ابوي عبدالله خطفت قلبي بعفويتك " سجل كلمة حق ابوي عبدالله او عمي سلطان "

أبدأ بذكر الله الفرد الصمد وهاب الأرزق كل له قسم
أحكي لهم عن الجود وأذكر بن سعود هم سادة الجود ما بين الأمم
وجودهم يختلف عن كل جود لهم ذراة المنيعة والقمم
توارثو جودهم عقب الجدود مرجع ومجمع ومنبع للكرم
لو غيرهم جاد جودهم له حدود الناس تكرم مع ايام النعم
كم ناس تكرم ولا تقوى الصمود من قل ماله تراجع وانهزم
خل الصفات الأصيله للأسود اولاد عبد العزيز اهل الشيم
هم غيث هم غوث في نجد النجود كواكب المجد حامين الحرم






بديت باسم الـلـه أقـــدم قصيـــــــده ***** أذكر بها ما شفت وأدركت بالعين



شفت أبو متعب عقب غيبة عضيده ***** مشى على المنهج وحنا هل الدين



وكل المناهج مرجــــعه للعقيـــــدة ***** دستورنا القرآن مـا فيه قوليـــــن



وآعــد شـعـوبه بالحيـاة السعيـــــدة ***** وبدا بعزم وجهد يوفي لنـا الديـن



وعز الـلـه أنه ما كـذب بالوعيـــده ***** إلا تعـدى وأصبح الكـيل كيـليــن



وبـأقــل مـن عــام بخــطه جـديــده ***** أنجز بها أعماله مثل طرفة العين



وحـقـق لشـعبـه كـل شـيء يـريــده ***** ومـن حبـهـم سمـوه يا قـرة العين



ولا حـب ربـي عبـد خـلى عبـيــده ***** بـقـدرة الـلـه كـلـهم لــه محـبـيـن



ويـسـر أمـور بالظـروف الشديــدة ***** مـن حـيث لا يـدري يمكنه تمكين



وجـتنا على قـدومه عـطايا عديــده ***** فـضل من المـولى ولا فـيه تقنين



ومـا حدثت نفسـه يـزود رصـيــده ***** رصيده المطلوب (شعبٍ محبين)



ويـوم أنها جـت له على ما يريـده ***** أنعم على الأقصين قبل القريبين



وبدا مع المسكـين وأصبـح سنيـده ***** حقق له المطلوب والطاق طاقين



ويـوم اطـمـأن وكـمل اللي يـفيــده ***** خلاه ينعم مثل الأقصى والدنـيـن



ومـشى عـلى بـاق الديـار البـعيده ***** يعلن مطالبهم على الرأس والعين



بـنفس عن الدنيـا عـزوف زهيـده ***** هـوماتها مـا هـي بجـمع الملايـين



وأعـطى بـغير حساب والله يزيده ***** والفضل عند الله يضاعفه ضعفين



وعسى الذي سخـرك تنـفع عبيـده ***** يديم فضـلك لضـعوف المسـاكـين



ويطيـل في عمـرك سنيـن مديــده ***** تنعم بها بدنياك وتنصر بها الدين



وينعم بها شعبك معك وانت سيـده ***** وحنا جنودك ،عزوتك لك محبين



وسر يا بو متعب جعلها لك حميده ***** بشعب تحـبه وأنت لـه قـرة العين

الله يعز بلادنا ويحفظ ولاة أمورنا ونجدد البيعة لوالدنا الملك عبدالله يحفظه الله
والله يديم علينا النعم ...

إلى الأمام المملكة العربية السعوديه

نريد قولا وفعلا ........

حسيت جاني السكر بعد ماقريت الموضوع

ياخي هذا تزلف وشغل طرارين، بدال هالكلام اللي قاعد تلون فيه كأنه بسطة بليلية ، أدعو له بدعوة واحدة على الأقل

أدعو لخادم الحرمين الشريفين بأن الله يسعد خادم الحرمين الشريفين في الدنيا و الأخرة و يغفر له و يشافيه و يصلحه و يصلح بطانته و شعبه.

سلامتك من السكر يانظر عيني

ابشر من عنوني

يالله انك توفق ابونا عبدالله لما تحبة وترضاة وتسدد خطاة يارب العالمين

عساني بيضت وجهك يابو قصي ؟؟

الله يطول عمر خادم الحرمين الشريفين ويخلية ذخر للبلد
وربي يحفظة ويحفظ كل ولاة امرنا
ويوفقهم لما يحبة الله ويرضاة

سلامتك من السكر ياقلبي احنا نعبر عن حبنا لا اقل ولا اكثر ما احنا من هل كلام بنشحذ فلوس على قولتك ولا شئ
او الله يخلي لابتي بومتعب او يعطيه الصحة او يسر امورة او جعل والدينة في الجنة او يساعده او يعينة على كل شئ يسوية لنا لانه فعلا جااالس يتعب معانا
الله يطول عمرك او عمر بوخالد او بو احمد او يخلي لنا ال سعود عزوتنا قولوا امين

الله يحفظ ملكنا يارب

مول الموال غنى في مزاميره قصيده
من عقب ماهو تعزى وابتعد عنها وعيا
خاطري ولع ومنى بس وده بالفريده
تطرب الوافي بطبعه واشتعلها من هنيا.
يابومتعب يابومتعب ياملكنا يالشريده
وش عليا وانت أبوي ياهنيي وش عليا
ذاملكنا وذا ذرانا ذا ملكنا وذا جديده
يغبط الطيب بفعله ويذبحك ياسود نيا

بالعطايا والمحبة دائمة ايده وليده
ماخذن شعبه بفكره للتطور والعليا
لو نعدد ماحصينا ولونعدد مانعيده
ياهني الشعب فيه وياهنيا ياهنيا
راية التوحيد عزه محتزمها للمديده
خادم البيتين سمي مابغى غيره سميا
مزبن الجالي طبيعه وحكمته دايم سديده
مالقينا مثل أبومتعب شبيه ولاحليا
وشعب أبومتعب وفاله مابغى غيره يقيده
يوم قالوها حنيناً انتفض شعبه وعيا
حكمه بشرع الله وثق من معزي للوليده
وزادها طيبه بشعبه طيب وافي ممتليا
ندعي لرب الخلايق يامعين انك تزيده

من عطاياك الفضيله والعفو منك عطيا
لك دعوه من خفوقي صادقه عندي فريده
جعل تحشر يوم نحشر مع شهيد ومع نبيا