانتي تسكنين مع عمتك وبنت عمتك واخوك يسكن لحاله او مع زملائه
ابحثي عن اكثر من حل راح تلقين حلول مناسبه
واذا مضطره انك بتجلسين لحالك اسكتي ولاتتكلمين كثير وتفتحين ابواب مسكره بوجهك
واذا اتكشوفكم الملحقيه قولي زوجي امه تعبت او راح للسعوديه مضطر او شي من هالقبيل

وبعدين باقولك شي (ان كيدكن عظيم ههههههههههههههه اضحكي على زوجك ودبسيه بالدراسه
وخليه يجلس )
يعني معقوله انتم ياجنس حواء مالقيتم خطه ذهبيه تستقلون فيها الوضع ههههههه
انتي اتصلي على مفتي وقولي ياشيخ انا مضطره اني اجلس في بلد الغربه لحالي
وزوجي بلشه مو راضي يجلس معاي وانا معاي عمتي وبنت عمتي معاي بالسكن
والحمدالله حنا بامن وامان هنا وكل شي متوفر ولكن ياشيخ هذا طموحي
وماصدقت اني القى بعثه افيد فيها ديني ووطني ومجتمعي وشوفي وش يفتيك
واذا قالك مايجوز او حرام ومن هالكلام (كلامه صحيح ولكن دقي على مفتي اخر
ترى اختلاف المشايخ بالافتاء رحمه من رب العباد لعباده )
مثل قصة اللي راح يسئل شيخ قال ياشيخ انا قتلت 99 رجلا
هل تحق لي التوبه قال مالك توبه قال اجل انت رقم 100 ههههههه وذبح الشيخ
وراح شيخ ثاني وسئله وقاله الشيخ (ان الله غفورا رحيم ) او شي من كذا
ترى مادي هي قصة او حديث لكن اذكرها زين مازين
عموما ربي يوفقك ويفتح ابواب رحتمه ورزقه عليكم

وهذي ارقام مشايخ :
سلمان بن فهد العودة 3820789/06 جوال 0504250250
salman@aloadah.com


الشيخ / عائض بن عبدالله القرني AAlqarni@al-islam.com

محمد عبد الرحمن العريفي 2460368/01 جوال 0505845140
Arefy@hotmail.com

تحياتي



تحياتي

الله يعطيكم العافيه على ردوكم ووقفتكم معي

وضحكتني كثييير ردودكم ههههههههههههههههههه
بالذات ايمن وقحطان ماخذين الحياه ببساااطه


وكلمت شيخ قريب لي بموضوع جلوسي بدون محرم ومعي عمتي وبنت عمتي, وزوجي مامن كل شي والسكن ملاصق للمعهد
ووضعي استقرار
رد علي ان في من اجازه وفيه بعضهم من حرمه
ويعتبر جائز بسبب الضروف والله اعلم

وبالنسبه للراتب قال حلال في حاله وحده ان الملحقيه تكون راضيه يعني محلليني عليها
حتى لو كانت تفتح عليك ابواب مسكره
هذا مال عام



والله انا مدري وش اقول للملحقيه تحللوني؟
وانا عارفه ان المال يروح شرق وغرب وفيه ناس يختلسون كثير الله يهديهم



بس ماراح اتحاسب عنهم
بتحاسب عن اللي انا اختلسته بس


وراي قبر وحساب


وانا سالت على ايميل الملحقيه لو محرمي مايتواجد بس يامن وضعي ويمشي ويجيني كل شهرين مره
ماهي الاجرائات ابغى تلغوا رواتبه بس
قالوا ممنوووع لابد من تواجد محرمك طوال فترة دراستك وهذا من الشروووط
يعني لو عرفوا يمكن ياثر على بعثتي

قلت الحمدلله ماعرفتوا انا مين
حيروني اكثر



وبالنسبه للاخ نواف

لعدم تواجد زوجي وبنتي
زوجي في الاصل كان بيكون مرافق معي على طوول
بس تغيرت الظروف ورست عليه مناقصه راس مالها كبير مو قادر يتركها واخذ عليها قروض

وبنتي موراضين اهلي اخذها معي عمرها سنتين
وفي الغربه لو تطيح او تمرض مااحد معي
وراح تلهيني عن الدراسه ولا اقدر ائمنها عند احد خاصه انها حركيييه وشيطااااااانه الله يحفظها وماتخاف

والعذر الاقوى اهلي مايامنونها عندي اصلا هههههه مدري حاسين اني الى الان طفله مو قد مسؤوليه امسك بنتي(ليه تزوجوني اجل دام اني مو قد المسؤوليه )

واهلي ماعندي احد اخواني صغار يدرسون في المدارس
وبابا مايقدر يترك وظيفته وماما واخواني


الله يسهل الامور ياارب
يدور في بالي اتصدق فيهم
وان شالله الاعمال بالنيات والله ياسامحني وراح احاول من بعيد لبعيد مع الملحقيه بحيث اسالهم وهم مايدرون مين انا بالضبط

لا تقولي للمحلقيه ... واذا سالوك عنه ... ولا راح يسالونك عنه أمداه رجع لك او قولي صار له ظرف ورجع للسعوديه وبيجي بعد 3 اسابيع ... بالنسبة للحلال والحرام الله واعلم ... بس اذا تحسي فيها شبهه خذي الـ 1848 دولار وحلوليلي الباقي ههههههههههههههههههه

تسالني انا ؟ !!
عجيب انا لم افتي ولكن طرحت تساؤل ولكن انت بررت وتقول اللي درسته يقول كذا وكذا

وانا اقول خل اللي درسته على جنب ومثل هالمسائل يستفتى فيها اصحاب الفضيله المشائـخ




لابد تستفسرين من احد المشائخ بالمساله هاذي وبقاءك بدون محرم

بعد التحيه..

مفروض يأختي ماتقعدين لوحدك انا نسيت المحرم ولكن ذكروني الاعضاء فيه .. الله يغفر ذنبك وذنوبنا جميعاً

والله يوفقك في دراستك وترجعين بأعلى الشهادات .. والله يكون في عونك .. والله انا رجل وشايل هم السفر والغربه

وانتم يالحريم ماشاء الله عليكم .. !!

بالتوفيق,,,

طيب ارجعي للسعودية